Udiana Ñwed Krọnikịd11
1Ke ini Rehoboam akedisịmme Yeruselem, anye amaakoot Yuda ye ekpək Benyamin mme uko ñkparawa tọsịn ikie mme anaañ (180,000) edika ekọñ ye Isrel nọ emaana ebọ abioubọọñ enọ Rehoboam.2Ado ikọ Abọọñ amaadi abịne Semaiya awo Abasi:3“Dọkkọ Rehoboam ayịn Sọlọmọn adidem Yuda ye afịd mbon Isrel ke Yuda ye Benyamin,4‘Ami ado se Abọọñ atañ: Kuukaa ukunwana ye nditọ ete ndufo mbon Isrel. Inyọñọ ufọk, afịd ndufo, sia ami ado ubọkutom mmi.’ ” Ke ntoro ammọ emaesuuk iwuod enọ ikọ Abọọñ enyʌñ etịmme edem ke edika ñkenwana ye Yerobuam.
Rehoboam Asịn Akọ Akanna Yuda
5Rehoboam amaadʌñ ke Yeruselem anyʌñ abọp mme abio ndibene ke Yuda:6Betlehem, Etam, Tekoa,7Bed Sọọ, Soko, Adulam,8Kad, Maresa, Siif,9Adọraim, Lakis, Aseka,10Sora, Aiyalọn, ye Hibrọn. Mbon ami ekedo mme abio se ekesịn akọ ekanna ke Yuda ye Benyamin.11Anye amaanam mme ndibene ammọ edoñño ñkpọsọñ anyʌñ anịm mme adaiwuod ke ammọ, ye ke adinọ ndidia, adan ọlif ye mmịn.12Anye amaaboon mme atuekọñ ye mme eduad ke afịd mme abio, anyʌñ anam ammọ edo ataa ñkpọsọñ. Ke ntoro Yuda ye Benyamin ekedoñño ake ammọ.13Mme aku ye mme Lifai ke afịd mme ikpeghe ammọ ke afịd Isrel eda ye anye.14Mme Lifai emaekpọñ mme abio ammọ ye udeeme isọñ enyʌñ edika Yuda ye Yeruselem, sia Yerobuam ye nditọ ideen amọ emaesịn ammọ adido mme aku nnọọ Abọọñ15ke ini anye akemekke mme aku amọ aboon ke mme ñkoñ-ñkoñ itie ye ke ubobod ebod ye ñyịn enañ ake anye akenamma.16Mbon e-eketooho afịd esiin Isrel e-ekenịmme esịd ammọ ke adiyem Abọọñ, Abasi Isrel, emaekeene mme Lifai ekaa Yeruselem ekewa uwa enọ Abọọñ, Abasi mme eteete ammọ.17Ammọ emaenam abio adidem ke Yuda ado akpọsọñ enyʌñ eda ye Rehoboam ayịn Sọlọmọn ke isua ita, ekeene usʌñ Defid ye Sọlọmọn ke ini ami.Ekpək Rehoboam
18Rehoboam akedọ Mahalad, a-akedooho ayịn awonwaan Yerimọd ayịn Defid ye ake Abihel, ayịn awonwaan Eliab ayịn Yesi.19Anye amaaman nditọ ideen anọ anye: Yeus, Semaria ye Saham.20Akem anye amaadọ Maaka ayịn awonwaan Absalọm, a-akemanna Abiya, Atai, Sisa ye Selomid anọ anye.21Rehoboam amaama Maaka ayịn Absalọm akan ibaan ndọ amọ mfen ye ibaan esa amọ. Ke afịd, anye akedọ ibaan duob mme itiaita anyʌñ anie ibaan esa ata, nditọ ideen edịb mme itiaita ye nditọ ibaan ata.22Rehoboam amaamek Abiya ayịn Maaka nte akpan ubọọñ ke atu nditọ ete amọ, nọ anam anye adidem.23Anye akenam ye aniọñ, asuan nditọ ideen amọ adọñ ke afịd ikpeghe adaña ke Yuda ye Benyamin, ye ke afịd ñkpọsọñ abio. Anye amaanọ ammọ uwak ndidia anyʌñ adọ mme ibaan anọ ammọ.Biblica, Inc.