Akpa Ñwed Samwel2
Akam Hana
1Ndin Hana amaabọñ akam anyʌñ abo:Esịd mmi adaara ke Abọọñ;nnʌk mmi akoñ ke Abọọñ.Inua mmi abuuro mbuuro akan mme asua mmi,sia ami mmenem esịd ke adinyaaña mfo.2Ibaaha awo ndomokeed se isana nte Abọọñ;awo mfen ibaaha ke imiibọhọke afo;itiad ndomokeed ibaaha nte Abasi ñnyịn.3Kuukaa iso utañ ikọ ke ntañidemme ayak inua mfo atañ ikọ usọñanyen-usọñanyen,sia Abọọñ ado Abasi a-adiọọñọke ñkpọ,ñko ato ke anye edomo mme adinam ese.4“Ebuuñ mme utịgha mme ñkpọsọñ awo,ado mbon e-eketuakka ukod eteññe edo mbon se inie adudu.5Mbon ekediaha eyʌkkọ enọ idem ammọ ke ukpekpe utom ebọ ndidia,ado mbon e-ekekoppo abiọọñ ikoppo abiọọñ aba.Anye a-akedooho ada aman nditọ itiaba,ado anye a-akenieghe uwak nditọ ideen aduọọk idodanyen.”6“Abọọñ aben ñkpa adi anyʌñ anịm uwem;anye asuuhọ awo asịn ke udi anyʌñ adịppe awo ke anyọñ.7Abọọñ adọñ uweene ye imọ;anye asuuhọ awo anịm ke isọñ anyʌñ adịppe ke anyọñ.8Anye adịppe uweene asio ke ntọñanyʌñ adịppe mbon unana asio ke itie ntọñ;anye anịm ammọ ye nditọ mbọọñanyʌñ anam ammọ enie ebekpo ukpono.”“Sia mme itiad idakisọñ ederimbod anie Abọọñ;do ke anye adot ederimbod.”9Anye ayaakpeme ñkpad mbon e-enamma akpanikọ ye anye,ado eyaekʌp inua mbon ibak ke ñkịm-ñkịm itie.Idooho ke adudu ke awo anie adikan;10eyaenuak mbon se ifaaña mfaaña ye AbọọñÑkoñ Ñkan Abasi ayaasiak aduma ato ke anyọñ;Abọọñ ayaakpe ikpe utịd ederimbod.“Anye ayaanọ adidem amọ inweekanyʌñ abenne nnʌk mbon a-anye ayette adan ke anyọñ.”11Ndin Elkana amaanyọñ ufọk ke Rama, ado ayịn ado amaaba anam utom Abọọñ ke idak Elai a-akedooho aku.Mme Ndoom Nditọ Elai
12Nditọ Elai ekedu abʌd-abʌd uwem; ammọ ikinieghe mbaak ndomokeed inọ Abọọñ.13Ndin akedo ido mme aku ke ini akeedodo awo amaanam uwa, ke ayịnufọk aku ayaakama akuum anie ukod ita ke ubọk amọ ke ini esʌkkọ etem unam ado14ñko anyʌñ awuuk akuum ado ke ako ufrañ ñkpọ me ke ketịl me ako ukwak me usiọñ. Se adodo a-akuum asioho adiinie aku. Naña ekesinam afịd nditọ Isrel e-ekediighe Silo ado ami.15Ado mbemiso etetem akpọñ unam ami, ayịnufọk aku ayaadi adibo awo a-awaaha uwa ami, “Nọ aku usʌk unam yak afọp; anye idiibọọhọ utetem unam uto fiin, ibọhọke ndisi.”16Adieke awo ado abooho anye “Yak etem akpọñ unam ami diin, ndin afo asio se adodo ake afo ayemme,” ayịnufọk ado ayaabọọrọ, “Iyoo, yaak anye nnọ idahami; imiidooho ntoro, ami ñyaubọ ke ñkanubọk.”17Idiọọkñkpọ ñkparawa ami amaanekke akpon ke iso Abọọñ, sia ammọ ekesịn uwa Abọọñ ke ndek.18Ado Samwel akenam utom ke iso Abọọñ, etəkayịn a-asịneke afọñ aboditọñ ake linen.19Kwa isua eka amọ asikịm etək ewịra aben asọk anye ke ini anye asañake ye ebe amọ akewa uwa a-asidatta itie kwa isua.20Elai asidiọñ Elkana ye anwaan amọ, abo, “Yak Abọọñ unọ fiin nditọ ato awonwaan ami nọ ediidat itie anye a-anye akebọññọ akam abọ anyʌñ aben asọk Abọọñ.” Ndin ammọ eyaenyọñ ufọk.21Ndin Abọọñ amaadise Hana, afọn ido ye anye; anye amaaman nditọ ideen ita ye nditọ ibaan iba. Ñko Samwel amaakọt akpon ke iso Abọọñ.22Idahami Elai a-amaakenekke asọñ, amaakop abaña afịd se nditọ amọ ekenañña ye nditọ Isrel ye naña ammọ ekenaa ye mme ibaan e-ekesibonoke ke inuausʌñ atayad mbono.23Ndin anye amaabo ammọ, “Nsoo inam ndufo enam utọ ñkpọ ami? Ami mmekop nto afịd awo mbaña mme ibak adinam ake ndufo enamma.24Iyoo, nditọ mmi; etob a-ami ñkoppo naña asuana ke atu ikọd Abọọñ ifọnnọ.25Adieke awo keed adueghe awo mfen, Abasi akeme adisịn emem ke ufọọd ammọ; ado adieke awo ndomokeed adueghe Abọọñ, anie awo idiikpe ubọk inọ anye?” Nditọ ideen amọ ikikoppo nsuannọ ete ammọ, sia akedooho uduak Abọọñ adiwot ammọ.26Ñko Samwel etəkayịn ado amaakaa iso akọt ke ndaha anyʌñ anie mfọn ke iso Abọọñ ye ke iso awo.Prọfesi ke abaña Ufọk Elai
27Akem awo Abasi keed amaadibịne Elai adibo anye, “Se Abọọñ atañ ado ami: ‘Nte ami ñkeyaarake idem mmi nnọ mme nsọbom mfo idaha ammọ ekebaaha ke Iyib ke idak Fero?28Ami ñkemek mme nsọbom mfo ke atu afịd esiin Isrel nte edo aku mmi, nọ esikaa akpokoro uwa mmi, ekefọp insensi, enyʌñ ekọñọ afọñ aboditọñ ke iso mmi.’ Ami mmaanyʌñ nnọ mme nsọbom ekpək ndufo afịd uwa ndidia ake nditọ Isrel ekenọọhọ.29Nsoo inam yak ndufo esọnnọ uwa mmi ake ami ñkewuuhọ ke itie idʌñ mmi ke ukod? Nsoo inam yak afo akpono nditọ mfo añkan miin ke adinam idem ndufo akpon añkan ke adimek itie afịd uwa ake mbon mmi nditọ Isrel enamma?”30“Mmọdo Abọọñ, Abasi Isrel abo ate: ‘Ami mmaanwọñọ ke mbon ekpək ndufo ediinam ñkpọ innọ miin ke nsi-nsi.’ Ado idahami Abọọñ atañ abo ‘Nsaa mmi-o! Ami ndiikpono mbon eñkponoke miin, ado mbon ensịnne miin ke ndek ami ñyaasuenne.31Ini asʌk adi ake ami ndiikpịkke nsọñidem ndufo ye nsọñidem ufọk mme aku ndufo nsio, nọ ato do awo ndomokeed adisịm isua usọñ,32afo ayaanyʌñ akịt ukuud ke itie idʌñ mmi. Akpesʌkado mfọn adiisịm Isrel, ibaaha awo ke ekpək mfo a-adiidu uwem isọñ.33Awo keed akeedodo ake ami mmeñkpịkkeke nsio ke edinam utom ke akpokoro uwa mmi, ami ndiinịm nọ ato do nnam anye ado nnan ñnyʌñ ñkoot nsọñidem amọ nsio, ñko afịd ubon ndufo eyaekpa ke ini ammọ ekoppo uko nte ideen.’ ”34“ ‘Ñko se idiitịppe inọ nditọ ideen mfo iba, Họfni ye Finehas, adiido idiọọñọ unọ fiin, ammọ awo iba ediikpa usen keed.35Ami ñyaasio aku anam akpanikọ nnọ idem mmi, anye ayaanam akeene se isịne ke esịd ye ke akikere mmi. Ami ñyaanekke nsọọñọ ufọk amọ ñko ammọ ediinam ñkpọ ke iso mbon ake ami ñyette adan afịd ini.’ ”36Ndin amaakem afịd awo se isʌhọ ke ekpək mfo eyaedibịne anye ekesuuk iwuod ke iso amọ ebeeñe silfa ye uyo enyʌñ ekpeiye ebo, “Mmek miin sịn ke itie utom mme aku nọ ato do nnie se ndia.”Biblica, Inc.