Akpa Ñwed Ndidem4
Mme Adaaha ye Mme Ñkpisọñ Sọlọmọn
1Ndin Adidem Sọlọmọn amaakaara ke afịd Isrel.2Mme adaaha amọ ekedoñño ami:Asaria ayịn Sadọk, aku;3Elihoreb ye Ahiya, nditọ ideen Sisa, mme awedñwed; Yehosafad ayịn Ahilud, awedmbʌk;4Benaiya ayịn Yehoiyada, adaiso udịmekọñ; Sadọk ye Abiata, mme aku;5Asaria ayịn Natan, andiseghe ñkpọ abaña mme adaiwuod ukara; Sabud ayịn Natan, aku ye anọitem adidem;6Ahisa, andise ñkpọ mbaña ukara esịdufọk adidem; Adọniram ayịn Abda, aseñkpọ mbaña ufefiik utom isọñabio.7Sọlọmọn akenie mme adaaha duob mme iba ke afịd Isrel, e-ekenọọhọ ñkpọ ndidia ye afịd ñkpọ adidem ye esịd ufọk adidem. Awo keed akena anọ ñkpọ se eyem akem afiọñ keed ke isua.8Mme anyịñ ammọ edoñño ami:
Ben-Họọ ke abod abio Ifrem;9Ben-Deke, ke Makas, Saalbịm, Bed Semes ye Elon Bedhanan;10Ben-Hesed, ke Arubod (Soko ye afịd isọ Hefa ekenie anye);11Ben-Abinadab, ke Nafọd Dọọ (anye akedọ Tafad ayịn awonwaan Sọlọmọn);12Baana ayịn Ahilud, ke Taanak ye Mekido, ye ke afịd Bed San a-adianake Saretan ke idak Yesriil, tọọñọ ke Bed San tutu Ebeel Mehola tutu ke Yekameem;13Ben-Kebe, ke Ramọd Kilied (mme itieidʌñ Yai ayịn Manase ke Kilied ekedo ake amọ, adian ye Arkob ke Basan ye mme abio ammọ ata e-ebọppọ ikpọ ndibene ekanna ye inuaatob akpoho);14Ahinadab ayịn Iddo, ke Mahanaim;15Ahimaas, ke Naftali (anye akedọ Basemad ayịn awonwaan Sọlọmọn);16Baana ayịn Husai, ke Asaa ye ke Alọd;17Yehosafad ayịn Parua, ke Isaka;18Simei ayịn Ela, ke Benyamin;19Kebe ayịn Uri, ke Kilied (idịd Sihọn adidem mbon Amọọ ye idịd Ọk adidem Basan). Anye ikpọọñ akedo adaaha ke efaak ado.
Ñkpọ Ndidia ye Ñkpọufọk se Sọlọmọn Ayem ke Usen ke Usen
20Mbon Yuda ye Isrel emaewak nte ntan mben akpa; ammọ emaedia, emaenwọñ enyʌñ ekop inemesịd.21Ndin Sọlọmọn amaakaara ke mme idịd tọọñọ ke Inyañ Yufretis tutu ke isọñ mbon Filistia, tutu ke adaña Iyib. Mme idịd ami emaeben utomo enyʌñ esuuk iwuod enam ñkpọ enọ Sọlọmọn ke afịd ayio uwem amọ.22Ndidia Sọlọmọn ke usen ke usen akedo udomo kọọ ndomuyo edịb mme duob ye udomo uyo kọọ ata ,23enañ duob edọññọ ndidia ke usịnudia enọ, enañ edịb e-enọọhọ mbid ke anwa ye edọñ ye ebod ikie, ye ebed, edob, akoyo ye mme asaña-asaña unen.24Sia Sọlọmọn amaakaara ke mme idịd ke usobutịn Inyañ Yufretis, tọọñọ ke Tifsa tutu ke Kasa, anyʌñ atie ke emem ke afịd ñkañ.25Ke ayio uwem Sọlọmọn Yuda ye Isrel, tọọñọ ke Daan tutu ke Beeseba, emaedʌñọ ke ifuuro, afịd awo ke idak fain amọ ye ke idak eto fik amọ.26Sọlọmọn akenie abaenañ sariọd enañmbakara tọsịn inaañ (4,000), ye enañmbakara tọsịn duob mme iba (12,000).27Mme adaaha, anie afiọñ amọ anie, ekesinọ ndidia ye ñkpọufọk Adidem Sọlọmọn ye afịd awo se idia ke akpokoro adidem. Ammọ emaekịt ebo ke ñkpọ ndomokeed inanake.28Ammọ ñko emaenyʌñ edat udomo baali ye ñnyanyaha enọ mme sariọd enañmbakara ye mme enañmbakara mbon ñko.Aniọñ Sọlọmọn
29Abasi amaanọ Sọlọmọn aniọñ ye ataa ekamba ikike, ye ubom ifiọk awo imiikanna iben idomo ye ntan ke mben akpa.30Aniọñ Sọlọmọn amaakpon akan aniọñ afịd mbon Usakkautịn, anyʌñ akpon akan afịd aniọñ mbon Iyib.31Anye amaadiọọñọ ñkpọ akan afịd awo mfen, akan Etan awo Esra, adiọọñọ ñkpọ akan Heman, Kalkol ye Daada, nditọ ideen Mahol. Ndin etob amọ amaasuana ke mme ñkanñkʌk idịd.32Anye amaatop ñke tọsịn ita ndin mme ikwọ amọ akedo tọsịn keed ye ikie ition.33Anye amaatañ ikọ abaña uwem eto ye mbid, tọọñọ ke sida Lebanọn tutu awuọ haisọb a-atịppeke awuọ ke mme ndibene. Anye amaanyʌñ atañ abaña mme unam ye mme inuen, mme unam se inyọnyọọn ye mme iyak.34Mme awo emaeto afịd idịd, ake mme adidem afịd ekondo ekekoppo etob aniọñ Sọlọmọn ekedọññọ, ete edi edikpañ utọñ ekop aniọñ Sọlọmọn.Biblica, Inc.