Ngode Datagaliwabe ibu haru haga daligaore kagonigo ogo
1Wali agali bu kamiru bibahendemeNgode Datagaliwabehondo turu halu gi habe bo midaba.Turu howa ibunaga mini mo yaraga haluiba gana dalimu lo midaba.2Anduane Homogo Daligaorene Daliga gibiore kagohondoiname gi habehe kamagoni.Ibu kini timbuni gibiore howawali agali dindi bibahendeni bu kamaru de handa gimbu buwa haru kagoni.3Iname wali agali maru karu bope haluwayali holoma̱ya ibugua ina mo wayali helaya.Hameigini tara tara palu ngaruiname de hondo howa haru holoma̱ya helayagoni.4Ina dindi kamagonibi ibugua dege, Tí ogoria hadaba, lalumo ngiyagoria bu kama.Ibugua ina gubalini howa ani mo ngiyagomeina nde dindi bayaore ogoriani howaminiha turu halu yangalo kamagoni.5Ngode Datagaliwabe ibu handame haga kini howaibuninaga biragane dagiani birule iraga haragoni.Anduane Homogo ibu ani iraga harago hondowawali agalime turuore gibi howabi timbuni ga̱ lowa ladaga daga bialu mbelo biguliru bibe̱ laga biragoni.6Ngode Datagaliwabenaga mini yaraga haluibuhondo iba gana lo midaba.Inanaga kini ibu hangu kago ibunaga mini yaraga haluiba gana lo midaba.7Ngode Datagaliwabe ibu wali agali dindi bibahendeni bu karunaga kini kagoibunaga mini mo yaraga halu iba gana laga bialu halimu.8Ngode Datagaliwabe ibu kini kago howa kininaga biragane dagia loma bia heneni biruwaibugua mana tigabi dege lalu biraga.Ogoriani biruwa ibugua hameigini tara tara dindi bibahendeni bu kamaru haru haga kagoni.9Hameigini bibahende dindi tara tarani karunaga haru haga dameneru bibahendebiAbarahamanaga Ngode Datagaliwabe hene kago ogoni ibunaga wali agali bu karubi hebati mandagi mo ngoaiho haga.Ngode Datagaliwabe ibu ami hongohe dindini bu karubi ndohongo gibiorehe howa haru haga ka.Ibu haru haga hongohe daligaore kagoni.