IBA GANA118hui_png
Ngode Datagaliwabehanda biamogoore biyagonaga ibuhondo ka̱i̱ lenego ogo
1Iname Anduane Homogohondo ka̱i̱ore lalu hami̱ya.Ibugua inahondo mana bayale hangu bigi biyagonaga ani lalu hami̱ya.Ibugua ina gubalini ho kago haho wiaaboore hole kagonagaibuhondo ka̱i̱ore lalu hami̱ya.2Isaraele wali agali kamirume,Anduane Homogo ibugua horo bibahendengiina gubalini ho kago haho wiaaboore haga kagoni, lalimulo hameledo.3Ngode Datagaliwabenaga loma binigo mo miaga kamirume,Anduane Homogo ibugua horo bibahendengiina gubalini ho kago haho wiaaboore haga kagoni, lalimulo hameledo.4Wali agali Anduane Homogo mitangi halu lotu laga kamirume,Anduane Homogo ibugua horo bibahendengiina gubalini ho kago haho wiaaboore haga kagoni, lalimulo hameore ledo.5I̱ genda gibiore yu hewangi Anduane Homogo olarugolaibugua hale halu i̱naga genda yu hewagoni mo wahalu i̱ golope hayagoni.6Anduane Homogo ibu i̱ heba hapara ho haabo haga kagonigoi̱ gi naholebero.Wali agalime i̱hondo mbirale mbira agi bulubadabe.7I̱ biamogo biaga Anduane Homogo ibuni kagoni.Ibu ani kagome i̱naga waitigi karu Anduane Homogo ibugua bope haragolai̱ de hondolebero.8Wali agali tini dege dege hanaho holenego goyane lowaAnduane Homogoniore hanaho holenego duniniore nga.9Dindini haru haga karubi agali haguane karubitini hanaho holenego goyane dege lowaAnduane Homogoni hanaho holenego duniniore nga.10I̱naga waitigi dewaoreme i̱ bole homabu bupe heariaAnduane Homogonaga hongome i̱na uruni bibahende bope hai haru.11Ti bibahendeme i̱ bole ho mabu bupe howa i̱ mo dombe wia heariaAnduane Homogonaga hongome i̱na uruni bibahende bope hai haru.12Mone tidu yalu ibiradagua waitigi bibahende tidu yalu ibuwa i̱ni mbulupe hayagoyuo biaruni irame gaeangi bo daradagua bialu bibahende bo mburi lai haya.Anduane Homogonaga hongome i̱na uruni bibahende bope hai haru.13Tigua i̱ bole anda ibalu mo ko howaore bayagola i̱ bope habehegoyuAnduane Homogo ibugua i̱ biamogo biya.14Anduane Homogo ibugua i̱ mo hongo helagaore ka.Ibunime i̱ gi mialu biamogo biyagoni.15Ngode Datagaliwabenaga wali agali karume agali balu ibuwatinaga balai anda tamuha tini wai mambolo baruago hale hadaba.Anduane Homogonaga hongo gibigome ina mo hongo hayagolabibahende bai harimagoniyago, lalu biraruago hale hadaba.16Anduane Homogonaga hongo gibi biagome ina biamogo biyagolaina wai bialu wayali harimagoni.17I̱ ala awane nahomolebero.Nahome howa dére emabu kongiAnduane Homogohanda bigi biyaru ogodagua biya lalute laga bulebero.18Anduane Homogo ibugua i̱ mini wuliya mana lalupani hiriribiore ngia nguwa i̱ bo home nalayagoni.19I̱ Anduane Homogonaga mini mo yaraga halu ibuhondo ka̱i̱ lo poleberogoibunaga anda panga karuni dugupe hadaba.20Anduane Homogonaga anda anda pole panga haraba o kagoni.Wali agali mini tigabiwi karu hangumepanga o duguaho ngagoniha anda pobehe ka.21Anduane Homogo-o í̠na i̱na bi larugo hale halu biamogo birigomei̱ wayali ho kogoni.Biamogo birigonaga i̱na í̠naga mini mo yaraga holebero.22Ege to̱le̱ mbira anda biagame galone nabibehedago lowa dabo wahenegoege to̱le̱ ogoniore mo timbuni duniniore ho heleda.23Ogoni Anduane Homogo ibunioreme mo yu daibu helenegoiname de handalu handawa bu kamagoni.24Áyu ogoni Anduane Homogohanda inanaga waitigi bope hayagonagainame ibuhondo turu gibiore halu bi te lalu mitangi biaabo hami̱ya.25Anduane Homogo-o ina gi mialu haru dai bia, larama.Iname mbirale bigi beremago damene bibahendeorebayale halu lini daga bilo buluma̱yaAnduane Homogo-o biamogo bibe, larama.26Mbirali Anduane Homogonaga minini howa ibiragoNgode Datagaliwabehanda ogoni ibuhondo turu halu bayale bilo larama.Anduane Homogonaga andani howa iname ibunaga mini mo yaraga harama.27Anduane Homogo ibu hangu Ngode Datagaliwabe heneneore kagoni.Ibugua ina baya hanguore de hondo hayagoni.Ira magane giha podo yagayaga bialubo lomabu miaga dabu ngagoria pu mabu bidaba.28Í̠ i̱naga Ngode Datagaliwabe kegonigoi̱na í̠hondo ka̱i̱ore lalu ko.Í̠ i̱naga Ngode Datagaliwabe kegonigoi̱na í̠ timbuniore kego wali agali lamialuí̠naga miniore mo yaraga holebero.29Iname Anduane Homogohondo ka̱i̱ore lalu hami̱ya.Ibugua inahondo mana bayale hangu bigi biyagonaga ani lalu hami̱ya.Ibugua ina gubalini ho kago haho wiaaboore hole kagonagaibuhondo ka̱i̱ore lalu hami̱ya.No translations available.