1पर भैय्या अर बहिन हुन तुम खुद अच्छी तरीका से जाना हैं कि प्रभु को दिन रात को चोर को जसो आहे। एकोलाने ऐको सही बखत को बारे म तुमरो लाने कुछु लिखन की जरूरत नी हाय।2काहेकि तुम खुद अच्छी तरीका से जाना हैं कि प्रभु को दिन रात म आन वालो एक चोर को जसो आन वालो हैं।3जब अदमी हुन बोलत होये, “सब कुछ सान्तिहैं, अर कुछ डर नी हाय,” ते उन पा एकाएक अकाल आ जाएगो, जे तरीका से गरभ वाली पर दुख; अर वी कोई भी तरीका से नी बचन का।4पर भैय्या हुन अर बहिन हुन!, तुम तो इंधारो म नी हाय कि उ दिन तुम पा चोर को समान आ ख पकडे।5काहेकि तुम सब ज्योति की संतान हैं अर दिन की संतान आय; हम न रात का हैं अर न इंधारो का हैं।6एकोलाने हम दुसरा को समान सोते नी रैय पर जगते अर भागते सोते रहे।7काहेकि जो सोवा हैं वी रात ही ख सोवा हैं, अर जो नसा म धुतरहवा हैं, वी रात ही ख नसा म धुत रहवा हैं।8पर हम जो दिन का हैं, विस्वास अर प्रेम को कवचपहिन ख अर उध्दार की आसा को टोपा पहिन ख सतर खरहे।9काहेकि परमेस्वर न हम का घुस्सा को लाने नी, पर एकोलाने ठहरायो हैं कि हम अपनो प्रभु यीसु मसी को दुवारा उध्दार प्राप्त करे।10मसी हमरो लाने एकोलाने मरियो, जसो हम चाहे जिन्दा रैय या मर गया होय, सब मिलका ओको ही संग जीएँ।11एकोलाने एक दुसरा का सान्ति देव अर एक दुसरा ख बढ़ानको काम करो जसा कि तुम करते भी जावा हैं।
आखरी म जातानो
12अरे भैय्या हुन हम तुम से एक विनती करा हैं। तुम वी इंसान हुन कि इज्जत करनो, जो तुमरो बीच म मेहनत करा हैं, अर प्रभु म तुमारा अगुवा हैं, अर तुम ख ग्यान सिखावा हैं, उनकी इज्जत करो।13तुम प्रेम को संग उनकी खूब इज्जत करो, काहेकि वी तुमरो लाने मेहनत करा हैं। आपस म मिल जुल ख रहनो।14अरे भैय्या हुन अर बहिन हुन, हम तुम से विनती करा हैं कि तुम आलसी हुन ख समझाते रहनू, काम चोर हुन ख हिम्मत देव, कमजोर हुन ख समालो, अऊर सब को संग मेल जोल को व्यवहार करो।15सतर का रहनु! कोई, कोई से बुराई को बदला बुरई नी करन को; पर हमेसा भलाई करन पर तैयार रहनो, एक दुसरो म अर सब से ही भी भलई की बात करनो।16हमेसा खुस रैयनो।17हमेसा बिनती करते रहनु।18हर बात म परमेस्वर को धन्यवाद करते रहनो; काहेकि तुमरो लाने मसी यीसु म परमेस्वर कि यई मरजी हैं।19आत्मा ख मत बुझानो।20भविस्यवानी हुन का बेकार मत समझनो।21सब बात हुन का परखो; जे अच्छी हैं ओखा पकड़ ख रहनू।22सब तरीका की बुराई से बचियो रहनु।23सान्ति को परमेस्वर खुद ही तुम ख पुरी तरीका से सुध्द करे; अर तुमरी आत्मा अर जान अर सरीर हमरो प्रभु यीसु मसी को आन तक पुरा-पुरो अर बेकसुर सभल ख रहे।24तुमका बुलान वालो परमेस्वर सच्चो हैं अर उ असो ही करेगों।25अरे भैय्या हुन, तुम हमरो लाने भी बिनती करनु।26सब भई बंद हुन ख प्रेम को सुध्द चुम्मा से सम्मान करनु।27मी तुम ख प्रभु की कसम देऊ हैं कि या चिठ्टी सब भई हुन ख पढ़ ख सुनाई जाय।28हमरो प्रभु यीसु मसी कि किरपा तुम पा होती रैय।