LUKA5
1Lwire luuma, Yesu abaa aimene kwa musike wa ngetsi ye Ngenesareti . Na bandu bangi bamutsungulako na imupfundeeresta kwexonda ihulikya akinwa kya Ongo.2Nianaxunga ku mato mabiri kwa musike wa ngetsi, abahyana ni bametenga muo kweyaxua amakira mabo.3Nianaurukira mu bwato buuma ku mo mabaa aho. Abwato ubo bwabaa bwa Simoni. Nianabwira Simoni mbu asheetsebo mwa ngetsi, hale hake na musike. Nianaikala mwa bwato ubo, atangira iyisa amubuanano wa bandu.4Yesu abere amechikitsa iyisa abandu, nianabwira Simoni mbu: «Sheetsa abwato mwa mundubi, muume amakira menyu mwa mechi nge mwahyana fi.»5Simoni nianamuxubitsa mbu: «Oho, Mwiyisa! Twamehyana akiro kyoshe, wetuwe tutaitire kiro na kati! Kubwishi bwa kinwa kyawe, naxubeumamo amakira.»6Naho, niabanaumamo amakira mabo, baba neita kikanda kinene kya fi. Na makira mabo matangira ihutukanga.7Kubwishi bwekyo, niabanasimira balikyabo bobabaa mwa bundi bwato mbu bahike baasikyebo. Balikyabo babere bahika, bauchutsa amato mabiri mo fi, nao mahika mu kashangi kexonda itsika.8Simoni Petero abere axunga ikyo, nianapfukama mwa mbere sa Yesu. Abula mbu: «Ninakuwetu, ipfunde hale nani, kureba niri mundu wa ntsambi!»9Byabaa bityo kubwishi Simoni na balikyabo boshe ni bameshishalira abungi bwa safi sobabaa bameita.10Na baala ba Sebetayo, Yakobo ne Yohana, babaa banahyana kuuma ne Simoni. Nabo niabanashishala. Wetuwe, Yesu nianabwira Simoni mbu: «Utaubahaa! Ihuluka tsene, ukaba muhyana wa bandu.»11Inyuma kwaho, baxubesiika amato kwa musike wa ngetsi. Niabanasiya abyoshe nekulikira Yesu.12Lwire luuma, Yesu abaa ali mu mulungu muuma wa mwa kyango kye Ngalilaya. Niakunapfumbuka mundu muuma auchwire bibentsi kwa mubiri woshe. Amubentsi uyo, abere axunga ku Yesu, nianapfukama mwa mbere siwe, ahikya abusu hashi. Nianaitondoola kwiye, mbu: «Ninakuwetu, uli ushashire, ungakocha inikomya.»13Yesu nianalambula aminwe, nianamupfulako, abula mbu: «Nishashire, komibwa!» Na mwa kashangi umoho abibentsi ibyo niabinakomibwa.14Yesu nianamuteeka mbu: «Utalindaa wapfulirao mundu woshewoshe. Wetuwe, enda, youibwerekye kasa kwa mukungu wa hekalu ya Ongo. Kandi, ubeneleta mutulo nga ko Musa ateekaa, kwebwerekyabo ku wamekomibwa .»15Wetuwe, angulu ya Yesu niainashanchabana kutsibu mwa bandu. Na mibuanano mingi ya bandu yerebuanana kwemuhulikya na kwelamibwa amakoni mabo.16Wetuwe, Yesu abaa anaya handu hangaba yewene, kwehema Ongo.17Lwire luuma, Yesu abaa aiisa abandu. aBafarisayo na beisa ba Muomba bauma babaa baikere aho. Aboshe abobabaa beretenga mwa mitsi yoshe ya kyango kye Ngalilaya na kye Yuteya na mwa mulungu we Yerusalemu. Yesu abaa erelamya amakoni mwa maala ma Ninakuwetu Ongo.18Kuhika bandu bauma ni bahete mundu wa makonongola ku mundara. Niabanaxonda ko bangamwingitsa mwa nyumba nemutereka mwa mbere sa Yesu.19Wetuwe, bahusha ho bangamwingitsira kubwishi bwa bungi bwa bandu. Kubwishi bwekyo, niabanauruka kwa muutu wa nyumba iyo. Niabanatengya kwa matebura , babanemukimitsa mwa kati ka bandu mwa mbere sa Yesu, ni anali kwa mundara uwe.Abera ba mukoni wa makonongola bamukimya mwa mbere sa Yesu20Yesu abere axunga abwimire bwa bandu abo, nianabwira amundu wa makonongola uyo mbu: «Mwira wani, asantsambi sawe sameshashirwa!»21Abeisa ba Muomba na Bafarisayo batangira iibutsiritsa mbu: «Munduki uyu, yakamba Ongo? Hate mundu yangashashira asantsambi, ali ate Ongo yewene!»22Kubwishi Yesu abaa echi amianikire yabo, nianabutsabo mbu: «Kubwishi bwaki amuanikira mutyo mwa myete yenyu?23Kihe kyekyolo kwebwira mundu mbu: ‹Asantsambi sawe sameshashirwa›, neri imubwira mbu: ‹Batuka, ube neenda?›»24«Tsene, anixonda mbu mumenye kwingye Muala wa Mundu, niwete maala meshashira asantsambi kwa kihuo kuno.» Niyo Yesu abwira amundu wa makonongola mbu: «Anikubwira mbu, batuka, tsimba mundara wawe ube nefuluka hamwawe.»25Na mwa kashangi umo amundu uyo, nianabatuka mwa mbere sa bandu boshe. Nianatsimba amundara wabaa aonchireko, afuluka hamwe niasingya Ongo.26Abandu boshe bashishala kutsibu babanetsimbwa na buba. Basingya Ongo mbu: «Munolwire twamexunga ku bishishalo!»27Inyuma kwaho, Yesu nianahuluka mwa nyumba umo. Nianaxunga mufutishi muuma wa koli mbu ye Lawi . Lawi uyo, abaa aikere hanafutishira akoli. Yesu nianamubwira mbu: «Unikulikire!»28Lawi nianabatuka, nianasia abyoshe, abanekulikira Yesu.29Inyuma kwaho, Lawi nianakolera Yesu yo linye linene mwa nyumba iwe. Mwa nyumba umo, mwabaa bafutishi bangi ba koli hauma na bandi bandu bobabaa abalya kuuma nabo.30aBafarisayo na beyisa babo ba Muomba babere baxunga batyo, batangira ibutsabutsanya nebwira abemitsa ba Yesu mbu: «Kubwishi bwaki amulya nexoma kuuma na bafutishi ba koli na bakotsi ba santsambi?»31Yesu nianabwirabo mbu: «Abakambwe batalaa ku mushake, wetuwe, abakoni bobanamulaako.32Nitawichaa ibirangira bobatunganene mwa mbere sa Ongo. Wetuwe abakotsi ba santsambi kwebula mbu bahingye amiberere yabo.»33aBafarisayo abo niabanabwira Yesu mbu: «Abemitsa ba Yohana na betu banaihangira ilya ngendo nyingi, bali abahema. Wetuwe abemitsa bawe, ibo, abalya nexoma.»34Yesu nianabwirabo mbu: «Mbeni amuanikira mbu mwangahangira ilya bobalalikirwe mwa buheruki mwa mango nina abuheruki akinali hauma nabo? Ihi!35Wetuwe kwendehika biro, nina abuheruki endetengibwa mwa kati kabo. Kubatyo, mo biromo mo bakendeihangira ilya bali abahema.»36Yesu nianaxubechirabo amushinga uyu, mbu: «Hatali mundu yangacha kiraka ku lukimba luhya kwelandirakyo ku lukimba lukulire. Yangakolatyo angaba ni ameberenga alukimba luhya, na kiraka kyosakitokako ni kitikitsimbane na lukimba lukulire.37Na kandi, hate mundu yangahira tifai nyihya mu shaho ya luhu lukulire . Amundu akeiratyo, ni akatuma tifai nyihya iberenga asashaho ito, atifai ni yapfa busha na sa shaho ni sabiha.38Wetuwe, atifai nyihya inahirwa mu shaho nyihya.39Hate na mundu yameotola ixoma ku tifai ya kwa mira yanatsiyira tifai nyihya. Kubwishi ni abula mbu: ‹Atifai ya kwa mira yoilokire kutsibu.›»
The Seed Company