Nɨawari86hch_wb2
Rawiri nenewierieya.
1Yawé, keneneu'eni keneneuta'eiya,haweri nepɨ'ane waɨkawa nepɨreuyehɨwa.2Netukari kene'ɨwiyani, heitseriemekɨ yanemɨtikamiekɨ 'ahetsiemieme.'Ekɨ pepɨnekakaɨyari, 'ahetsie nepɨtiwiya,kenewikweitsitɨaka ti'a'uximayatsiriwame.3Ti'aitame, kenenenenimayaka,'ekɨ xeikɨa nekamenahiwiwani tukarikɨ.4Ti'a'uximayatsiriwame 'iyarieya 'aixɨa keneuyuri,karikɨ ti'aitame, 'ekɨ xeikɨa ne'iyari nekameniyetuirieka.5Ti'aitame, 'ekɨ 'aixɨa pekatiniuka'iyarini meta pekanetineuyehɨwiriemɨkɨ,pɨmariwe 'anaki'eriya kemɨ'ane memɨmetsihahɨawe wahetsɨa.6Yawé, nenenewieri keneu'eni,ne'iwaurika kenanu'eni.7Kepauka nemɨ'uximatɨarieka 'ana nekamenahɨaweni,'ekɨ pemɨnetsiku'eiyakɨ.8Yawé, tawarita xewitɨ pumawe kakaɨyarixi watsata 'ahepaɨ tiuka'iyaritɨ,pumawe wewiyaya pemɨtiutiwewi hepaɨ ti'anenetɨ.9Yunaime nuiwarite pemɨwarutiwewimepɨ'axɨani, 'ahɨxie mepɨkatunuma'uni, Ti'aitame,'ahetsiemieme 'aixɨa mepɨtiyuani.10'Ekɨ pemɨmariwekɨ meta mariwemekɨ pemɨtiyurienekɨ,'ekɨ xeikɨa pepɨkakaɨyari.11Yawé, 'ahuyeta nemumienikɨ kenetine'ɨkitɨakanemumienikɨ 'aixɨa netikamietɨ.Ne'iyaritsie 'aixɨa netinekɨhɨaweme kenenayeitɨanemɨmetsimakaxenikɨ.12Neti'aitɨwame nekakaɨyari, ne'iyarikɨ nepɨmetsinɨawani,yuheyemekɨ 'aixɨa nepɨmerahɨaweni.13Mɨmariwekɨ 'anaki'eriya nehetsiemieme,pepɨnetsi'utawikweitsitɨa mɨki teukiyata neheukaweximekaku.14Kakaɨyari 'aku, teɨteri meyɨwaweme meyuxatatɨ mepɨnetsimietɨwe,yuwaɨkawatɨ meyɨnɨtɨ teyumiekate mekanenimiekuni.Teɨteri peka'uyeikame me'erietɨ mekaniyɨaka.15'Ekɨ peru, Ti'aitame, Kakaɨyari pepɨtiuyukakwewimɨkɨ petiuyukanenimayatɨ,pepɨkahayu'eriya, waɨkawa peti'akanaki'erietɨ meta yuri pehaitɨ.16Kenenua nehetsɨa, kenenenenimayaka,keneneutatɨrɨkariya ne ti'a'uximayatsiriwame.Ne 'aniwe 'aixɨa nemɨtiuka'iyari keneneutawikweitsitɨa.17'Inɨari keneneuwewiri kepemɨnetinaki'eriekɨ,memɨnetsi'aye'unie memixeiyakɨ memɨyutitetewiyakɨ,'ekɨtsɨ Yawé, pemɨnetsi'uparewikɨ meta pemɨnetsi'unɨtɨakɨ.