Nɨawari76hch_wb2
Teyuitɨwamete wa'ukiyari. Kanaritsie xekeneutikwikani. 'Atsahapi nɨawarieya. Kwikari.
1Kakaɨyari pɨmatiwa Kura kwieyaritsie,'Ixaheri kwieyaritsie mariwemekɨ pumatiwa.2Tsareme mɨrakutewatsie tukieya puwe,Tsiyuni pɨkiekariena.3Mana pitimuraxɨ 'ɨrɨ 'aixɨa mɨ'anene,kuya kɨmana muyukunarɨma, 'ixiparate, naime kuyaxa timieme.4Witsipepɨ'ane,'ekɨ matsi pepɨmariwe keyuri hɨri yuheyemekɨ mieme.5Memɨtehayu'iwa hikɨ mepatixɨriwa,teukiyapa mepeukaxɨriwa.Nixewitɨ mɨkɨ teɨteri yukukuyameteyumamate pɨka'anukuhapani mɨwaparewienikɨ.6Kakuwu Kakaɨyarieya, kepauka 'ekɨ pemɨwarutiti,kawayutsixi meta memanatei meputimama mepɨkayɨwawekai memɨyekɨnekɨ.7'Ekɨ, yuheyemekɨ xeikɨa pepɨmakaxiwani.¿Kemɨ'ane 'aku pɨmetsiha'iwakepauka 'ekɨ pemɨyeha'ani?8Muyuawitsie paitɨ pepihekɨataxɨ heitserie kepemɨti'uximaya,kwie, matɨ, kayuwatɨ pɨtimakai.9Kakaɨyari 'aku, kepauka 'ekɨ pemayetɨa heitserie petiyurienike,tixaɨtɨ memɨkatehexeiya kwiepa memɨtama wahetsiemieme pewatawikweitsitɨanike.10Tewi haxɨaya nɨawari 'ahetsiemieme payeika,Kemɨ'ane memuyukuhayewa meteka'eniexɨame 'ixɨarari mekameniwewiriekuni.11Yawé yukakaɨyari hetsɨa yaxeketeneuyuhɨritɨa, meta xeketenaye'atɨwani,yunaitɨ kwie wa'aurie mukumanetsiemekete'iyetuiriwani Kakaɨyari mɨmakaxiwa,12kuwexinaruritsixi watɨrɨkariya mɨwakunawairiwa,kemɨ'ane kwiepa te'aitamete memayemakaxe.