Nɨawari62hch_wb2
Teyuitɨwamete wa'ukiyari. Kerutuni hetsiemieme. Rawiri nɨawarieya.
1Kakaɨyari hetsie xeikɨa ne'iyari puka'uxipiwe,mɨkɨ hetsɨa xeikɨa newikweitsitɨarika payeneika.2Mɨkɨ xeikɨa ne'ai 'amautitewa pɨhɨkɨ netsiwikweitsitɨwame,mɨkɨ nehetsie nunuwame pɨhɨkɨ.Hatsuaku nepɨkahatiweni.3¿Kepaukake xeme xeyunaitɨ xepɨtehayewaxe'imietɨwetɨ xeime tewi xemetihɨanikɨ?'Ixumeri matiwexime hepaɨ kani'aneni,kuraru mɨta'unirɨme hepaɨ.4Hakewa meka huyeripana xeikɨamana mepiweiyaku.'Itarikatsie temawierika mepexeiya:'aixɨa mepɨtehatahɨawe yutenikɨ,yu'iyarikɨ 'axametehaku'eriyatɨ.5Kakaɨyari hetsie xeikɨa ne'iyari puka'uxipiwe,mɨkɨ xeikɨa nepɨtakwewie.6Mɨkɨ xeikɨa ne'ai 'amautitewa pɨhɨkɨ netsiwikwetsitɨwame,mɨkɨ nehetsie nunuwame pɨhɨkɨhatsuaku nepɨkahatiweni.7Kakaɨyari netsiwikweitsitɨwame pɨhɨkɨ witsine'aneme pɨnetsi'ayeitɨa,'ai 'amautitewa nehetsie nunuwame kanihɨkɨtɨni,hakewa nemeneti'awieta Kakaɨyari hetsɨa katini'aneni.8Hetsiena yuheyemekɨ xeketenewiyani, teɨteri hetsɨana miemete,'a'iyaritsie ketineuyepiri kepauka hɨxiena pemuwe.Kakaɨyari tahetsie nunuwame kanihɨkɨtɨni.9Mɨkɨ teɨteri 'eka hepaɨ mekani'aneni, kemɨ'ane tixaɨtɨ memɨkatehayuyeitɨa,teɨteri memamariwaweme memayuyeitɨa 'itarika mepɨhɨkɨ,yunaime mɨkɨ xɨka waranuyewieni,yunaitɨ mɨkɨ mepɨkahahete.10'Axamɨti'anetsie xepɨkatewiyaniwitsixepɨkateku'eriwani yu'inawarikɨ,tsepa xepiinite mɨtiutimɨirixɨ,mɨkɨ hetsie yu'iyari xepɨkatewiyatsitɨaka.11Kakaɨyari yurikɨ pɨraxaxata,ne hutakɨa nepi'eni:'Ekɨ, Kakaɨyari, pepɨtɨrɨkaɨye,12'ekɨ, Tati'aitɨwame, pepɨti'akanaki'erie waɨkawa,'ekɨ yuxexuime yunaimeyapepɨtiwarakapitɨwa kememɨte'uyurikɨ.