Nɨawari60hch_wb2
Teyuitɨwamete wa'ukiyari. Yuariyaya xekeneuweiyani «Tuturi tɨratuyari». Rawiri 'ɨkitɨarikaya, kepauka 'arameutsixi muwarutakwi Metsuputamiya yeta kiekatari meta Tsiriya hixɨapa kiekatari, meta kepauka Kuhawi makunua tawarita tamamata heimana huta miriyari (12.000) 'erumitsixi muwarukwi mayeweri Maye'unaya mɨrayetewatsie.
1Neuxei, Kakaɨyari, 'ekɨ pepɨtatsihexɨri'ekɨ pepɨtatsi'utatsanaxɨ,pepɨtatsi'uyehekaxɨ,hikɨ 'aixɨa ketaneuyuri.2Kwie pekaniutayuitɨani,pekanitatsiniya,'aixɨa keneuyuri mukatataritsie,karikɨ kaneuku'unikeni.3Waɨkawa temɨta'inɨatsienikɨ pepɨtatsi'upitɨa,winu pepɨtatsi'u'itɨa mɨtawaiya.4'Ahetsie memɨtewiya 'inɨari keniwaruwewirimemɨyuta'unakɨ temɨmɨmete wahɨxie.5'Atseriekɨ ketaneutawikweitsitɨa, ketaneta'eiya'ateɨterima pemɨwanaki'erie memɨtawikwenikɨ.6Kakaɨyari mɨpaɨ kanaineni yutukita:«Tsikeni nepɨtixiteni nerane'iwatɨ,meta mayeweri Tsukuti nepuwati'inɨatsirieni wakwie.7Karaha nehetsɨa mieme kanihɨkɨtɨni, Manatsexi nehetsɨa mieme kanihɨkɨtɨni,'Epɨrahini kuya menaketsa kanihɨkɨtɨni nemu'utsie nunuwame,Kura meta ne'itsɨ kanihɨkɨtɨni.8Muhawi hetsie nekaniukamaimawani,'Erumi hetsie nekakai nekaneutaxɨrɨwani,Piritsiteu kwieyari hetsie nekanahiwani tetehayu'iwaka».9¿Kemɨ'ane pɨnetsi'anuwitɨni kiekari mahɨrietsie?¿Kemɨ'ane 'Erumi huyeyari pɨnetsixeitsitɨani?10'Ekɨ pekanihɨkɨtɨni, Kakaɨyari, kemɨ'ane mɨtatsi'uku'eiri,Kakaɨyari, tawariri takuyaxima wahamatɨa pepɨka'ayeyeika.11Ketaneuparewi memɨtatsi'aye'unie wahepaɨtsita,neuxei tixaɨtɨ pɨkatiyunaki'erie tewi parewiyaya.12Kakaɨyari tatsiparewiekaku tepɨtehayu'iwa,mɨkɨ memɨtatsi'aye'unie pɨwatiketsini.