Nɨawari34hch_wb2
Rawiri nɨawarieya, kepauka mɨtiu'ita mɨka'uka'iyarini hepaɨ 'anetɨ hayuyeitɨaka 'Awimereki hɨxie, wayehɨiyaka kemɨretɨa.
1Yawé hepaɨtsita 'aixɨa neputaineni yuheyemekɨ,netenikɨ yanepɨtinɨawani.2Ne'iyari Yawé pɨnɨawa,nitixaɨtɨ memɨkate'ayuyeitɨa me'enaname meyutemawietɨ mepakɨne.3Mariweme Yawé xekenayeitɨwani nehamatɨa,teyuxewitɨ tepinɨawani kemɨtimariwe.4Yawé nekaniutiwauni, mɨkɨta pɨnetsi'uta'ei,waɨkawa nemakaku naime pɨnetiunawairi.5Yunaitɨ memehɨawe mekaniyutemamawieka mehekɨariwietɨ,hatsuaku me'ayukatewiwiyatɨ mepɨkahakɨka.6Ne tixaɨtɨ nekatihɨkɨtɨtɨ Yawé nekaniutahɨawe, mɨkɨ kaneniu'enieni,kaneniɨxɨna naime kenemɨtiuka'eniwakai.7Yawé niuki tuayameya tihɨweme kaneyenɨ'awani memeyexeiya mɨwa'ɨwiyanikɨ,wa'aurie kaniuyeikani waparewienike.8Xeketeneuta'inɨata, xeketenetimati Yawé 'aixɨa kemɨtiuka'iyari,xekeneyutemamawieka kemɨ'ane hetsiena xemuyu'awieta.9Yawé xekenemakaka, xeme hetsɨana miemete xemɨpatsie,neuxei yunaitɨ memeyemakaxe tixaɨtɨ pɨkatiwareuyehɨwa.10Mayetsi tɨɨrixi mepɨtiweranare meta mepeuhaakakwiku,peru kemɨ'ane Yawé memukuwautɨwe tixaɨtɨ pɨkatiwareuyehɨwa.11Xekenakɨni tɨɨri, xekeneneu'eni,Yawé kehepaɨ mɨrayemakaxenikɨ nepɨtixeta'ɨkitɨani.12Kemɨ'ane tukari meuyehuwa,kemɨ'ane tukari witsi'anemetsie meuyeimɨkɨ,13yuneni ke'upirenutɨani 'axamɨti'ane mɨkatikuxatanikɨmeta yutenietsie ke'uwiere 'itarika mɨkatikuxatanikɨ,14'axatiyurienetɨ ketiuhayewa, 'aixɨa pɨta ketiyurieneni,kayuwatɨ muyeikanikɨ keyumexɨitɨaka, mɨpaɨ xeikɨa ketiuyeikani.15Yawé 'aixɨa memɨteyurie kaniwaxeiyani,wanenewieri yapauka kani'enieka,16'axamemɨteyurie Yawé pɨwaraye'unie,kwiepa mɨwarakuyeitɨanikɨ.17Wahetsie mɨkarahɨiwa Yawé mekanahɨaweni, mɨkɨta kaniwa'enieka,kememɨte'uximatɨarie naimekɨ kaniwaparewieka.18Kemɨ'ane yu'iyaritsie memɨte'uka'eniwa Yawé wa'aurie 'ahurawa kaniutiweni,kemɨ'ane yu'iyaritsie memuyutsaipɨna kaniwarutawikweitsitɨwani.19Hetsiena mɨkarahɨiwa 'uximatɨarikaya pɨmɨire,Yawé matsi naimekɨ kaniwaparewieka,20'umeteya naime pɨ'ɨwiya,nixeimetɨma pɨka'akamuriyarieni.21'Axamɨti'ane 'axateyuruwamete pɨwaka'una,wahetsie mɨkarahɨiwa memɨwaraye'unie mekananutaxɨriyakuni.22Yawé te'i'uximayatsiriwamete wahetsie kaninuaka,mepɨka'anutaxɨriyani hetsiena memɨtewiya.