Nɨawari21hch_wb2
Teyuitɨwamete wa'ukiyari. Rawiri nɨawarieya.
1Ti'aitame puyutemawie 'atɨrɨkariyakɨ, Yawé.Waɨkawamekɨ puyutemawie pemiparewiekɨ mɨrayu'iwakɨ.2Pepeye'atɨiri tita yu'iyarikɨ mɨreuyehɨakai,pepɨkatitikweriri tita mɨra'iwawakai.3Pepenukunakixɨ 'aixɨa pe'iyurietɨ waɨkawamekɨ,kuruna pepenaketsiri huru 'aixɨa mɨ'anekɨ wewiyakame.4Tukari pɨmetsi'utawawiri, 'ekɨ pepiyetuiri:tukari waɨkawame meta 'atiteriweme.5Pemiparewikɨ waɨkawa tɨrɨkaɨyetɨ payeitɨarie,waɨkawa mariweme pepayeitɨa.6Hetsiena mieme haixa kemɨtiuneika mɨpaɨ 'aixɨa pepiyurie,pemiteɨtakɨ waɨkawa puyutemawie.7Ti'aitame Yawé hetsie kaneuwaɨreni,'Amutewi naki'eriyayatsie,'ayumieme hatsuaku pɨka'atiweni.8'Atɨrɨkariyakɨ kemɨ'ane memɨmetsi'aye'unie yunaime pepɨwatiwiya,'atseriekɨ pekaniwa'aximɨkɨ kemɨ'ane memɨmetsi'uxie.9Yawé, kepauka 'ekɨ pemuyuhekɨata,huxunu mɨtaka hepaɨ me'anekame pekaniwarayeitɨamɨkɨ.Yuhaxɨakɨ Yawé kaniwareuyehɨamɨkɨ,tai kaniwatixɨtsitɨamɨkɨ.10Yunaime 'ena kwiepa waniwema pepɨwarakuyeitɨani,yunaime nuiwarite watsata 'ena memu'uwa.11Tsepa memiwautɨwe kehepaɨ memɨmetekwinitɨanikɨtsepa memuyukapiniriwa 'ahepaɨtsita,mɨkɨ yamepɨkateyurieni.12Peru kepauka 'ekɨ pemɨwata'unieni 'atupikɨmɨkɨ mekanitanautsaxɨakuni.13Yawé, 'atɨrɨkariya keneuhekɨata,tameta nɨawari 'ahetsiemieme tepɨtikwika, waɨkawamekɨ pemɨre'a'iwakɨ.