Nɨawari145hch_wb2
Rawiri nɨawarieya.
1Nekakaɨyari meta neti'aitɨwame, nepɨmetsinɨawani,'aixɨa nepaineni yuheyemekɨ 'ahetsiemieme.2Tukarikɨ 'aixɨa nepaineni 'ahepaɨtsita,yuheyemekɨ nepɨmetsinɨawani.3Yawé kanimariweni, meta kaneuyeweka teminɨawani,kemɨtimariwe pɨkayumainɨa.4Yuxexuitɨ tanuiwariyari mepe'eriwani 'a'uximayatsika,mepikuxatani mariwemekɨ kepemɨtiuyuri.5Pepukuxaxatsiwani kepemɨtimariwe kepemɨti'aita,neta nepiku'eriwani mariwemekɨ kepemɨtiuyuri.6Mɨpaɨ putikuniuwani 'atɨrɨkariya kemɨtiyɨwe,ne matsi 'a'uximayatsika mɨmariwe nepukuxatani.7Pepukuxaxatsiwani waɨkawa kepemɨtiyukanaki'erie,temawierikakɨ te'utihiwatɨ tepɨmetsitakwika pemɨrayu'iwakɨ.8Yawé 'aixɨa pɨtiuka'iyari pɨtiyukanenimaya,pɨkahayu'eriya matsi waɨkawa pɨtiyukanaki'erie.9Yawé 'aixɨa pɨtiuka'iyari,mɨkɨ kaniwanenimayaka yunaime mɨtiwarutiwewi.10Yawé, yunaime pemɨtiwarutiwewi mekemetsinɨawani,'ateɨterima yamemɨtekahu 'aixɨa mekehaitɨkani 'ahetsiemieme.11Meketekuxatani witsikepemɨti'aita,meta mariwemekɨ kepemɨtiuyuri,12yunaitɨ kwiepa memɨtama memeitimanikɨ mariweme kepemɨtiuyurimeta witsipe'anetɨ kepemɨtimariwe metatsiere 'aixɨa 'anemekɨ kepemɨti'aita.13Kepemɨti'aitani yuheyemekɨ hawaikɨ pɨkaheu'aka,'ekɨ pepɨti'aitani naime wiyaritsie.Yawé yuniuki paye'atɨa,meta 'aixɨa pɨtiuka'iyari naime yu'uximayatsikatsie.14Yawé mematixɨrie kaniwaranuku'uitɨwanimeta memu'uximatɨarie kaniwatɨrɨkariyani.15Meteyunaitɨ mepɨmetsixeiya xeikɨa,meta'ikwewatɨ pemɨtiwaminikɨ.16Peyuwaɨriyatɨ 'amamá pepanutayepiwa pepɨwahuxaitɨa,yunaime memɨte'u'uwa.17Yawé heitserie pɨti'uximaya kemɨtayɨni pɨraye'atɨwameta naime yapɨtiyuriene yunaki'eriyakɨ.18Kemɨ'ane Yawé memahɨawe 'ahurawa wa'aurie kaniuyeikani,kemɨ'ane yurikɨ yemekɨ memehɨawe.19Pɨraye'atɨwa kememɨtehehɨawe meteheuyehɨatɨ memeyemakaxe,wahiwari 'aiwariyari 'enietɨ yapɨtikamie meta puwawikweitsitɨa.20Yawé kemɨ'ane meminaki'erie mɨkɨ yunaime pɨwa'ɨwiya,peru 'axamemɨte'u'iyari yunaime puwareuyehɨani.21Yawé yuheyemekɨ nepɨmetsinɨawani.Yunaitɨ kwiepa memɨtama mepɨmetsinɨawani,hikɨ meta yuheyemekɨ.