'Ataxewi
1Kepauka ti'aitame hetsɨa pemɨtikwani,kwiyemekɨ keneu'a'ɨwiya ketita 'ahɨxie mɨrapine.2Xɨka kwinimieme peti'akwaiwieka,yapauka pepɨkatikwaka.3'Ikwaiya witsimɨ'ane pepɨkahiwe'erieka,matsi mɨkɨ 'ikwai kwamanarika kanihɨkɨtɨni.'Atahuta
4Pepɨkati'a'uxitɨaka xiku pemayanikɨ,kwinimieme pepɨkatihiwe'erieka.5¿Kamɨtsɨ pemixeiya petiyɨwe?, matsi pumawe.Wa'atɨ wa'anate manexɨani hepaɨ mekani'aneneni,mɨkɨ mekananɨwɨxɨakuni xeikɨa kwixɨri wahepaɨ.'Atahaika
6Mexa 'aurie pepɨka'utiyeixani xeime tewi mɨtiukakwerie hamatɨa,meta 'ikwaiya witsimɨ'anene pepɨkahiwe'erieka,7mɨkɨ kanihɨkɨtɨni 'axatiyukɨhɨawetɨ mumatsi'inie,mɨpaɨ kanitayɨmɨkɨ «ketinekwaka ketine'ieka»,matsi 'iyarieya yaka'anekaku pumatikɨhɨawe.8Naime pekatinanatihayamɨkɨ ketita pemɨtiutikwai,'ekɨ kepemɨtitixatɨa tixaɨtɨ pɨkarayani hetsienamieme.'Atanauka
9Mɨkayuwaɨriya muwaparewienikɨ hipame pɨkaheuyewetse pemi'ɨxatsitɨaka,'anari mɨkɨ matsiyuriyatɨ kanayeimɨkɨ tsepa 'ɨxatsi pemikuxaxatɨwa.Tamamata
10Pepɨka'ikupatani kwie 'inɨariyari meripaitɨ miemete kemɨtiu'inɨatsie,tɨɨri nutuite wakwie pepɨkawanawairieka,11matsi waɨkawa kanitɨrɨkaɨyeni wahetsie nunuwame,mɨkɨ wahetsie kanitanuamɨkɨ pemɨkawatsewiximanikɨ.Tamamata heimana xewi
12'Aixɨa ketineu'ena 'a'iyaritsie meta kepemɨti'ɨkitɨarie,'ana pemɨtimaiwenikɨ naime yapepɨretimani.Tamamata heimana huta
13Temaikɨ peheitseritɨatɨ pepɨka'ihayewani,tsepa pemikuwaxɨa mɨkɨkɨ pɨkamɨni.14Matsi yaperehɨawetɨ keneukuwaxɨa,mɨkɨ mɨpaɨ katiniyutawikweitsitɨamɨkɨ mɨkite watsata.Tamamata heimana haika
15Neuxei temaikɨ xɨka petimaiwetɨ 'a'iyaritsie pe'ayani,neta ne'iyaritsie neyutemawietɨ nekanayeimɨkɨ.16Yaxeikɨa waɨkawa netaɨta paitɨ nekaninetemawiekamɨkɨ,kepauka 'akɨmana 'aixɨa pemɨtikuxata kemɨreuyewetse.Tamamata heimana nauka
17'A'iyaritsie pepɨkatihiwe'erieka 'axateyuruwamete waɨkawa kememɨteheuxeiya,matsi pɨta Yawé pe'ayemakatɨ meta pe'akwerietɨ yaketinekamieni yuheyemekɨ.18Mɨpaɨ peti'atemawietɨ pe'ukiratsitɨtɨ pepɨmɨni,titakɨ pemɨtita'ikwewa mɨkɨ hatsuaku pɨkaka'unarieni.Tamamata heimana 'auxɨwi
19Temaikɨ, kenene'enieka meta waɨkawa ketinemaiweni,'ahuyeta heitseriemekɨ keneumieni 'aixɨa petiyurienetɨ.20Kwinimieme memɨteyu'iwawie wahamatɨa pepɨka'uyeikani,meta kwinimieme memɨteyukwaiwawie wahamatɨa,21kwinimieme memɨteyu'iwawie meta kwinimieme memɨteyukwaiwawie mɨkɨ tixaɨtɨ mekatehexeiyatɨ mepakɨne,memɨyɨ'ɨraraxiekɨ 'ixuriki tsatsanime mepanakatɨxɨani.Tamamata heimana 'ataxewi
22Kene'enieka 'apaapa mumatsi'ayexei,'amaama pepɨka'uxieka kepauka waɨkawa mɨtseɨyeni yuwaiyaritsie.23Tita mɨtiyuri meta mɨtimaiwenikɨ mɨ'ayumieme 'ahetsie keneupitɨa,meta pemɨheitseritɨariekakɨ meta pemeitimaitɨyeikanikɨ,meta pepɨka'itsewiximaka.24Temaikɨ yamɨtikamie yupaapa waɨkawa kanitemawieritɨaka,meta kemɨ'ane yuniwe timaiweme mexeiya kaniyutemawieka.25Mekeyutemamawieka 'apaapa meta 'amaama,mɨkɨ mematsi'utinuiwitɨakɨ.Tamamata heimana 'atahuta
26Temaikɨ, yakenetineutahɨawi 'aixɨa peti'akɨhɨawetɨ 'a'iyaritsie pemumienikɨ,nehuyeta keneumieni pepɨkaheuyewautseni.27Karikɨ 'uka tuminikɨ mɨyuwitɨnɨa putsu 'emeukatewa kanihɨkɨtɨni,meta 'uka mɨka'a'ɨya putsu 'amuwakuyewa kanihɨkɨtɨni.28Mɨkɨ 'uka 'ukitsi muwahupie tinawayame hepaɨ kaniyɨaneni,mɨkɨ 'ukitsi yɨ'ɨitama wahetsie memɨkatewiyanikɨ xeikɨa puwakuwaune.Tamamata heimana 'atahaika
29¿Kemɨ'ane pɨwahetsiemieme hiwerika?¿Kemɨ'ane mepɨte'uka'eniwani?¿Kemɨ'ane pɨwahetsiemieme 'imieri?¿Kemɨ'aneta niukixiya pɨwahetsiemieme?¿Kemɨ'aneta yakɨ xeikɨa mepɨte'uka'eniwani?¿Kemɨ'aneta puwahetsiemieme hɨxite mukuyuyuawi?30Kemɨ'ane puteyu winu mayema mɨka'utatuaya,meta kemɨ'ane mɨkatihayewa hehekwame manu'ienikɨ.31Pepɨka'aku'ɨwiyani winu kemɨ'anekɨ,meta tekɨxita yematɨ kemɨtiumerɨkakɨ,meta tsepa witsikemukɨ'ɨare,32karikɨ mɨkɨ kuu mayu'eriya mɨrakeni hepaɨ kani'aneni,'imatɨrieka mɨrakenitsie kukuiniyakɨ katinamiemɨkɨ.33'Ahɨxitekɨ yɨkɨ ti'aneneme pepɨtixeiya,'anari 'axapetiyukɨhɨawetɨ pekanayeimɨkɨ.34Haramara hixɨapa muhauxime hepaɨ pepɨti'amaika,meta kanuwa nɨ'awame hepaɨ pepɨyɨaneni peheuyuyehɨatɨ.35Mɨpaɨ peputaineni: «Nepeutiweiyaxɨa, matsi pɨkanetsihekwinixɨ,Nekaneutiweiyaxɨani, matsi pɨkanetsi'ukukuine.Kepauka pemanutaniere mɨpaɨ pepɨti'erieni, tawarita nepikuwauni 'etsiwa nemenu'ienikɨ».