Kuwi37hch_wb2
1»'Ari 'ena ne'atimietɨ nepuma, ne'iyari putɨrarɨka,wa'atɨri ne'iyari pɨrewatiyeixime.2Keneu'eni, keneu'eni niukieya tɨranarieya,yuarikaya tetana mayeneika xekeneu'eni.3Muyuawi hetɨa kemakuyewa naitsarie pɨtimimiene,merɨkariyaya, kwie manu'atɨkatsie paitɨ pɨye'axe.4'Utɨmanata kaniumieni niukieya mumariwe tɨranariyari,kaniyuku'eiyani meta yumimierɨkari pɨkahayewa.5Kakaɨyari yuniuki 'utatɨrarɨkame payeitɨwahikɨ 'ana mariweme pɨtiyuriene:Kakaɨyari timamariwaweme mɨtiuyurieni pɨyɨwemeta tepɨkayɨwawe mɨkɨ temeitimanikɨ.6'Ɨwi mɨpaɨ katinikɨhɨaweni: “Kwiepa keneukaxɨri”,wiyeri meta: “'Atɨrɨkariya keneuhekɨata”.7Yapɨtiyuriene teɨteri yunaitɨ yukiita memeutahaxɨanikɨ,yunaitɨ kemɨtiyuriene memetimanikɨ.8Yeutari yuhetsie nunuwame mepɨkuwautɨwe,meta yuterɨta mepuyukuhayeikawa.9'Eka tatsutɨa mieme wiyeri mɨtɨrɨkaɨye pu'atɨwa,meta 'eka tayeta mieme xeri pɨ'atɨwa.10Kakaɨyari yu'iiyakɨ 'ɨwi pɨtiwewiwa'ana haa naitɨ puxexere.11Haiwitɨri haa kaniutitɨtɨwani,meta yumimierɨkari mana kaniyenenetɨwani,12hikɨ mɨkɨ mekaniku'uwani,naitsarie kwiepa kemakuyewa,mete'aye'atɨanike Kakaɨyari kemɨtiwaru'aitɨa,13'Aixɨa mɨtiuka'iyarikɨ, hai muyukuxeɨrienikɨ yapɨtiyuriene,hipame mɨtiwakwinitɨanikɨ yatɨni 'aixɨa muwayurienikɨ.14»Kuwi, yaketinetewini 'akuxi, keneneu'eni,Kakaɨyari mariwemekɨ kemɨtiyurie hepaɨtsita keneuyuti'iyaritɨa.15¿Petimate Kakaɨyari haiwitɨri kemɨtikuyuitɨwa,meta kemikuyuruwa merɨkariyayakɨ mukuxawatɨrenikɨ?16¿Petimate kehepaɨ haiwitɨri'ateewa mɨtiuyeyeixa,Kakaɨyari mamariwaweme timaiwemekɨ kemɨtiyuriene?17'Ekɨ, pemɨyexɨrimɨne 'akamixate peranakatɨtɨkepauka mɨxɨkanitsie 'eka tatsutɨa mieme 'i'atɨwakaku,18¿petiyɨwe pemiparewieni muyuawi 'axemɨtayeuriya,'ayetse'ime wurunitse xikɨriyari tepɨayari hepaɨ?19»Ketatineutaxatɨa ketemɨte'ita'eiyakɨ,tametsɨ yemekɨ 'atsitemɨkatematekɨ,tepɨkatemate ketemɨtiyuani.20Ne nepɨkanewaɨriya nemitawawirienikɨ kename netaniuni.¿Kemɨ'ane puyuwaɨriya mɨtaniuni meta mumierieni?21Xewitɨ pɨkayɨwe tau mɨxawatɨ kwi muxeiyakɨkepauka muyuawitsie 'eka haiwitɨri mɨta'enitsitɨaxɨanitsie.22Tixawatɨtɨ taimaɨyetɨ tayeta pɨrayemie,Kakaɨyari mana payemie, mariwemetsie yekaitɨ.23Naimekɨmɨtɨrɨkaɨye temanunake pɨkayɨwe,tɨrɨkariyaya yemekɨ pumariwe.Pumamariwawe ke'aixɨa mɨtiyuriene meta kemɨtiheitseriekɨ,xeime waɨriyarika pukati'uximayatsitɨa.24Mɨkɨ kemɨ'ane metemaiwaweme memuyu'erie tixaɨtɨ pɨkatiwarayeitɨa,'ayumieme teɨteri mepimakaxe».