Kuwi28hch_wb2

Mɨreutamaiwe kwikariyari

1Minaxi kanixɨaweni pɨrata mana mayeneika,meta hakewa huru mekwaxiyarie.2Tepɨa kwie hetsie kanayeneikani,tetetsie kuwɨre kanayekunarɨwani.3Minaxi hetsie ti'uximayatame yɨriya kaneutiparitɨwani:tetexi wayemuinatɨ muta'atɨkatsie,tetexi witsimɨ'anene puwaune waɨkawa muyeyɨwitsie.4Teewa paitɨ teɨteri memɨkahakuteitsie,teɨteri hatsuaku memɨkahanu'uwatsie peuta'ine,'ateewa paitɨ teɨteri memɨkahanu'uwatsie,kaunari hetsie 'ukuwietɨ.5Kwiepa 'ikwai pɨtineika,matsi kwie taɨta taikɨ mɨtiutiteke hepaɨ ti'anenetɨ katiniyepika.6Tetetsie tete waɨkawa mayeyuyuawi payeneikameta tumuanaritsie huru peutitei.7Kwixɨ 'ateewa 'uyewietɨ yu'ikwai mɨxeiya pumawe muwa hemarietɨmeta piwame pɨka'ixeiyawe.8Xewitɨ tɨma yeutanaka mana pɨka'uyeyeiwe,meta mayetsi manatɨma mepɨka'unieretɨkɨka.9Minaxi mɨ'iniene tete mayetse'i pɨtsunanemeta hɨrite tsutɨmeyari pukuhekɨata.10'Ayeparitsietɨtɨ hewayexawame payeitɨa,meta yuhɨxitekɨ pɨtiutaxexeiya waɨkawa mɨraye'atɨka.11Haa 'apapatɨ muwawɨtɨkatsie pikuwaune,meta tita mɨti'awietsiekai pɨtihekɨata.
12Matsi, ¿hakewa peikaxeiya mɨtimaiwenikɨ mɨ'ayumieme?¿Hakewa petikie mɨreutamaiwenikɨ mɨ'ayumieme?13Xewitɨ tɨma tewi 'atsipɨkatimate kemɨraye'axe,'ena kwiepa temanu'uwa pɨka'ukaxexeiyarɨwa.14Haa 'emeukatewa mɨpaɨ paine: «'Uwa puyemawe».Haramarata mɨpaɨ paine: «'Ena pumawe».15Huru witsimɨ'anekɨ pɨkayunanainɨa,meta pɨrata tsepa waɨkawa mahetekɨ pɨkayu'axinɨa.16Huru kwi mukwaxiyariekɨ pɨkayunanainɨa,meta tete mɨyɨwi mayemerɨkawikɨ meta tete yuawimekɨ mutimerɨka waɨkawa mɨraye'axekɨ.17Huru meta tete xikɨri manuyehekɨa hepaɨna pɨka'anene,meta mɨtiupata pɨkayɨwe hurukɨ mɨtiwewiyatɨkakɨ.18Matsi titayari tetehexaxatani tete mɨxeta meta mɨtsiɨraɨye.Mɨtimaiwenikɨ matsi pɨraye'axe keyuri tetexi mayetataɨrawi.19Tete mayetaxaɨye Kutsi kwieyaritsie mieme hepaɨna pɨka'ane,meta pɨkayɨwe huru 'aixɨa mɨ'anekɨ minaneni.
20¿Hakewa kamɨtsɨ payeneika mɨtimaiwenikɨ mɨ'ayumieme?¿Hakewa petikie mɨreutamaiwenikɨ mɨ'ayumieme?21Yunaitɨ memɨte'u'uwa wahɨxie pɨ'awietɨ,metatsiere wikixi wahɨxie pɨyu'awieta.22Mɨɨya tiyu'uname matɨa mɨpaɨ meputiyuane:«'Etsiwa tepɨtemarie hepaɨtsitana miemekɨ».23Kakaɨyari xeikɨa pɨyɨwe hetsɨana mɨye'ani,mɨkɨ xeikɨa pɨtimate hakewa mɨkɨ meyeka.24Mɨkɨ kwie manu'atɨkatsie paitɨ pɨniere,mɨkɨ naime pɨtixeiya muyuawi hetɨa tita mɨtixɨawe.25Kepauka mɨkɨ 'eka tɨrɨkariyaya mupitɨakaimeta kepauka haa mu'inɨataxɨ kematiyeukakɨ,26kepauka mukawiwiyenikɨ mupitɨameta wiyeri mɨtɨrɨkawi kemɨtiɨkɨkanikɨ,27hikɨ kemɨtimaiwenikɨ mɨ'ayumieme kaniuxeiya kani'inɨarita mɨraye'axe hepaɨ katinixeiya,kanita'inɨata, hikɨ heitixeiyaxɨaka 'aixɨa kaniyurieni.28Hikɨ teɨteri mɨpaɨ katiniwarutahɨawe:«Ti'aitame 'ayemakatɨ mɨtimaiwenikɨ kanihɨkɨtɨni.'Axamɨti'ane hepaɨtsita yukweriwayurietɨ: mɨkɨ mɨreutamaiwe pɨhɨkɨtɨni».
expand_more
Search