Kuwi17hch_wb2
1»'Ariri nekanewaɨriyatɨ nepayeixime,netukari pɨtixɨximeri,nemakateukieni kanenitakwewiekari.2Netsiyuriyamete mepɨnetsi'anutinama,nehɨxite pɨtiuka'eniwa netsiyuriyamete newaxeiyatɨ.3»Xɨa'ui Kakaɨyari, nehetsie keneutanua,¿Kemɨ'ane tawari pɨyɨwe neheima mɨtanuani?4'Ekɨ mekaheta'eriwaweme pepɨwarayeitɨa,'ayumieme pepɨkawapitɨani memɨte'ayu'iwakɨ.5Kemɨ'ane ti'iwatɨ yuhamikuma wahetsie mɨrahɨani,yuniwemata kaniwaxeiyamɨkɨ mekwiximeme.6»Kakaɨyari teɨteri wateta kaneniyetuani memɨnetsikuxatatɨwenikɨ,xewitɨtɨma pɨkayu'eirie nehɨxie menetsiku'aɨtsikawiyatɨ.7Mɨyanetiuka kukuinetɨ nepɨkahauniereri,naitɨri newaiyari 'etɨriya hepaɨ pɨ'ane.8Teɨteri 'aixɨa memɨte'u'uwa xɨka menetsi'uxeiya mepɨkɨhɨxiyawa,wahetsie mɨkarahɨiwa mekaniuyeha'arɨweni Kakaɨyari memɨka'ayexeiya wahepaɨtsita,9tewi heitseriemekɨ yamɨtikamie yuhuyeta xeikɨa kaniumienimeta yumamatsie meu'itiyatɨka kanitɨrɨkaɨyeni.10»Kamɨtsɨ xeme yunaitɨ xekenakɨni nehepaɨtsita xetekuxatatɨ,Xetsata xeimetɨma timaiweme nepɨkakaxeiya.11Netukari kananukayeikani, meta kenemɨtinekɨhɨawekai yapɨkatiɨyɨmetatsiere yaxeikɨa ne'iyari tita mɨreuyehɨakai.12'Ikɨ teɨteri yɨriya hekɨariya mekanayeitɨwani,naitɨ kaniɨyɨwini, matsi 'ipaɨ mekaniutiyuaneni:“Kanikuhekɨarirɨmeniri”.13Hakewa nemekateukieni mɨkɨxeikɨa xɨka netakwewieka nekii mayanikɨ,kamɨtsɨ makɨyɨwitsie xeikɨa neyuka'itɨame nepeukuni,14mɨtiyɨpɨniyawe “Nepaapa” nepɨtiuterɨwani,kwitsiterita “Nemaamama” meta “Ne'iwama 'ukari”.15Kamɨtsɨ, ¿tita nemɨtitakwewie hakewa peyuhayewa?¿Kepaikɨ nehetsie tita nemɨtitakwewie pɨtixeiya?16¿Nehamatɨa reukahani mɨkite wakitenietsie paitɨ?¿Teyunaitɨ teteheukahaxɨani tumuanaripa paitɨ?»