Kitsariyaxi64hch_wb2
1Mɨpaɨ tepɨteha'eriwakaku muyuawi xɨka pewakayepienike muwa pemakanenikɨ,Hɨrite 'ahɨxie putiyɨyɨakawe,2tai kɨyexi kemɨtikutaiya hepaɨ,meta haa kemɨtikwaniyawe.Mɨpaɨ kepemɨtitewakɨ pepɨtiwaxeitsitɨani memɨmetsi'aye'unie watsata,'ahɨxie meti'utɨ nuiwarite meputiyɨyɨakawawe.3Kepauka pemanakatɨa mariwemekɨ pepɨtiuyuri mɨpaɨ tekateha'eriwakaku,'ahɨxie hɨrite putiyɨyɨakaxɨ.4Xewitɨ tawarita, meripaitɨtɨmɨpaɨ pɨkati'enawe,meta xewitɨ mɨpaɨ pɨkatinieriwe,xeime Kakaɨyari 'ahepaɨ tiyurieneme pɨkaxeiyawekemɨ'ane hetsiena memɨtewiya wahetsiemieme 'aixɨa tiyurieneme.5Pewaranunakeke pepayeyeika, memuyutemamawieheitseriemekɨ yamemɨtekahu meta 'ahuye mema'eriwa.Peru pepuyeha'arɨwe xɨka tekaheu'enanakaxɨka 'ahuye te'uku'eirieni.¿Kehepaɨ tetetawikweni?6Teyunaitɨ teɨteri temɨka'itiyatɨka tepɨhɨkɨ,naitɨ heitseriemekɨ ketemɨteyurie'ixurikite mɨtɨtɨnini hepaɨ pɨ'ane.Teyunaitɨ tepɨtiwauke kɨye xawari hepaɨ,titakɨ 'axatemɨte'uyuri 'eka hepaɨ pɨtatsi'u'enitsitɨaxime.7Nixewitɨ pɨkamatsihahɨawe,nixewitɨ pɨkayɨtɨrɨkariya 'ahetsie mɨtiwiyanikɨ.Metsɨ pekataniwarixiwiyanipekataniyetuani pɨta 'axamɨti'ane mɨtatsikuyuitɨanikɨ.8Peru tsepa mɨyatɨtɨ, Yawé, 'ekɨ ta'ukiyari pepɨhɨkɨ,tame haxu tepɨhɨkɨ, 'ekɨta 'iwewame.Teyunaitɨ tame 'awewiya tepɨhɨkɨ.9Waɨkawa pepɨkaha'aka, Yawé,pepɨkaheye'eriwaniri yuheyemekɨ 'axaketemɨte'uyuri.Nepɨmatsiwawirie, mɨpaɨ ketinemaika,kename tame 'ateɨterima tehɨkɨ.10'Akiekarite mɨpatsietɨka puka'unariexɨa,metatsiere Tsiyuni makumawe pɨta kanayani,Kerutsareme yuxaɨta kanekumaka.11Tatuki mɨpatsie meta mɨmariwe,hakewa tapaapama memɨmatsihenɨawakai,tai kanitaxɨtsitɨani.'U'unitɨ katiniyuhayewanaitɨ tita waɨkawa temɨteheuyehɨakai.12'Ikɨ mɨya mɨtiɨyɨkɨ, Yawé, ¿'atsipekatiyurieni?¿Kayuwatɨ petiumaka meta petatikwinitɨatɨ ka'inɨarimekɨ xeikɨa?