Psalms92
1מִזְמוֹר שִׁיר לְיוֹם הַשַּׁבָּת2טוֹב לְהֹדוֹת לְיַהְוֶה וּלְזַמֵּר לְשִׁמְךָ עֶלְיוֹן3לְהַגִּיד בַּבֹּקֶר חַסְדֶּךָ וֶאֱמוּנָתְךָ בַּלֵּילוֹת4עֲלֵי עָשׂוֹר וַעֲלֵי נָבֶל עֲלֵי הִגָּיוֹן בְּכִנּוֹר5כִּי שִׂמַּחְתַּנִי יַהְוֶה בְּפָעֳלֶךָ בְּמַעֲשֵׂי יָדֶיךָ אֲרַנֵּן6מַה גָּדְלוּ מַעֲשֶׂיךָ יַהְוֶה מְאֹד עָמְקוּ מַחְשְׁבֹתֶיךָ7אִישׁ בַּעַר לֹא יֵדָע וּכְסִיל לֹא יָבִין אֶת זֹאת8בִּפְרֹחַ רְשָׁעִים כְּמוֹ עֵשֶׂב וַיָּצִיצוּ כָּל פֹּעֲלֵי אָוֶן לְהִשָּׁמְדָם עֲדֵי עַד9וְאַתָּה מָרוֹם לְעֹלָם יַהְוֶה10כִּי הִנֵּה אֹיְבֶיךָ יַהְוֶה כִּי הִנֵּה אֹיְבֶיךָ יֹאבֵדוּ יִתְפָּרְדוּ כָּל פֹּעֲלֵי אָוֶן11וַתָּרֶם כִּרְאֵים קַרְנִי בַּלֹּתִי בְּשֶׁמֶן רַעֲנָן12וַתַּבֵּט עֵינִי ⸃ בְּשׁוֹרְרָי ⸂ בַּקָּמִים עָלַי מְרֵעִים תִּשְׁמַעְנָה אָזְנָי13צַדִּיק כַּתָּמָר יִפְרָח כְּאֶרֶז בַּלְּבָנוֹן יִשְׂגֶּה14שְׁתוּלִים בְּבֵית יַהְוֶה בְּחַצְרוֹת אֱלֹהֵינוּ יַפְרִיחוּ15עוֹד יְנוּבוּן בְּשֵׂיבָה דְּשֵׁנִים וְרַעֲנַנִּים יִהְיוּ16לְהַגִּיד כִּי יָשָׁר יַהְוֶה צוּרִי וְלֹא עֹלָתָה בּוֹ {פ}
Stephen L. Brown