Psalms47
1לַמְנַצֵּחַ לִבְנֵי קֹרַח מִזְמוֹר2כָּל הָעַמִּים תִּקְעוּ כָף הָרִיעוּ לֵאלֹהִים בְּקוֹל רִנָּה3כִּי יַהְוֶה עֶלְיוֹן נוֹרָא מֶלֶךְ גָּדוֹל עַל כָּל הָאָרֶץ4יַדְבֵּר עַמִּים תַּחְתֵּינוּ וּלְאֻמִּים תַּחַת רַגְלֵינוּ5יִבְחַר לָנוּ אֶת נַחֲלָתֵנוּ אֵת גְּאוֹן יַעֲקֹב אֲשֶׁר אָהֵב סֶלָה6עָלָה אֱלֹהִים בִּתְרוּעָה יַהְוֶה בְּקוֹל שׁוֹפָר7זַמְּרוּ אֱלֹהִים זַמֵּרוּ זַמְּרוּ ⸃ לַמַּלְכֵּנוּ ⸂ זַמֵּרוּ8כִּי מֶלֶךְ כָּל הָאָרֶץ אֱלֹהִים זַמְּרוּ מַשְׂכִּיל9מָלַךְ אֱלֹהִים עַל גּוֹיִם אֱלֹהִים יָשַׁב עַל כִּסֵּא קָדְשׁוֹ10נְדִיבֵי עַמִּים נֶאֱסָפוּ עַם אֱלֹהֵי אַבְרָהָם כִּי לֵאלֹהִים ⸃ מֹגְנֵי ⸂ אֶרֶץ מְאֹד נַעֲלָה {פ}
Stephen L. Brown