Psalms3
1מִזְמוֹר לְדָוִד בְּבָרְחוֹ מִפְּנֵי אַבְשָׁלוֹם בְּנוֹ2יַהְוֶה מָה רַבּוּ צָרָי רַבִּים קָמִים עָלָי3רַבִּים אֹמְרִים לְנַפְשִׁי אֵין יְשׁוּעָתָה לּוֹ בֵאלֹהִים סֶלָה4וְאַתָּה יַהְוֶה מָגֵן בַּעֲדִי כְּבוֹדִי וּמֵרִים רֹאשִׁי5קוֹלִי אֶל יַהְוֶה אֶקְרָא וַיַּעֲנֵנִי מֵהַר קָדְשׁוֹ סֶלָה6אֲנִי שָׁכַבְתִּי וָאִישָׁנָה הֱקִיצוֹתִי כִּי יַהְוֶה יִסְמְכֵנִי7לֹא אִירָא מֵרִבְבוֹת עָם אֲשֶׁר סָבִיב שָׁתוּ עָלָי8קוּמָה יַהְוֶה הוֹשִׁיעֵנִי אֱלֹהַי כִּי הִכִּיתָ אֶת כָּל אֹיְבַי לֶחִי שִׁנֵּי רְשָׁעִים שִׁבַּרְתָּ9לְיַהְוֶה הַיְשׁוּעָה עַל עַמְּךָ בִרְכָתֶךָ סֶּלָה {פ}
Stephen L. Brown