Psalms140
1לַמְנַצֵּחַ מִזְמוֹר לְדָוִד2חַלְּצֵנִי יַהְוֶה מֵאָדָם רָע מֵאִישׁ חֲמָסִים תִּנְצְרֵנִי3אֲשֶׁר חָשְׁבוּ רָעוֹת בְּלֵב כָּל יוֹם ⸃ יְגוֹרוּ ⸂ מִלְחָמוֹת4שָׁנֲנוּ לְשׁוֹנָם כְּמוֹ נָחָשׁ חֲמַת עַכְשׁוּב תַּחַת שְׂפָתֵימוֹ סֶלָה5שָׁמְרֵנִי יַהְוֶה מִידֵי רָשָׁע מֵאִישׁ חֲמָסִים תִּנְצְרֵנִי אֲשֶׁר חָשְׁבוּ לִדְחוֹת פְּעָמָי6טָמְנוּ גֵאִים פַּח לִי ⸃ וְחֹבְלִים ⸂ פָּרְשׂוּ רֶשֶׁת לְיַד מַעְגָּל מֹקְשִׁים שָׁתוּ לִי סֶלָה7אָמַרְתִּי לְיַהְוֶה אֵלִי אָתָּה הַאֲזִינָה יַהְוֶה קוֹל תַּחֲנוּנָי8יַהְוֶה אֲדֹנַי עֹז יְשׁוּעָתִי סַכֹּתָה לְרֹאשִׁי בְּיוֹם נָשֶׁק9אַל תִּתֵּן יַהְוֶה מַאֲוַיֵּי רָשָׁע זְמָמוֹ אַל תָּפֵק ⸋ פֶּן ⸌ יָרוּמוּ סֶלָה10רֹאשׁ מְסִבָּי עֲמַל שְׂפָתֵימוֹ ⸃ יְכַסֵּמוֹ ⸂11יָמִיטוּ עֲלֵיהֶם גֶּחָלִים בָּאֵשׁ יַפִּלֵם בְּמַהֲמֹרוֹת בַּל יָקוּמוּ12אִישׁ לָשׁוֹן בַּל יִכּוֹן בָּאָרֶץ אִישׁ חָמָס רָע יְצוּדֶנּוּ לְמַדְחֵפֹת13יָדַעְתִּ כִּי יַעֲשֶׂה יַהְוֶה דִּין עָנִי מִשְׁפַּט אֶבְיֹנִים14אַךְ צַדִּיקִים יוֹדוּ לִשְׁמֶךָ יֵשְׁבוּ יְשָׁרִים אֶת פָּנֶיךָ {פ}
Stephen L. Brown