Psalms130
1שִׁיר הַמַּעֲלוֹת מִמַּעֲמַקִּים קְרָאתִיךָ יַהְוֶה2אֲדֹנַי שִׁמְעָה בְקוֹלִי תִּהְיֶינָה אָזְנֶיךָ קַשֻּׁבוֹת לְקוֹל תַּחֲנוּנָי3אִם עֲוֺנוֹת תִּשְׁמָר יָהּ אֲדֹנַי מִי יַעֲמֹד4כִּי עִמְּךָ הַסְּלִיחָה לְמַעַן תִּוָּרֵא5קִוִּיתִי יַהְוֶה קִוְּתָה נַפְשִׁי וְלִדְבָרוֹ הוֹחָלְתִּי6נַפְשִׁי לַאדֹנָי מִשֹּׁמְרִים לַבֹּקֶר שֹׁמְרִים לַבֹּקֶר7יַחֵל יִשְׂרָאֵל אֶל יַהְוֶה כִּי עִם יַהְוֶה הַחֶסֶד וְהַרְבֵּה עִמּוֹ פְדוּת8וְהוּא יִפְדֶּה אֶת יִשְׂרָאֵל מִכֹּל עֲוֺנֹתָיו {פ}
Stephen L. Brown