Psalms128
1שִׁיר הַמַּעֲלוֹת אַשְׁרֵי כָּל יְרֵא יַהְוֶה הַהֹלֵךְ בִּדְרָכָיו2יְגִיעַ כַּפֶּיךָ כִּי תֹאכֵל אַשְׁרֶיךָ וְטוֹב לָךְ3אֶשְׁתְּךָ כְּגֶפֶן פֹּרִיָּה בְּיַרְכְּתֵי בֵיתֶךָ בָּנֶיךָ כִּשְׁתִלֵי זֵיתִים סָבִיב לְשֻׁלְחָנֶךָ4הִנֵּה ⸆ כֵן יְבֹרַךְ גָּבֶר יְרֵא יַהְוֶה5יְבָרֶכְךָ יַהְוֶה מִצִּיּוֹן וּרְאֵה בְּטוּב יְרוּשָׁלֵם כֹּל יְמֵי חַיֶּיךָ6וּרְאֵה בָנִים לְבָנֶיךָ שָׁלוֹם עַל יִשְׂרָאֵל {פ}
Stephen L. Brown