Psalms125
1שִׁיר הַמַּעֲלוֹת הַבֹּטְחִים בְּיַהְוֶה כְּהַר צִיּוֹן לֹא יִמּוֹט לְעוֹלָם יֵשֵׁב2יְרוּשָׁלֵם הָרִים סָבִיב לָהּ וְיַהְוֶה סָבִיב לְעַמּוֹ מֵעַתָּה וְעַד עוֹלָם3כִּי לֹא יָנוּחַ שֵׁבֶט הָרֶשַׁע עַל גּוֹרַל הַצַּדִּיקִים לְמַעַן לֹא יִשְׁלְחוּ הַצַּדִּיקִים בְּעַוְלָתָה יְדֵיהֶם4הֵיטִיבָה יַהְוֶה לַטּוֹבִים וְלִישָׁרִים בְּלִבּוֹתָם5וְהַמַּטִּים עַקַלְקַלּוֹתָם יוֹלִיכֵם יַהְוֶה אֶת פֹּעֲלֵי הָאָוֶן שָׁלוֹם עַל יִשְׂרָאֵל {פ}
Stephen L. Brown