Psalms11
1לַמְנַצֵּחַ לְדָוִד בְּיַהְוֶה חָסִיתִי אֵיךְ תֹּאמְרוּ לְנַפְשִׁי ⸃ נוּדִי ⸂ ⸃ הָרִם כְּצִפּוֹר ⸂2כִּי הִנֵּה הָרְשָׁעִים יִדְרְכוּן קֶשֶׁת כּוֹנְנוּ חִצָּם עַל יֶתֶר לִירוֹת בְּמוֹ אֹפֶל לְיִשְׁרֵי לֵב3כִּי הַשָּׁתוֹת יֵהָרֵסוּן צַדִּיק מַה פָּעָל4יַהְוֶה בְּהֵיכַל קָדְשׁוֹ יַהְוֶה בַּשָּׁמַיִם כִּסְאוֹ עֵינָיו יֶחֱזוּ ⸋ לֶחָלֶד ⸌ עַפְעַפָּיו יִבְחֲנוּ בְּנֵי אָדָם5יַהְוֶה ⸃ יִבְחַן צַדִּיק ⸂ וְרָשָׁע וְאֹהֵב חָמָס שָׂנְאָה נַפְשׁוֹ6יַמְטֵר עַל רְשָׁעִים ⸃ פַּחֲמֵי ⸂ אֵשׁ וְגָפְרִית וְרוּחַ זִלְעָפוֹת מְנָת כּוֹסָם7כִּי צַדִּיק יַהְוֶה צְדָקוֹת אָהֵב יָשָׁר יֶחֱזוּ פָנֵימוֹ {פ}
Stephen L. Brown