Read Karin Magana 22

Karin Magana22hau_bib

¹An fi son suna mai kyau fiye da wadata mai yawa;tagomashi kuma ya fi azurfa ko zinariya.

²Mawadaci da matalauci suna da abu guda.Ubangiji ne Mahaliccinsu duka.

³Mai basira kan ga damuwa tana zuwa yă nemi mafaka,amma marar azanci kan yi ta tafiya yă kuma sha wahala.

⁴Sauƙinkai da tsoron Ubangijisukan kawo wadata da girmamawa da kuma rai.

⁵A hanyoyin mugu akwai kaya da tarko,amma duk wanda ya kiyaye ransa kan kauce musu.

⁶Ka hori yaro a hanyar da ya kamata yă bi,kuma sa’ad da ya tsufa ba zai bar ta ba.

⁷Mawadaci yakan yi mulki a kan matalauci,mai cin bashi kuwa bawan mai ba da bashi ne.

⁸Duk wanda ya shuka mugunta yakan girbe wahala,za a kuma hallaka sandar fushinsa.

⁹Mai bayarwa hannu sake shi kansa zai sami albarka,gama yakan raba abincinsa da matalauta.

¹⁰Ka hori mai ba’a, hatsaniya kuwa za tă yi waje;fitina da zargi kuma za su ƙare.

¹¹Duk mai son tsabtar zuciya wanda kuma jawabinsa mai alheri nezai zama aminin sarki.

¹²Idanun Ubangiji na lura da sani,amma yakan ƙi kalmomin marar aminci.

¹³Rago kan ce, “Akwai zaki a waje!”Ko kuma “Za a kashe ni a tituna!”

¹⁴Bakin mazinaciya rami ne mai zurfi;duk wanda yake a ƙarƙashin fushin Ubangiji zai fāɗa a ciki.

¹⁵Wauta tana da yawa a zuciyar yara,amma sandar horo zai kore ta nesa da su.

¹⁶Duk wanda yake danne matalauta don yă azurtakuma duk wanda yake kyauta ga mawadata, dukansu kan talauta.

Faɗi 1

¹⁷Ka kasa kunne ka kuma saurara ga maganganu masu hikima;ka yi amfani da abin da nake koyarwa,¹⁸gama yana da daɗi sa’ad da ka kiyaye su a zuciyarkaka kuma kasance da su a shirye a leɓunanka.¹⁹Domin dogarawarka ta kasance ga Ubangiji,ina koya maka yau, har kai ma.²⁰Ban rubuta maka maganganu talatin ba,maganganun shawara da sani,²¹ina koya maka gaskiya da kalmomin da za ka dogara a kai,saboda ka iya ba da amsa daidaiga duk wanda ya aike ka?

Faɗi 2

²²Kada ka zalunci matalauta a kan suna matalautakada kuma ka ƙwari wanda ba shi da mai taimako a gaban shari’a,²³gama Ubangiji zai yi magana dominsuzai kuwa washe waɗanda suka washe su.

Faɗi 3

²⁴Kada ka yi abokantaka da mai zafin rai,kada ka haɗa kai da wanda ba shi da wuya ya yi fushi,²⁵in ba haka ba za ka koyi hanyoyinsaka kuma sa kanka a tarko.

Faɗi 4

²⁶Kada ka zama mai ɗaukar lamuniko ka ba da jingina saboda bashi;²⁷gama in ka kāsa biyaza a ƙwace gadon da kake kwanciya a kai ma.

Faɗi 5

²⁸Kada ka matsar da shaidar kan iyakarda kakanninka suka kafa.

Faɗi 6

²⁹Kana ganin mutumin da yake da gwaninta a cikin aikinsa?Zai yi wa sarakuna hidima;ba zai yi hidima wa mutanen da ba su iya ba.