ሳብ ይንታ ይንቺንጎካ ኬዜ
1ሳብ ኤና እሪ ስለናር Ꮊክ Ꮊክ ጎግካ፥ ሳብዘንካ ኤሰርሶ ኬዝድባብከስጎካ ዎንታ ባቤንከስካንታ በድᎺይካ ኬዝድ Ꮊቄ፥2ታ ማቼ ኮ በእንታ ስለናር ሙዳ ሪን ክታ ይንቺንጎካ ከኬን ተይድንግንዳ ይስስባብጎካ ዎካንታ ኬዜ፥ ፍጫ ሙደንመረ ክት ፍዛንዳ ክትኬ።3ኖ ሳብታ ቦንቼንም ሮጵስሶ ሰችዝድባቤ፥ ኖይንታ እዘንካ ሳብካ ክክን ኖ ገታ የኬ። ይንታ ዎልቃ ቃለንካ ፍጫ ሙደን ዳቅስሶ ኖ የቴ፥ ኤድንከስመረ ከታ ጎመናርንካ ይ ጭልሳንደታ ቡሪ ጭላር አንድር ሳብንታ ምዝዘን ዶቅቴ።ሳብ ይንቺና ክታይንችንከዘንካ አንድር ስግና
4ክትካንታ ዎድምሳንዳ ላምና ክታይንችንታ ላምንዘንካ ስግ ማቻንከካ ሳብታ ይንቺና ክታይንችንዘንካ አንድር ስግዬ።5ሳብ ቦድሶ ክታይንችንታ ዎክያርንካ፥“የና እስታ ይንቼዬ፥ ታካ የስም አእትቴ”አነረ“እታ ክታ ባቤና ማድቴ፥ ኖየረ እስታ ይንቺ ማተረ”ጋይሳንዳ Ꮊየንካንተረ ካዬ።6ሳብ ይንታ ዳነዝ ይንቺንም ኮ ፍጫሙደንካንታ ኦይቻንደትካ“ሳብታ ክታይንችንከስ ሙደና ክትካንታ ጎስታጋካ” ጋይቴ።7ይንታ ክታይንችንጎካ“ክታይንችንከስም አያን፥ሳብታ ፍክስንባብከስመረ ኖሄታ ሎግንችንግንዳ ማዝድቴ” ጋይዴ8ይንታ ይንቺንጎካ ማቼ፥“ሳብዮ! የስታ ዶቅንት ጎንገና ስለንክንደታ ዶቅተሬ፥የስታ ባንችምንመረ ዶፈንካ ገችዝዳዬ፥9ጭለትችንም ሶልምሳዬ፥ ዳቀልስን ቦሳዬ፥ኮጎካ ሳብ የስታ ሳብና የስም እጄ፥የስታ ላኮይትንከዘንከረ ስግስሶ ጉርም እምድን ሳየርድንደትካ የስም ሳይሴ” ጋይዴ።10ኮትኮግንደረ“ጮይስዮ! የና እሪምሳዮ ፍጨንም ፍዘዬ፥ጭለንከሰረ የስታ አንንካ ፍዛዬ፥11ከታ ሙዳ ካይደኬ፥የና ማቼ ዶቅተራዬ፥ከታ ሙዳ አፍላ ግንዳ ገሰርደኬ።12ዳኬንግንዳ ቁርተራዬ፥ከተረ ገሳ አፍለን ክለካ ኦከርድንግንዳ ኦክምደኬ።የና ማቼ ሙዳᎺይካ የነተዬ፥የስታ ስለንተረ በእንታ ካዬ” ጋይዴ።13ሳብ ይንታ ክታይንችንታ ዎክያርንካ፥“የስታ ይምኤንባብከስም የስታ ገችንታ ኤረንታ ጎያር ማስተርን የለልታእስታ ምዝንዘን ዶእካ” ጋይሳንዳ Ꮊይካንተረ ካዬ።14ይና፥ ክታይንችና ሙዳ አቅድባብ ኤድንከስካንታ ከት ፍክሳባብ ኦይትምድባብከስ ሳብታ ፍግዝድባብ አያንንከሰኬ።