Takada dege YAWUDA1
1Takada mu butu dege anya na Yawuda, bunwa Yesu Kiristi, yayiwa ni Yakubu.
Te anya worede Mirikisi sukwa su, worede Mirikisi Adaa ma so su nja worede Yesu Kiristi tengele su:2Bila de aniyeri, nja selema nja so su ma nja ku teke.3Oboki na de na so, Ni yi kokori na de ni rubuta ku nshi a kiya ni sila de ma namu guru, de Ni geni e mani kyawu de ni rubuta de ni ja ku sori guyam de ku yi topula a kiya beigaskye de Mirikisi ba ntani yi.4Sobon worosu ntani de su shina Mirikisi ba su yuru a siki ku de nseda shina ba, su la aniyeri Mirikisi e ma turiki ni yi mbo mumungu, su ki Yesu Kiristi, de e shiya kin e ma Kamkiya nja Obagizi mu. Ntani de tun dege pari beta Mirikisi pala yiri poro de sua keleba.5Kode ku rigye shina, Mma bila de ni kwa turunwa ku ni yiride Mirikisi sila ni ntani Izireyila dege kesa Masa, sede dege beyi e kisa worede su beigaskye ba.6Ku turunwa ni meleku de su ka girima yiko asu ba, sede su bila anya zunwa asu: worede Mirikisi domuna su ni serika tengele su a siki dopuwa, de sua pekye nana shiriya ni gbogbo.7Ku turunwa ni kesa Sodoma nja Gomora nja geri de su gyowe su, su yi yiride meleku woroni su yi su sa kiya su a siki kwana nja menza nja mata kyakyaka nja memeri nki: su ma misali ni nsu keleba poro ni wuta ni ari gbogbo.8Yomuna, ema nja worede su sa dishiya nja shi asu de su yi mbo mumungu ni nki su; su nene girima Mirikisi su yi beta mumungu a kiya meleku Mirikisi.9Sede ko totolo meleku Mirikisi makayilu yi mbomu ba. A siki topula su de ma yi nja obiri, a kwanki de su ma yi musu a kiya waa yaa la nki Musa, makayilu meleku Mirikisi mu basi obiri ni mumungu beta ba, sede nkye, <<Obagizi kobe ke!>>10Sede ntani worosu mu su ma yi basi ni mumungu beta a kiya guru mbode su shina ba; yomuna sua yi mbode dishiya gye su, su ma yi tunani kankye nama bikiya, mbo mu e shiya ma mbode yaa bebetasu.11Gbotuma su! Su biya turiki ni Kayinu. Sobon bila gyolo su puari a siki ni kusukuri yiri ni Balaam. Su kwa bebeta sobon ni tori kiya kankye yiride Kora yi.12Ntani woromu yiri zunwa su a siki tala aku ma kankye mumungu pita. Su ma kula ni kiya su na kede. su ma kankye bisi de yi beki kiri de akusuka ma pula yi, sede e zon riki ba. Su kwa ma kankye ntasi de ma yapu yaya, ndamina ba, ntasi de su butu su dege ririnya su muntu kpataka.13Su ma kankye angwe totolo riki nsu dege a bisi ma yi somiya, su ma dege dolo ni mbo kumnya de su ma kumpa na kin. Su ma kankye kem nsu kukyani berikete, de Mirikisi bila su anya zunwa a siki beki dopuwa gbogbo.14Enoku de ma sana ni bokwe dege zuriya ni Adomu, e shi ma yi beta a kiya su nkye: <<Kone Mirikisi ema zo ni meleku yi nsuseki dupu nyowa15de su yi konwawa shiriya, yaa nana worede su mani ali yiri ni Mirikisi ba guru mungu mbo asu de su yi nja yaa biriza guru mumungu kelima de nsu lepi worede mani ali Mirikisi ba yi a kiya yi!>>16Ntani woromu su ma nsu yi beta mumungu la nsu geni lepi worosu; su ma biya mumungu memeri dishiya asu; su ma yobo kiya su nja su ma nsu zanki beta la de sa worosu de su samu mbo kiya su.17Sede ku turunwa, oboki na, ni mbode su pala a beyi te anya yaamanki ni Obagizi Yesu Kiristi.18Su gye ku nkye, <<A nana karishe, worosu ntani sua zo sua yi ku dala ni nene, ntani de su ma biya memeri nkiya su de ma ni Mirikisi ba.>>19Ntani woromu osu na ma worede ma zo ni laba kiya a sisika ku, de su ma biya memeri ni nkiya su, sobon su mani Aworo Mirikisi ba.20Sede oku, nsu oboki de na so, ku gina nkiya ku a siki beigaskye ku nsuseki. Ku yi lepa a siki sori Aworo Nsuseki,21ku yi zunwa ku a siki so ni Mirikisi, kuma pekye Obagizi mu Yesu Kiristi a siki toseyi de e ba ku leyi ni dindindin.22Ku nana worede su ma dishiya bi toseyi de sua beigaskye nto de su beigaskye;23ku sila ni worosu te anya butu su bila siki wuta; ku nana worosu aniyeri gama ni womba, sede ku ki keikei de nsu ali memeri nki bebeta yi.24Ta anya Mirikisi de yaa tele ku de kede ku puari ba nja de yaa sa ku kuma mere lepi nja peri siki a geba dereja yi,25girima te nja Mirikisi nsu sila mu, te anya Yesu Kiristi Obagizi mu, girima, dereja, totolo nja sori, dege guru sana de bise, nja kuzukam, ari gbogbo nja gbogbo! Emayomu.
Te anya worede Mirikisi sukwa su, worede Mirikisi Adaa ma so su nja worede Yesu Kiristi tengele su:2Bila de aniyeri, nja selema nja so su ma nja ku teke.3Oboki na de na so, Ni yi kokori na de ni rubuta ku nshi a kiya ni sila de ma namu guru, de Ni geni e mani kyawu de ni rubuta de ni ja ku sori guyam de ku yi topula a kiya beigaskye de Mirikisi ba ntani yi.4Sobon worosu ntani de su shina Mirikisi ba su yuru a siki ku de nseda shina ba, su la aniyeri Mirikisi e ma turiki ni yi mbo mumungu, su ki Yesu Kiristi, de e shiya kin e ma Kamkiya nja Obagizi mu. Ntani de tun dege pari beta Mirikisi pala yiri poro de sua keleba.5Kode ku rigye shina, Mma bila de ni kwa turunwa ku ni yiride Mirikisi sila ni ntani Izireyila dege kesa Masa, sede dege beyi e kisa worede su beigaskye ba.6Ku turunwa ni meleku de su ka girima yiko asu ba, sede su bila anya zunwa asu: worede Mirikisi domuna su ni serika tengele su a siki dopuwa, de sua pekye nana shiriya ni gbogbo.7Ku turunwa ni kesa Sodoma nja Gomora nja geri de su gyowe su, su yi yiride meleku woroni su yi su sa kiya su a siki kwana nja menza nja mata kyakyaka nja memeri nki: su ma misali ni nsu keleba poro ni wuta ni ari gbogbo.8Yomuna, ema nja worede su sa dishiya nja shi asu de su yi mbo mumungu ni nki su; su nene girima Mirikisi su yi beta mumungu a kiya meleku Mirikisi.9Sede ko totolo meleku Mirikisi makayilu yi mbomu ba. A siki topula su de ma yi nja obiri, a kwanki de su ma yi musu a kiya waa yaa la nki Musa, makayilu meleku Mirikisi mu basi obiri ni mumungu beta ba, sede nkye, <<Obagizi kobe ke!>>10Sede ntani worosu mu su ma yi basi ni mumungu beta a kiya guru mbode su shina ba; yomuna sua yi mbode dishiya gye su, su ma yi tunani kankye nama bikiya, mbo mu e shiya ma mbode yaa bebetasu.11Gbotuma su! Su biya turiki ni Kayinu. Sobon bila gyolo su puari a siki ni kusukuri yiri ni Balaam. Su kwa bebeta sobon ni tori kiya kankye yiride Kora yi.12Ntani woromu yiri zunwa su a siki tala aku ma kankye mumungu pita. Su ma kula ni kiya su na kede. su ma kankye bisi de yi beki kiri de akusuka ma pula yi, sede e zon riki ba. Su kwa ma kankye ntasi de ma yapu yaya, ndamina ba, ntasi de su butu su dege ririnya su muntu kpataka.13Su ma kankye angwe totolo riki nsu dege a bisi ma yi somiya, su ma dege dolo ni mbo kumnya de su ma kumpa na kin. Su ma kankye kem nsu kukyani berikete, de Mirikisi bila su anya zunwa a siki beki dopuwa gbogbo.14Enoku de ma sana ni bokwe dege zuriya ni Adomu, e shi ma yi beta a kiya su nkye: <<Kone Mirikisi ema zo ni meleku yi nsuseki dupu nyowa15de su yi konwawa shiriya, yaa nana worede su mani ali yiri ni Mirikisi ba guru mungu mbo asu de su yi nja yaa biriza guru mumungu kelima de nsu lepi worede mani ali Mirikisi ba yi a kiya yi!>>16Ntani woromu su ma nsu yi beta mumungu la nsu geni lepi worosu; su ma biya mumungu memeri dishiya asu; su ma yobo kiya su nja su ma nsu zanki beta la de sa worosu de su samu mbo kiya su.17Sede ku turunwa, oboki na, ni mbode su pala a beyi te anya yaamanki ni Obagizi Yesu Kiristi.18Su gye ku nkye, <<A nana karishe, worosu ntani sua zo sua yi ku dala ni nene, ntani de su ma biya memeri nkiya su de ma ni Mirikisi ba.>>19Ntani woromu osu na ma worede ma zo ni laba kiya a sisika ku, de su ma biya memeri ni nkiya su, sobon su mani Aworo Mirikisi ba.20Sede oku, nsu oboki de na so, ku gina nkiya ku a siki beigaskye ku nsuseki. Ku yi lepa a siki sori Aworo Nsuseki,21ku yi zunwa ku a siki so ni Mirikisi, kuma pekye Obagizi mu Yesu Kiristi a siki toseyi de e ba ku leyi ni dindindin.22Ku nana worede su ma dishiya bi toseyi de sua beigaskye nto de su beigaskye;23ku sila ni worosu te anya butu su bila siki wuta; ku nana worosu aniyeri gama ni womba, sede ku ki keikei de nsu ali memeri nki bebeta yi.24Ta anya Mirikisi de yaa tele ku de kede ku puari ba nja de yaa sa ku kuma mere lepi nja peri siki a geba dereja yi,25girima te nja Mirikisi nsu sila mu, te anya Yesu Kiristi Obagizi mu, girima, dereja, totolo nja sori, dege guru sana de bise, nja kuzukam, ari gbogbo nja gbogbo! Emayomu.
The Word for the World International