ABIRANIYAWA7
1Melkizedek mu e ma seleki ni Salemu nja pirisi ni Mirikisi nsu girima la. E gom nja Abireyi kwanki de e ma kuma mbayi dege yanki de e sha geba seleki wuru e sa Abireyi Anabirika,2Abireyi ba Melkizedek daa a siki gom ni mbode e keleba dege anya yanki. Maana Melkizedek e shiya ma <<Seleki gangasi>>; sobon e ma seleki Salemu, maana seni yi ma, <<Seleki Selema.>>3Seleki Melkizedek e mani adaa nja amaa ba, e mani juriya ba, e mani pari ko karishe ni leyi ba, e ma kankye Yaa ni Mirikisi de e ma pirisi ni gbogbo na.4Ku kone yiri girima nseminji mu: De ari Abireyi adaa ni nsu adaatolo amu beyi daa a siki gom ni mbode e keleba anya yanki de yi!5Doka Musa pala nkye juriya Lawi worede su ma pirisi na sua keleba daa a siki gom dege anya ntani, de su ma yayuwa su kode osu ma su ma juriya ni Abireyi na.6Melkizedek, e ma juriya Lawi na ba, nzun yomu e keleba daa a siki gom dege nani Abireyi e sa Abireyi anabirika e shi de Mirikisi yi anikowori.7E ma mbo musu naba nsude e ma sa ntani anabirika e pi nsude ma keleba anabirika girima.8A kiya beta ni Pirisi sua ba su daa a siki gom ni worede muntu; sede ni Melkizedek yaa keleba daa a siki gom anya worede mani leyi, yiride takada beta Mirikisi pala.9Ari mua nkye, kwanki de Abireyi beyi daa a siki gom, Lawi de juriya su ma keleba daa a siki gom ma beyi.10Sobon kwanki de Melkizedek gomu nja Abireyi, su tuku yapu Lawi woba, e tuku ma a siki adaatolo yi.11E ma te anya sari nsu pirisi na su ba ntani Izireyila Doka. Kuzukam nde ANKI nsu pirisi e ma kyakya, ba yiride pirisi daa yaa zo ba, daa de e ma dege siki sari Melkizedek, ba kankye ni juriya ni Aruna ba.12Sobon nde su shenja sari nsu pirisi, sua shenja doka du.13Obagizi amu, de su meyi beta a kiya e yi, butu dege siki juriya daa mbom la, nseda a siki juriya su taba ma pirisi ba.14Mu shina nkyawu nkye Obagizi mu su yapu yi dege siki juriya ni Yawuda la; Musa yi beta a kiya juriya yi ba kwanki de e meyi beta a kiya ni pirisi.15Beta mu butu a pili; de pirisi daa mbom pelesa, de ma kankye Melkizedek.16E ma pirisi, ba te anya doka nja kayida ni nsebeki naba, sede te anya sori ni leyi de ma yaba.17Sobon beta Mirikisi nkye, <<Ka ma pirisi ni gbogbogbo, te anya sari ni Melkizedek.>>18Su la doka susupe, sa a keteri, sobon rishi sori yi nja rishi anpani yi.19Sobon Doka Musa yaa taba sa mbodaa e ma dedeta ba. Sede kuzukam su shiriya sadishiya daa de mwa zo kusa ni Mirikisi.20Mirikisi kwa melese. Su taba melese ba kwanki de worosu su ma pirisi.21Sede Yesu ma pirisi te anya melese de Mirikisi yi nkye,<<Mirikisi melese nsoriyaa taba shenja dishiyeyi ba:<Ka ma pirisi ni gbogbo.>>>22Bombom mu, na sa Yesu mani tabeshi ni anikowori kyakyawu.23Mu mani pirisi Worosu su nyowa: Sobon su muntu su sigeba ni yanki asu ba.24Sede Yesu zunwa ari gbogbo, sobon anki yi ni pirisi bise te anya nseda mbom ba.25Sobon yomu e mani sori, kuzukam nja kowoni kwanki, de sila ni worede su zo anya Mirikisi biya anya e yi, sobon yaa zunwa ari gbogbo yaa pata Mirikisi a kiya asu.26Sobon yiri totolo pirisi na mua bila. E ma Nsuseki; e mani mbo basi ko lepi ba; su leyi sa a keteri dege nsu lepi nja su beyi girima de pi nsu bisi.27E ma kankye ririgye toree pirisi ba; e ma munka sedeka kowoni nana sobon lepi yi mpari nja lepi ni ririgye ntani. E munka sedeka, sen daa a kiya ntani guru, kwanki de e beyi nki yi.28Doka ni Musa zabi ntani worede su deta de sua ma totolo pirisi ba; Sede Mirikisi yi anikowori nja melese, de zo a beyi doka, e zabi Yaa de dedeta gbogbo.
The Word for the World International