1 Yaaya2
1Oku yaya na, Ni rubuta ku mbomu sobon kede ku yi lepi. Sede nde nseda yi lepi, mu mani nsude yaa sua mu nto yi beta nja Adaa mu Yesu Kiristi, nse gangasi.2Yesu na muntu a kiya gidiri sobon de su yape lepi amu, ba sobon lepi amu ndandaa ba sede nzun ntani durinya guru.3Nde mu biya doka Mirikisi e nana nkye mu shina yi naka.4Du nsude nkye, <<Ni shina Mirikisi,>> Sede yaa biya doka Mirikisi ba ema nsu yaruwa la, gaskye ma a siki yi ba.5Sede nsude beyi gaskye ni kelima Mirikisi, so ni Mirikisi ma a sisika dishiya yi. Yomuna mua shina nkye mu ma a siki yi.6Du nsude pala nkye ema zunwa a siki Mirikisi, ema dole na e yi tepiya yiride Yesu yi.7Oku nsu oboki na, doka sabuwa na mma rubuta ku nshi ba sede wuri la, de ku shina tun pari. Doka ni wuri na e ma manki de ku zi.8Sede nzun yomu mma rubuta ku doka sabuwa; gaskye Yesu sua geni anya e yi nja anya ku, sobon dopuwa yaa bise, asikye ni gaskye e rigye para asikye wo.9Du nsude nkye yaa biya Yesu, sede nde yaa yi geba ni yayiwa e yi e tuku ma a siki dopuwa.10Du nsude yaa so yayiwa e yi yaa yi zunwa a siki ni asikye, ba mbode yaa sa yi titimi.11Sede nsude yaa yi geba nja yayiwa e yi e ma a siki dopuwa nja yaa yi tepiya a siki dopuwa; e shina ko agana yaa te ba, sobon dopuwa sa yi ma makapi.12Ni rubuta ku nshi, yaya na de mma so,Sobon seni Yesu su yape lepi aku.13Ni rubuta ku nshi, nsu Adaa,sobon ku shina Yesu de ma tun dege pari.Ni ma rubuta ku nshi oku yaya sambari,sobon ku shakiya obiriNi ma rubuta ku nshi oku yaya dendesobon ku shina Mirikisi Adaa mu.14Ni ma rubuta ku nshi, nsu Adaa na,sobon ku shina Yesu de ma tun dege pari.Ni ma rubuta ku nshi, yaya sambari,sobon ku man sori,nja kelima Mirikisi zunwa a dishiya ku,nja ku shakiya obiri.15Kede ku so durinya ko mbode ma a siki yi. Guru nsude so durinya, so ni Mirikisi Adaa mu ma a siki dishiya yi ba.16Sobon guru mbode e ma a durinya mu, ema memeri nki nsebeki na, nja memeri ndani nja dukwa geba ni banza a kiya mbode e manshi nja mbode yaa yi, ba e butu anya ni Mirikisi Adaa mu na ba sede e butu a durinya la.17Durinya nja mungu memeri yi yaa bise, sede nsude yi mbode Mirikisi yaa bila yaama gbogbo.18Oku yaya na, daa mu ma kwanki karishe la; Yiride ku zi nkye nsu oboki geba Kiristi sua zo, a kuzukam oboki geba ni Kiristi nyowa su zo wo. Yomu na mua shina nkye mu ma a kwanki ni karishe.19Su butu dege siki amu, sede gaskye su ma namu na ba. De su ma nja mu na da sua butu bila mu ba; sede butu asu a siki amu nana nkye su ma namu na ba.20Sede oku de Nsuseki mu zabi de e ba ku Aworo yi, sobon guru aku ku shina gaskye.21Ni rubuta ku nshi sobon ku man rishi shina gaskye na ba, sede sobon ku shina yaruwa yaa butu a siki gaskye ba.22Waa ma nsu yaruwa mu? E shiya ma nsude yi musu nkye Yesu ma Kiristi naba. Yiri nse mu e shiya ma oboki geba ni Yesu, sobon e yi musu ni Adaa nja Yaa.23Ba nsude yi musu ni Yaa de yaa ma ni Adaa; nsude yeda nja Yaa e yeda ni Adaa du.24Oku mbode ku zi butu dege pari ema a dishiya aku. Nde ku yi yomu, oku ma kwa ma a siki Yaa nja a siki ni Adaa.25Nsum na ma anikowori yi de e yi mu nshi ni leyi ni gbogbo.26Mma rubuta ku mbo mu a kiya worede sua yi kokori de su sa ku bila turiki kyakyawu.27Sede oku, de ku keleba Aworo Mirikisi ma a siki aku, ba se male daa mbom zo kokoyi ku ba. Sobon Aworo yi yaa kokoyi ku guru mbo, mbode yaa kokoyi ku e ma gaskye la ba yaruwa naba. Sobon yomu ku sigeba ni biya Yesu yiride Aworo yi ma kokoyi ku.28Kuzukam, oku yaya na worede mma so, ku sigeba ni zunwa a siki Kiristi, sobon nana de yaa nana kiya yi mua ma nja shi ba womba nja ba kumnya a geba e yi.29Nde ku shina nkye Kiristi e ma gangasi na, kwa shina nkye guru nsude yi mbode ma kyakya e ma yaa Mirikisi la.
The Word for the World International