1 KORINTIYAWA11
1Ku biya seni na, kankye yiride Eni ni ma biya Kiristi.2Na yobo ku sobon kuma turunwa ni a siki guru mbo nja ku biya guru mbode ni kokoyi ku a siki dishiya ku, kyakya yiride ni kokoyi ku.3Kuzukam Ni bila de ku shina nkye kamkyiya ni kowoni nsebeki e shiya ma Yesu, nseminji e shiya ma kamkyiya ni mata e yi, Mirikisi kuma e shiya ma kamkyiya ni Kiristi.4Sobon yomu, du nseminji de yi lepa ko beyi manki beta Mirikisi ni kiya yi ripe e nene Kiristi naka.5Yomu na guru mase de yi lepa ko beyi manki beta Mirikisi ni kiya a bure ba domuna dankwali e nene kamkiya yi naka, yaa yi kyawu de mase ni e kwa yi kiya yi.6Nde mase ki domuna dankwali a kiya yi, e kwa yi gesa kiya yi; nde ema mbo kumnya la mase e kwa yi gesa yi, se e domuna dankwali.7Ema dole na de nseminji e ripe kiya yi ba, sobon ema kamani Mirikisi nja dereja yi la; sede mase ema dereja ni minzi yi la.8Sobon nseminji su yi dege siki ni mase naba, sede mase Mirikisi yi dege nki nseminji la;9Mirikisi yi nseminji sobon mase aba, sede Mirikisi yi mase sobon nseminji la.10Sobon yomu, e yi kyawu de mase e ripe kiya yi e nana ema ni yiko a kiya yi. Yomu na Meleku sua yi peri siki.11Nzun yomu a siki Mirikisi su laba mase nja minzi yi ba, yomu na kuma su laba minzi nja mata yi ba.12Sobon yiride mase e butu dege nki nseminji la, yomu na kuma mase yapu nseminji. Sede guru mbo zo dege anya Mirikisi la.13Ku kone ku geni nkiaku: E yi kyawu de mase yi lepa te anya Mirikisi ni kiya a bure?14Ko zunwa ni durinya mu kokoyi ku nkye nde nseminji bila gesa kiya yi yi nyisa, ema mbo kumnya la,15Sede nde mase mani gesa yi, yi nyisa, ema mbo dereja la. Sobon Mirikisi beyi gesa yi nyisa sobon ripe kiya yi nshi la.16Sede nde nseda bila de yi beta daa a kiya ni mbo mu, omu mu shina mbodaa kuma ba, yomu na kuma guru ririgye nsubiya Mirikisi.17A kiya ni doka mu na yobo ku ba, sobon tala aku e mani mbo kyakyawu na ba sede ni mbo mumungu na.18A pari, Ni zi nkye nde ku tala gabada a siki tala ni nsubiya Yesu, bombom ma a siki aku, yomuna kuma ni yeda ni mbode ni zi.19Gaskye ema dole na bombom ema a siki aku sobon yomuna ntani sua shina ko waa ma nsude Mirikisi yeda nsu.20Nde ku tala gabada ba de kwa suku nki ni Obagizi na ba.21Sobon anya ni si mbosi, konwawa mayi kokori si mbosi yi. Ari ku bila worosu ni nyunwa, worosu kuma sha ari su bugu.22Ku mani gizi de kwa zuzunwa ku si ku sha a siki yi bo? Ko ku nene ntani nsubiya Mirikisi la nja kuma yi worede su ma ni mbodaa ba wulakanshi na ko mina ku mayi? Mina kwa bila de ni gye ku? Ni yobo ku sobon daa mu? Ayi, na taba yobo ku ba!23Mbomu de ni ba ku ni keleba anya ni Mirikisi la nkye: Obagizi Yesu a siki dederi de su butu yi a beyi, e la buredi,24de e gbede Mirikisi, se e sua buredi nkye, <<Daa mu ema nki na, de su beyi sobon oku; Ku suku de ku turunwa ni.>>25Yomu na, a beyi de su si mbosi e la koshiya, nkye, <<Koshiya mu ema zini na ni sabuwa anikowori de yaa nya a kwanki de ni muntu; ku yi yomu, guru kwanki de kuma sha, de ku turunwa ni.>>26Guru kwanki de kuma suku buredi mu nja sha a siki koshiya mu, kuma pala manki ni muntu Obagizi naka, ari nana de yaa zo.27Nkayomu, guru nsude suku buredi mu ko sha a siki koshiya Obagizi mu ni dishiya mumungu e yi nki nja zini Obagizi lepi naka.28Nde ema yomu, se konse e gwada dishiya yi kapi de e suku buredi ko e sha a siki koshiya mu.29Guru nsude suku buredi mu ko sha a siki koshiya mu ni mumungu dishiya de ba nki Obagizi girima, Mirikisi yaa poro yi sobon e suku buredi nja sha a siki koshiya mu de e yi.30E shiya sa ntani nyowa su mani sori a siki Obagizi ba su kuma yi suwo, nyowa kuma su muntu.31Sede nde mu gwada kiya mu Obagizi yaa yi mu shiriya ba.32Nde Obagizi na ema yi mu shiriya, muma keleba poro naka sobon de kede e yi mu shiriya nja ntani durinya.33Sobon yomu, yayuwa, guru kwanki de ku tala gabada de ku si mbosi, ku pekye nkiaku.34Nde nseda ma zi nyunwa, e si mbosi a gizi, de kede Mirikisi yi ku poro sobon tala ku ba.
Kwanki de ni zo anya ku na gye ku ririgye mbo a kiya ni mbosi ni Obagizi.
Kwanki de ni zo anya ku na gye ku ririgye mbo a kiya ni mbosi ni Obagizi.
The Word for the World International