ZEGAR HAW16gub_wbt
Tupàn wiko herehe we tuweharupi
Zegar haw Tawi hemiapo kwer
1Ezekaiw katu herehe nehe, Tupàn,Ta'e hepyro har romo ereiko ne xe.2Nezewe aze'eg Tupàn Tuweharupi Wiko Ma'e pe ihe.— Ereiko hezar romo ne.Hema'e ikatu ma'e paw eremur ihewe, a'e izupe.3Teko uze'egatu Tupàn rehe uzeruzar katu ma'e wanehe wà.Hereko wer tuwe wainuinuromo ihe.4Tupàn a'ua'u imuwete har wà,Upuraraw kar ma'erahy tetea'u uzeupe wà.Nazakook kwaw ma'eruwy kwer tupàn a'ua'u wanupe a'e teko wainuinuromo ihe.Namuwete katu kwaw wazar tupàn a'ua'u ihe wà.5Ne Tupàn Tuweharupi Wiko Ma'e ne. Xo ne zo urereko ihe.Hereko àwàm nepo pe tuz.Erexak kar heremiapo ràm ihewe.6Ikatuahy tuwe ma'e ihewe neremiapo.Azeharomoete ikatuahy a'e.7Amume'u Tupàn Tuweharupi Wiko Ma'e ikatu haw ihe, ta'e wiko hereruze'egar romo a'e xe.Pyhaw hepy'a umume'u heremiapo kwer ikatu 'ym ma'e ihewe a'e.8Akwaw tuwe Tupàn Tuweharupi Wiko Ma'e tuweharupi herehe we heko haw ihe.Wiko heruwake a'e. Ni amo nahemuryryryryz kar kwaw wà nehe.9A'e rupi hepy'a hurywete ihe. Aiko hurywete ma'e romo ihe.Nakyze kwaw ma'e wi.10Ne Tupàn, hepyro pe màno haw ipuner haw wi ne.Azapo tuwe neremiapo putar haw ihe.A'e rupi nahemuezyw kar kwaw pe umàno ma'e kwer wapyta haw pe ne nehe.11Hemuata kar pe pe purumuigo kar ma'e rupi ne.Herehe we nereko haw hemynehem kar turywete haw pupe.Hemurywete kar tuweharupi no.