IZAI50gub_wbt

1Tupàn Tuweharupi Wiko Ma'e uze'eg wemiaihu wanupe.— Aipo ihe apomono kar peywy wi ihe, awa wemireko wi upuir ma'e ài ihe.Ma'e pe pemonokatu pape hepuir awer imume'u haw.Aipo ihe apume'eg uma'ereko e ma'e romo amo pe henewer haw wamekuzar pà ihe.Nan. Amo pepyhyk peneraha a'e wà, ta'e ikatu 'ym ma'e tetea'u iapo har romo peiko pe xe.Pekatu 'ymaw uhua'u. A'e rupi apomono kar wanupe ihe.2Aha pepyro pà ihe. Màràzàwe tuwe ni amo noho kwaw heruwàxi pà wà.Apuenoz ihe. Màràzàwe tuwe ni amo nuwazar kwaw heze'eg penenoz mehe ihewe wà.Aipo ko 'ar rehe napuner kwaw pepyro haw rehe ihe.Aipo hekàgaw paw uhem ihewi a'e.Nan. Aze mo amume'u pitài ze'eg, yryhu typaw mo a'e.Amumaw mo 'y. Yrykawhu uzeapo mo ywyxiguhu romo.Pira umàno mo wiwez pà wà.Uzypyrog mo inem pà wà.3Apuner ywak imupihunaw rehe.Apuner kamirpuku umàno ma'e kwer itymaw rehe har imunehew kar pà izupe,i'i Tupàn.

Tupàn hemiruze'eg upuraraw ma'erahy a'e

4Zanezar Tupàn Tuweharupi Wiko Ma'e hemu'e herereko heremiapo ràm rehe a'e.Nezewe mehe amurywete kar putar ikene'o ma'e ihe wà nehe.Tuweharupi ku'em mehe hemurywete kar a'e,a'e rupi ainu katu ize'eg a'e 'ar rehe har.5Zanezar Tupàn Tuweharupi Wiko Ma'e ukwaw katu kar ma'e ihewe.Naiko kwaw ize'eg heruzar 'ymar romo. Nazàwehem kwaw izuwi ihe.6Aruwak hekupe wakutyr hezepetepetek kar pà wanupe ihe.Aexak kar heruwa heamutaw i'ok arer wanupe no.Nazeàmim kwaw herehe waze'eg urywahyahy mehe.Uzenymon heruwa rehe wà.
7Nahemaranugar kwaw ihe kury,Ta'e Zanezar Tupàn Tuweharupi Wiko Ma'e hepytywà a'e xe.A'e rupi hekàg itahu ài.Akwaw hemumaranugar kar 'ym àwàm ihe.8Ta'e hepytywà har heruwake hekon a'e xe.Aipo amo umume'u putar ma'e hekutyr wà nehe.Aha putar hupi tuwihaw wanenataromo nehe.Aipo amo ipurumume'u wer heremiapo kwer rehe tuwihaw wanupe.Tuwe ur imume'u pà nehe.9Zanezar Tupàn Tuweharupi Wiko Ma'e hepytywà hepyro pà heàmàtyry'ymar wanuwi.A'e rupi ni amo nupuner kwaw herehe uzepykaw rehe wà nehe.Heàmàtyry'ymar paw ukàzym putar wà nehe.Nuzawy kwaw topoz ykyzu wanemi'u kwer wanemimumaw kwer a'e wà.
10Pezeapyaka katu nehe, pe Tupàn Tuweharupi Wiko Ma'e wi ukyze ma'e wà.Pezeapyaka hemiruze'eg ize'eg rehe nehe.Aze pe peho àwàm ipytun nehe,Aze naheta pixik kwaw tatainy hupi nehe,pezeruzar Tupàn Tuweharupi Wiko Ma'e rehe nehe.Peiko izar rehe uzeruzar ma'e romo nehe.11Pe tata imunykar wà,pe u'yw ukaz ma'e hereko har wà,pe'ar putar tata penemimunyk pupe nehe.U'yw penemimuàgy'ygwer pekutuk putar pezuka pà a'e wà nehe.Tupàn Tuweharupi Wiko Ma'e umur kar putar ko zepykaw penehe nehe.Ma'erahy iaiwahy ma'e ipuraraw pàwàm penàro iko a'e.
expand_more
Search