Angaramɔ (Genèse)36
1Ɛngɛ nɛ hio nam pɛ Ezau, ka dung nɛ Edom .2Ezau sio hio bhoko mɔ Kanaan tuka: Ada, bebhoko pɛ Elon ma hitite, Oholibama, bebhoko pɛ Ana, wɛnɛ nɛ bewazang Sibeon mɔ Hivi.3A baa fin Basmat, bebhoko pɛ Ismael tuka ko. Bhoko ɛngi nɛ ya mɔ Nabayot.4Ada nɛ nana mɛ Elifaz, Basmat nɛ nana mɛ Reuel.5Oholibama nɛ nana mɛ Yeus, Yalam hinɛ kora. Ɛngɛ nɛ hio bem pɛ Ezau ka ɛ bhɛa mbwa ha kanaan.6Ezau kaya hio ko pɛa, hio bewei, hio bebhoko, hio wi mɔ zang twa pɛa fɛt, hio zugili namdalɛ pɛa fɛt. A kuo fin hio wi mɔ pɛa fɛt ka wɛnɛ kpa ha Kanaan. A gbino le nɛ nyan nɛ ya wa Zakob, ha ma kandɔnu nɛtɛ.7Mbwa lɛm ɔ ha pɛtɛmay ha ndangtɛ bhandi na. Hazu mbwa nɛ hio wi mɔ pentɛ. Bhandi ka mbwa dung ang lɛm mɔ day nɛ hio namdalɛ pɛ mbwa bwa fɛt na.8Ezau, ka ɛ saa fin nde Edom, pena ɔ pɛa hasoko hio ngari mɔ Seir.9Ɛngɛ nɛ hio nam pɛ Ezau ngbabafa Edom ha ngari Seir.10Ɛngɛ nɛ ling hio bewei pɛ Ezau: Elifaz, bewei pɛ ko pɛa Ada; Reuel, bewei pɛ kɔ pɛa Basmat.11Hio bewei pɛ Elifaz nɛ Teman, Omar, Sefo, Gatam banɛ Kenaz.12Elifaz, bewei pɛ Ezau dungo nɛ ma bwa bhoko ka ling wa nɛ Timma. Bhoko ɛngi bhɛa ha wɛnɛ ma bewei ndang ka ling wa nɛ Amalek. Zɔk hio bewazang pɛ Ezau nɛ bhɛ pɛ ko Ada.13Ɛngɛ nɛ ling hio bewei pɛ Reuel: Nahat, Zera, Samma banɛ Miza. Mbwa nɛ bewazang Ezau hinɛ Basmat.14Oholibama, bebhoko pɛ Ana, bewazang Sibeon, bhɛa pɛa hinɛ Ezau: Yeu, Yalam banɛ Kora.15Ɛngɛ nɛ hio wan pɛ hio bezang Ezau: Teman, Omar, Sefo, Kenaz , Gatam banɛ Amalek ka badese le ha Edom, mbwa nɛ hio bewei pɛ kaya bewei pɛ Ezau hinɛ ko pɛa Ada, ka ling wa nɛ Elifaz.17Hio wan tuka Nahat, Zera, Samma, hinɛ Miza, ka de pɛ mbwa le ha Edom nɛ hio bewei pɛ Reuel, nɛ mbwa nɛ bewazang Bazmat, ko pɛ Ezau.18Hio wan tuka Yeus, Yalam hinɛ Kora badung nɛ hio bewei pɛ Ezau hinɛ ko pɛa Oholibama, bebhoko pɛ Ana.19Hio wan pɛ hio wi mɔ le Edom mɔ pɛlnam pɛ Ezau badung mɛgi.20Hio bosi wi ka ba ɔ ha Edom nɛ hio nam mɔ Seir wi Hori . Hio wan mɔ le horit ka dung nɛ hio bem Seir nɛ hio wi tuka: Lotan, Sobal, Sibeon, Ana, Dison, Ezer hinɛ Disan.22Hio bewei pɛ Lotan nɛ: Hori hinɛ Hemam. Ya mɛ Lotan mɔ bhoko nɛ Timna.23Hio bewei pɛ Sobal nɛ: Alvan, Manahat, Ebal, Sefo hinɛ Onam.24Hio bewei pɛ Sibeon nɛ: Aya hinɛ Ana. Yo dungo nɛ Ana ha bakpase ma ndongli ha kpɛnu ha ngimɔ ka wɛnɛ ha pama hio namdalɛ pɛ bafa wa Sibeon.25Hio bem pɛ Ana nɛ: Dison, bewei hinɛ Oholibama ka dung nɛ bebhoko.26Hio bewei pɛ Dison nɛ: Hemdan, Eseban, Itran hinɛ Keran.27Hio bewei pɛ Esser nɛ: Bilehan, Zavan hinɛ Akan.28Hio bewei pɛ Disan nɛ: Us hinɛ Aran.29Hio wan Horit mɔ le Seir nɛ hio wi tuka: Lotan, Sobal, Sibeon, Ana, Dison, Esser hinɛ Disan.31Ɛngɛ nɛ hio ɛ ndɔng ka badung kongapora ha le Edom Sɔngsi nde hio olo kongapora ahɔ ha Israel.32Bela, bewei pɛ Beor mɔ le Dinaba.33Ka Bela Fea, Yobab, bewei pɛ Zera mɔ le Bosra, baa wan ha bhandi pɛa.34Ka Yobab Fea, Husam mɔ le Teman baa wan ha bhandi pɛa35Ka Husam Fea, Hadad, bewei pɛ Bedad mɔ le Avit baa wan ha bhandi pɛa. Wɛnɛ ganazu hio wi mɔ Madian nɛ bulo ha zang kandɔnu Moab.36Ka Hadad Fea, Samla mɔ le Masreka tebo nɛ kongapora ha bhandi pɛa.37Ka Samla Fea, Saul mɔ Rehobot ka ɔa ha nu li, dungo nɛ kongapora ha bhandi pɛa.38Ka Saul Fea, Baal-Hanan, bewei pɛ Akbor tɛ bonɛ kongapora ha bhandi pɛa.39Ka Baal-Hanan, bewei pɛ Akbor Fea, Hadar tɛ bo nɛ kongapora ha bhandi pɛa. Wɛnɛ nɛ wi mɔ le Pau. Ling ko pɛa nɛ Metabeel, bebhoko pɛ Matred, bewazang Me-Zahab.40Ɛngɛ nɛ ling hio wan Edom nɛ wal hio kandɔ pɛ mbwa hinɛ hio bhandi ka mbwa dea le ang: Timna, Alva, Yetet,41Oholibama, Ela, Pinon,42Kenaz, Teman, Mibsar,43Magdiel, Iram. Yo nɛ hio wan Edom. Mbwa ba ɔ wi ndang ndang ha zang hio le nɛtɛ nɛtɛ ha zang le pɛ mbwa.
Ngbabafa mɛ hio wi Edome nɛ̂ Ezau.
Ngbabafa mɛ hio wi Edome nɛ̂ Ezau.
The Seed Company