Angaramɔ (Genèse)2
1Mɛgi, Sɔ karsa dea ngɔn nɛ nu, nɛ hio wi mɔ fɛt ka dung ha zua.2Ha yala mɔrkɔ zanga bwa, deatom pɛ Sɔ kara, nɛ wɛnɛ de fin tom ha mɔrkɔ zanga bwa yalaa mɔ tom fɛt ka wɛnɛ dea na.3Wɛnɛ wola dede wen ha zu mɔrkɔ zanga bwa yalaa, nɛ a gdea yala ɛngi nɛ nzɔya, nɛtɛ ha wen zu wɛnɛ wantɛ, hazu yo dungɔ ha yala ɛngi ka wɛnɛ karsa tom ha pata hio tom fɛt ka wɛnɛ dea.4Zɔk ɛngɛ nɛ̂ wal ka Sɔ dea nɛ ngɔn hinɛ nu. Sɔ Wankpoo gunɔ kpalmɔ ha Ɛden
Ha ngimɔ ka Sɔ Wankpoo dea ngɔn nɛ nu,5ma bete mɔ kumbɔ, nɛ ma bɛlɛ ha zang bɛlɛ tɛ̂ gbo ka ang ndang na, hazu Sɔ Wankpoo tɛ̂ de nde kolo aɔl ha zu nu na, nɛ ma wi mɔ gɔm fɔ ha nua tɛ̂ bo ang na.6Maa, ma li guo tɛ ha si nu, nɛ aa ha zu nu fɛt.7Sɔ Wankpoo dea wei nɛ gbutunu. Wɛnɛ ufo bok ɔmi ha zɔ wa, nɛ wɛnɛ kiforo wi ka dung nɛ zutunɔ.8Hapata, Sɔ Wankpoo dea ma fɔ ha le Ɛden ha wal gutɛ-swe, nɛ a gdea wei ɛngɛ ka wɛnɛ dea ha zanga.9Sɔ Wankpoo dea nde hio tili te nɛtɛ-nɛtɛ fɛt ka hio waya dung nɛ lɔka ha zɔka, nɛ yefa mɔ yɔng agbo ha nu, nɛ te ka haa tunɔ dungɔ ha binsila fɔ, yo nɛ̂ te mɔ ing mɔ ka dung nɛ dedea hinɛ mɔ ka dung nɛ gdanga.10Ma gasa nanali gboa ha fɔ mɔ Ɛden mɔ aa ha zu fɔ, nɛ haki, a gbaa kɔ̂ nar.11Ling bosi gbakɔ̂ nanalia nɛ̂ Pison; a zikoro le Havilaa fɛt. Ɛ kpaa ɔr haki12hio ɔr ka dung nɛ dedea pentɛ, nɛ ma te ka ɛ sa nde bedelium mɔ liyama, hinɛ ma ta ka ɛ sa nde cornaline.13Ling zebwa gbakɔ̂ nanalia nɛ̂ Gihon; wɛnɛ zikoro le mɔ Kus fɛt.14Ling zetar gbakɔ̂ nanalia nɛ̂ Tigre; a fok ha wal gutɛ-swe mɔ le Assyri. Ling zenar gbakɔ̂ nanalia nɛ̂ Efrate.15Sɔ Wankpoo kuo wi nɛ a gdea wɛnɛ ha zang fɔ mɔ Ɛden nde wɛnɛ a gɔm yo, nɛ wɛnɛ a pam yo.16Sɔ Wankpoo haa nû ha wi nde: «Mɛ lɛma yɔng hio wayate mɔ fɔ fɛt.17Maa, mɛ lɛm yɔng wayate mɔ ing dedemɔ hinɛ gdangamɔ na, hazu ha swe ka mɛ beyɔng yo, mɛ befe.»18Sɔ Wankpoo tɔa: «Yo bo nɛ dedea nde wi adung gbatɛ na; Mi bede ma wi ndang ka baa may hinɛ wɛnɛ mɔ haa kɔ̂ ha wɛnɛ.»19Sɔ Wankpoo kuo nu de nɛ hio sari fɛt mɔ kumbɔ, hinɛ hio nɔy fɛt mɔ ngɔn. A dea nde mbwa atɛ̂ ha pɛ wi mɔ zɔk mɛng wɛnɛ ha haa ling ha mbwa. Hio sari ndang ndang fɛt dungɔ nɛ ling ka wi haa ha wɛnɛ.20Wi haa ling ha hio sari mɔ le fɛt, nɛ hio nɔy mɔ ngɔn fɛt, hinɛ hio sari mɔ kumbɔ fɛt; maa, pɛ wi, a tɛ̂ kpaa ma wi ka baa may hinɛ wɛnɛ ka behaa kɔ̂ ha wɛnɛ na.21Mɛgi, Sɔ Wankpoo dea nde wei ɛngɛ atek la kpenmɔsoyking. A kuo ma gbala mbasi wa ndang, nɛ a gdɔka multɛ weia ha bhandia.22Sɔ Wankpoo dea bhoko nɛ gbala mbasi wei ka wɛnɛ kuo, nɛ a kuo bhokoa nɛ̂ nɛ̂ ha pɛ weia.23Nɛ weia gdɔra: «Ɛy, ɛngɛ nɛ̂ tɛ̂ wi tuka mi, ma gbala mɔ hio gbalatɛ mi, multɛ mɔ hio multɛ mi! Ɛ besa ling wa nde bhoko, hazu ɛ kuo wɛnɛ ha tɛ wei.»24Yo nɛ̂ ɛngi, wei belakgde bafa wa hinɛ nana wa mɔ hɛltɛ ha tɛ ko pɛa, nɛ mbwa bwa fɛt bedung tɛ ndang Sɔna.25Wei hinɛ bhoko dungɔ bwa fɛt nɛ Sɔngɛrɛ, nɛ yo de foe ha tɛ mbwa na.
Ha ngimɔ ka Sɔ Wankpoo dea ngɔn nɛ nu,5ma bete mɔ kumbɔ, nɛ ma bɛlɛ ha zang bɛlɛ tɛ̂ gbo ka ang ndang na, hazu Sɔ Wankpoo tɛ̂ de nde kolo aɔl ha zu nu na, nɛ ma wi mɔ gɔm fɔ ha nua tɛ̂ bo ang na.6Maa, ma li guo tɛ ha si nu, nɛ aa ha zu nu fɛt.7Sɔ Wankpoo dea wei nɛ gbutunu. Wɛnɛ ufo bok ɔmi ha zɔ wa, nɛ wɛnɛ kiforo wi ka dung nɛ zutunɔ.8Hapata, Sɔ Wankpoo dea ma fɔ ha le Ɛden ha wal gutɛ-swe, nɛ a gdea wei ɛngɛ ka wɛnɛ dea ha zanga.9Sɔ Wankpoo dea nde hio tili te nɛtɛ-nɛtɛ fɛt ka hio waya dung nɛ lɔka ha zɔka, nɛ yefa mɔ yɔng agbo ha nu, nɛ te ka haa tunɔ dungɔ ha binsila fɔ, yo nɛ̂ te mɔ ing mɔ ka dung nɛ dedea hinɛ mɔ ka dung nɛ gdanga.10Ma gasa nanali gboa ha fɔ mɔ Ɛden mɔ aa ha zu fɔ, nɛ haki, a gbaa kɔ̂ nar.11Ling bosi gbakɔ̂ nanalia nɛ̂ Pison; a zikoro le Havilaa fɛt. Ɛ kpaa ɔr haki12hio ɔr ka dung nɛ dedea pentɛ, nɛ ma te ka ɛ sa nde bedelium mɔ liyama, hinɛ ma ta ka ɛ sa nde cornaline.13Ling zebwa gbakɔ̂ nanalia nɛ̂ Gihon; wɛnɛ zikoro le mɔ Kus fɛt.14Ling zetar gbakɔ̂ nanalia nɛ̂ Tigre; a fok ha wal gutɛ-swe mɔ le Assyri. Ling zenar gbakɔ̂ nanalia nɛ̂ Efrate.15Sɔ Wankpoo kuo wi nɛ a gdea wɛnɛ ha zang fɔ mɔ Ɛden nde wɛnɛ a gɔm yo, nɛ wɛnɛ a pam yo.16Sɔ Wankpoo haa nû ha wi nde: «Mɛ lɛma yɔng hio wayate mɔ fɔ fɛt.17Maa, mɛ lɛm yɔng wayate mɔ ing dedemɔ hinɛ gdangamɔ na, hazu ha swe ka mɛ beyɔng yo, mɛ befe.»18Sɔ Wankpoo tɔa: «Yo bo nɛ dedea nde wi adung gbatɛ na; Mi bede ma wi ndang ka baa may hinɛ wɛnɛ mɔ haa kɔ̂ ha wɛnɛ.»19Sɔ Wankpoo kuo nu de nɛ hio sari fɛt mɔ kumbɔ, hinɛ hio nɔy fɛt mɔ ngɔn. A dea nde mbwa atɛ̂ ha pɛ wi mɔ zɔk mɛng wɛnɛ ha haa ling ha mbwa. Hio sari ndang ndang fɛt dungɔ nɛ ling ka wi haa ha wɛnɛ.20Wi haa ling ha hio sari mɔ le fɛt, nɛ hio nɔy mɔ ngɔn fɛt, hinɛ hio sari mɔ kumbɔ fɛt; maa, pɛ wi, a tɛ̂ kpaa ma wi ka baa may hinɛ wɛnɛ ka behaa kɔ̂ ha wɛnɛ na.21Mɛgi, Sɔ Wankpoo dea nde wei ɛngɛ atek la kpenmɔsoyking. A kuo ma gbala mbasi wa ndang, nɛ a gdɔka multɛ weia ha bhandia.22Sɔ Wankpoo dea bhoko nɛ gbala mbasi wei ka wɛnɛ kuo, nɛ a kuo bhokoa nɛ̂ nɛ̂ ha pɛ weia.23Nɛ weia gdɔra: «Ɛy, ɛngɛ nɛ̂ tɛ̂ wi tuka mi, ma gbala mɔ hio gbalatɛ mi, multɛ mɔ hio multɛ mi! Ɛ besa ling wa nde bhoko, hazu ɛ kuo wɛnɛ ha tɛ wei.»24Yo nɛ̂ ɛngi, wei belakgde bafa wa hinɛ nana wa mɔ hɛltɛ ha tɛ ko pɛa, nɛ mbwa bwa fɛt bedung tɛ ndang Sɔna.25Wei hinɛ bhoko dungɔ bwa fɛt nɛ Sɔngɛrɛ, nɛ yo de foe ha tɛ mbwa na.
The Seed Company