ಲುಕ್6gok_twf
ಸಬ್ಬತ್ ದೀಸಾಚಾ಼ ಪ್ರಶ್ನೆ
1ಮಂಗ್ ಯಕಸಿ ಸಬ್ಬತ್ ದಿಸಾದಿಸಿ ಯೇಸು ಸೇತಾ ಮದ್ನಿ ಜಾ಼ತಾನಾ ತ್ಯಚಾ ಶಿಶಾಂಚಾನಿ ಕನ್ಸ ಮುಡುನ್ ಹತ್ತಾವ ಚು಼ಳುನ್ ಖಾಲಿತ.2ತವಾ ಪರಿಸಾಯಾತ್ಲ ಕಾಯ್ ಥೊಡ ಯೇಸುಲಾ, “ಕಾ ತುಮಿ ಧರ್ಮಶಾಸ್ತಾರಾಚೆ ಅಡ್ವ ಸಬ್ಬತಾ ದೀಸಿ ಕರು ನಾಹಿತ್ಯ ಕಾಮ ಕರ್ತಾಸಾ? ಮನ್ಲ.3ಯೇಸುನಿ ತ್ಯನಾ ಆಸಾ ಉತ್ತರ್ ದಿಲಾ ದಾವಿದ್ ಆನಿ ತ್ಯಚೆ ಸಂಗಚಾ ಮಾನ್ಸಾಂಚಾನಿ ಭುಕ್ ಲಾಗ್ಲಿ ತವಾ ದಾವಿದಾನಿ ಕ್ಯಾ ಕೆಲ, ತ್ಯ ತುಮಿ ವಾಚಿವ್ಲ ನಾಹಿಸಾ ಕ್ಯಾ?4ದಾವಿದ್ ದೇವಾಚಾ ದೇವ್ಳಾತ್ ಗೆಲಾ ಆನಿ ತ್ಯಾ ನಿವ್ದಾಚಾ ಬಾಕ್ರ್ಯಾ ಯಾಜಕಾ ಸಿವಾರ್ ಆನಿ ಕುನಿ ಖಾವು ನಾಹಿತಾ ಆಸಾ ನೇಮ್ ಹುತ್ತಾ ತ್ಯಾ ಗಿಹುನ್ ತ್ಯನಿ ಕಶಾ ಖಾಲ್ಯಾ ಆನಿ ಆಪ್ಲಿ ಸಂಗ ಆಸ್ಲ್ಯಾಲ್ಯಾನಾ ಸಾಹಿತ್ ಕಶಾ ದಿಲ್ಯಾ ಹ್ಯ ತುಮಿ ಕಂದಿ ವಾಚಿವ್ಲ ನಾಹಿಸಾ ಕ್ಯಾ? ಮನ್ಲಾ.5ಆನಿ ಯೇಸು ತ್ಯನಾ “ಮಾನ್ಸಾಚಾ಼ ಲ್ಯೊಕ್ ಸಬ್ಬತ್ ದಿಸಾವ್ನಿ ಥೊರ್ಲಾ ಹಾ” ಮನ್ಲಾ.ಹಾತ್ ವಾಳ್ಯಾಲಾ ಮಾನುಸ್
6ಮಂಗ್ ದುಸ್ರ್ಯಾ ಯಕಾ ಸಬ್ಬತಾ ದಿಸಿ ಆಸ ಜಾ಼ಲ ಯೇಸು ಸಭಾಸ್ಥಾನಾತ್ ಜಾ಼ವುನ್ ಸಿಕ್ವಿತ್ ಆಸ್ಥಾನಾ ತಿಥ ಉಜ಼ವಾ ಹಾತ್ ವಾಳ್ಯಾಲಾ ಯೊಕ್ ಮಾನುಸ್ ಹುತ್ತಾ.7ತವಾ ಶಾಸತ್ರಿ ಆನಿ ಫರಿಸಾಯ್ ಯೇಸುವ ಚು಼ಕ್ ವಾವಾಯಾ ವ್ಹಯಿ ಮನ್ಹುನ್ ಸಬ್ಬತ್ ದಿಸಾದಿಸಿ ರೊಗ್ ಬರಾ ಕರ್ತ್ಯೊ ಕ್ಯಾ ನಾಹಿ ಬಗಾಯಾ ಟಪುನ್ ರಾಯ್ಲ.8ಫನ್ ಯೇಸುನಿ ತ್ಯಂಚಾ಼ ಇಚಾರ್ ವಳ್ಕುನ್ ತ್ಯಾ ಹಾತ್ ವಾಳ್ಯಾಲ್ಯಾ ಮಾನ್ಸಾಲಾ, “ಉಠುನ್ ಹಿತ್ತ ಉಬಾ ರ್ಹಾ” ಮನ್ಹುನ್ ಸಾಂಗ್ಲ ತವಾ ತ್ಯೊ ಉಠುನ್ ಉಬಾ ರಾಯ್ಲಾ.9ತವಾ ಯೇಸು ತ್ಯನಾ ಮನ್ಲಾ. “ಮಿ ತುಮಾನಾ ಇಚಾರ್ತೊ ಸಬ್ಬತ್ ದಿಸಾದಿಸಿ ಬರ ಕರಾಚ಼ ಚಾ಼ಂಗ್ಲ ಕ್ಯಾ ವಾಯಿಟ್ ಕರಾಚ಼ ಚಾ಼ಂಗ್ಲ ಜೀವ್ ಉರ್ವಾಚಾ಼ ಚಾ಼ಂಗ್ಲ ಕ್ಯಾ ಜೀವ್ ಕಾಡಾಚಾ಼ ಚಾ಼ಂಗ್ಲ?10ಮಂಗ್ ಯೇಸುನಿ ಸರ್ಬೌತಚಾ ಸಗ್ಳ್ಯಾಂಚಿಕ್ಡ ಬಗುನ್ ತ್ಯಲಾ ಮನ್ಲಾ, “ತುಜಾ಼ ಹಾತ್ ಮೊರ್ಹ ಕರ್” ತವಾ ತ್ಯನಿ ಮೊರ್ಹ ಕೆಲಾ ಆನಿ ತ್ಯಚಾ಼ ಹಾತ್ ಬರಾ ಜಾ಼ಲಾ.11ಮಂಗ್ ಪರಿಸಾಯ ಆನಿ ಧರ್ಮ ಶಾಸ್ತ್ರಾಂಚಾ ಜಾಂತ್ಯಾನಾ ರಾಗ್ ಆಲಾ ಆನಿ ಯೇಸುಲಾ ಕ್ಯಾ ಕರುಯಾ ಮನ್ಹುನ್ ಯಕಾಮಕಾಲಾ ಇಚಾರ್ ಕರುಲಾಗ್ಲ.ಯೇಸುಚ಼ ಅಪೊಸ್ತಲ್
12ಮಂಗ್ ಯಕಸಿ ಯೇಸು ಮಾಗ್ನ ಕರಾಯಾ ಕನ್ಯಾವ ಗೆಲಾ ಆನಿ ರ್ಯಾತ್ಬರ್ ದೇವಾಪ ಮಾಗ್ನ ಕರೀತ್ ರಾಹ್ಯಲಾ.13ಮಂಗ್ ದಿಸ್ ಉಗಾವಲ್ಯಾವರ್ ಯೇಸುನಿ ಆಪ್ಲ್ಯಾ ಶಿಶಾನಾ ಹಾಕಟ್ಲ; ಆನಿ ತ್ಯಾತ್ಲ್ಯಾ ಬಾರಾ ಜ಼ನಾನಾ ನಿವ್ಡುನ್ ತ್ಯನಾ ಅಪೊಸ್ತಲ್ಮನ್ಹುನ್ ನಾವ್ ಥೆವ್ಲ.14ಸಿಮೊನ್ (ಹ್ಯಲಾ ಯೇಸುನಿ ಪೇತ್ರ ಮನ್ಹುನ್ ನಾವ್ ಥೆವ್ಲ.) ಆನಿ ತ್ಯಚಾ಼ ಬಾಹು ಆಂದ್ರೆಯ್, ಯಾಕೊಬ್ ಆನಿ ಯೊಹಾನ್, ಫಿಲಿಪ್ಪ ಆನಿ ಬಾರ್ತೊಲೊಮಾಯಾ,15ಮತ್ತಾಯ, ತೊಮ್, ಅಲ್ಪಾಯಾಚಾ಼ ಲ್ಯೊಕ್ ಯಾಕೊಬ್, (ದೇಶಾಚಾ಼ ಅಭಿಮಾನಿ ಮಂಥ್ಯಾಲಾ) ಸಿಮೊನ್,16ಯಾಕೊಬಾಚಾ಼ ಲ್ಯೊಕ್ ಯುದ್, ಆನಿ ಮೊರ್ಹ ಯೇಸುಲಾ ದರುನ್ ದೇತ್ಯಾಲಾ ಇಸ್ಕರಿತ್ ಯುದ್,ಯೇಸುನಿ ಉಪದೆಸ್ ಆನಿ ಬರ ಕೆಲ್ಯಾಲ
17ನಂತರ್ ಯೇಸು ಅಪೊಸ್ತಲಾಂಚೆ ಸಂಗ ಕನ್ಯಾವ್ನಿ ಆಲಾ ದುಸ್ರ್ಯಾ ಸಗ್ಳ್ಯಾ ಶಿಶಾಂಚಿ ಸಂಗ ಸಪ್ತಾಳ್ ಜಾ಼ಗ್ಯಾವ ಉಬಾ ರಾಯ್ಲಾ ಯುದಾಯಾತ್ನಿ ಯೆರುಸಲೆಮಿತ್ನಿ ಸಮಿಂದೊರಾಚೆ ಜ಼ವಳಚೆ ಸಿದೊನ್ ಆನಿ ತುರ್ ಪೆಠತ್ನಿ ಆಲ್ಯಾಲ್ಯಾ ಲೊಕಾಂಚಾ಼ ಮೊಟಾ ಹಿಂಡ ತಿಥ ಹುತ್ತಾ.18ತೀ ಯೇಸುಚ಼ ಸಬಾತ್ ಐಕಾಯಾ ಆನಿ ತ್ಯಚಿಪ್ನಿ ರ್ವಾಗ್ ಬರ ಕರುನ್ ಗಿಹ್ಯಾ ಆಲ್ತಿತ ತವಾ ಲಾಗಿರಾನಿ ಪಿಡಲ್ಯಾಲಿ ಹುತ್ತಿತ. ತೀ ಬಿ ಬರಿ ಜಾ಼ಲ್ಹಿತ.19ತವಾ ಸಗ್ಳಿ ಸಮುದಾಯಾಚಿ ತ್ಯಲಾ ಹಾತ್ ಲಾವಾಯಾ ಗಡ್ಬಡ್ ಚಾ಼ಲ್ಲಿ ಹುತ್ತಿ, ಕಾ ಮಂಜೆ ಯೇಸುಪ್ನಿ ದೇವಾಚ಼ ಬಳ್ ನಿಗುನ್ ತ್ಯಾ ಸಗ್ಳ್ಯಾನಾ ಬಿನ್ರೊಗಿ ಕರೀತ್ ಹುತ್ತಾ.ಸುಕ್ ದುಕ್
20ತವಾ ಯೇಸು ಆಪ್ಲ್ಯಾ ಶಿಶಾಂಚಿಕ್ಡ ನದಾರ್ ಥಿವುನ್ ಮನ್ಲಾ,“ಗರಿಬ್ ಆಸ್ನಾರ ತುಮಿ ಬರ;ಕಾ ಮಂಜೆ ದೇವಾಚ಼ ರಾಜೆ ತುಮಚ಼.21ಆತಾ ಬುಖಚ಼ ಆಸ್ಲ್ಯಾಲ ತುಮಿ ಬರ; ಕಾ ಮಂಜೆತುಮಚ಼ ಮನ್ ಥಂಡ್ ವ್ಹನಾರ್.ಜೆ ಆತಾ ರಡತ್ಯಾಲಿ ತುಮಿ ಬರ;ತುಮಿ ಹಸ್ನಾರ್.22ಮಾನ್ಸಾಚಾ ಲೇಕಾಸ್ಲಾಗುನ್ ಲೊಕ ತುಮಚಾ಼ ರಾಗ್ ಕರ್ನಾರ್, ತುಮಾನಾ ಯಗಳ್ತಿಲ, ತುಮ್ಚಿ ನಿಂದಾ ಕರತಿಲ, ಆನಿ ತುಮಚ಼ ನಾವ್ ವಾಯಿಟ್ ಮನ್ಹುನ್ ಕ್ಯಾಡಲ್ಯಾವ, ತುಮಿ ಬರಿ.23ತೇ ದೀಸಿ ಆನಂದಾನಿ ರಾವ್ಹಾ; ಕಾ ಮಂಜೆ ಸ್ವರ್ಗಾತ್ ತುಮ್ಚಿ ಸಾಟಿ ಥೆವ್ಲ್ಯಾಲ ಪ್ರತಿ ಫಳ್ ತುಮಾನಾ ಗಾವಲ್.. ಹ್ಯಂಚಾ ವಡ್ಲಾಂಚಾನಿ ಪ್ರವಾದಿನಾ ಆಸಸ್ ಕೆಲ್ತ.24“ಫನ್ ಸಾವ್ಕಾರಾ ತುಮ್ಚಿ ಕ್ಯವ್ಡಿ ದುರ್ದೆಶ್ನಾ ವ್ಹನಾರ್!ಕಾ ಮಂಜೆ ತುಮಿ ತುಮ್ಚ ಸುಕ್ ಖಾಲ್ಯಾಸಾ.25ಜೆತುಮಿ ಆತಾ ಥಂಡ್ ಜಾ಼ಲ್ಯಾಲ ಹಾಸಾ ತ್ಯಂಚಿ ಕ್ಯವ್ಡಿ ದುರ್ದೆಶ್ನಾ ವ್ಹನಾರ್!ಕಾ ಮಂಜೆ ತುಮಾನಾ ಭುಕ್ ಲಾಗ್ನಾರ್.ಆತಾ ಹಸತಾಸಾ ತ್ಯಂಚಿ ಕ್ಯವ್ಡಿ ದುರ್ದೆಶ್ನಾ ವ್ಹನಾರ್!ಕಾ ಮಂಜೆ ತುಮಿ ದುಃಖಾನಿ ರಡ್ನಾರ್.26ಸಗ್ಳಿ ಲೊಕ ಕವಾ ತುಮಾನಾ ಬರ ಮಂಥಿಲ ತವಾ ತುಮ್ಚಿ ಕೆವ್ಡಿ ದುರ್ದೆಶ್ನಾ ವ್ಹನಾರ್! ತ್ಯಂಚ಼ ವಡಿಲ್ ಖೊಟ್ಯಾ ಪ್ರವಾದಿನಾ ಆಸ್ಹಸ್ ಮನ್ಹಿತ.