Xoossa Naago
1Ubbaafe Dhoqa Xoossan naagetidi de7ey,Ubbaafe Wolqaama Xoossaa kuyan aqees.2I Godaa, “Neeni taw miixanne qosetta attiya bessi,neeni tana ammanthiya ta Xoossaa” yaagana.3I nena shankanchota xihepe,wodhidi ongiya gadope ashshana.4I ba baalletan nena kammana;iya qefiya garsan neeni qosetada attana;iya ammanetethay new gondallenne kate.5Neeni qamma daganthiyabas,woyko gallas xongetiya tooras yayyaka.6Neeni dhuman oykiya harge,woyko gallasa seetan ongiya gado hirgaka.7Mukulay ne miyen,tammu mukulay ne ushachan kundana;shin nena aybika bochenna.8Iitati seeretishin,neeni ne ayfe xalaalan be7ana.9Neeni Godaa new qosetada attiya bessi oothida gishonne,Ubbaafe Dhoqa Xoossaa ne de7iya bessi oothida gisho,10iitabay nena bochenna;gadoy ne keethaako shiiqenna.11Ne oge ubban nena naagana mela,Xoossay ba kiitanchota kiittana.12Ne tohoy shuchan dhubetonna mela,kiitanchoti banta kushen nena denthana.13Neeni gaammonne shoosha bolla hemetana;wodala gaammonne iita shooshaa yedhana.14Xoossay,“I tana siiqida gisho taani iya ashshana;ta sunthaa eriya gisho taani iya naagana.15I tana xeegiya wode taani iyaw koyana;meto wode taani iyara gidana;taani iya ashshananne bonchana.16Taani iya laytha adussana;ta atotetha iya bessaana” yaagees.