Mazmure Maxaafa14gof_ltw
Xoosse Erona Asata
Zammaareta Halaqaas Xaafetida Dawita Mazmure.
1Eeyati banta wozanan, “Xoossi baawa” yaagosona;enta de7oy iitis.Enti ixetidaba oothosona;lo77oba oothiya asi baawa.2Akeekeynne Xoosse koyey de7iyako be7anaw,Goday salope duge ase xeellees.3Shin ubbay zoko zaaridosona;ubbay go77onnaba gididosona.Lo77oba oothiya oonika baawa;hari attoshin issi asika baawa.4Asi kathi meysada,enti ta asaa bonqidi moosona;ha iita asati aybaka erokona;enti Xoossaa woossokona.5Shin Xoossay xillo asaara de7iya gisho,iita asati yashshan kokoroosona.6Hinte manqota qofaa laalleeta;shin Goday manqoti qosetidi attiya besse.7Isra7eeles atotethi Xiyoonepe yeerenne!Goday enta duussa zaariya wode,Yayqooba kochay ufaytana;Isra7eele asay hashshu gaana.