Mazmure Maxaafa109gof_ltw
Ta Xoossaw Tana Ashsha
Dawita Mazmure
1Abeeti ta nena galatiya Xoossaw,ne taw si77i goopa.2Iita asatinne wordanchoti,banta doona ta bolla dooyidosona;banta wordo inxarsan ta bolla haasayoosona.3Ixon ta yuushuwa teqidosona;gaasoy bayna tana olidosona.4Ta enta dosaysinne entaw woossayis;gidoshin, enti tana mootosona.5Ta lo77o oothin, taw iita zaarosona;ta enta dosin, enti tana ixoosona.6Ta morkiya bolla iita daynna shuuma;mootanchoy iya ushachan eqo.7Iya pilgiya wode I bala gididi bento;iya woosay iyaw gome gido.8Iya laythay qaammo;iya shuumatetha hari eko.9Iya nayti yi7o gido;iya machiya am7o gido.10Iya nayti woosancho gididi toylato;banta de7iya humpa keethaafe goodeto.11Iya shalo ubbaa acoy oyko;I daaburidi kessidaba ubba allagi bonqo.12Oonika iyaw keehopo;iya naytas qadhetiya asi bentofo.13Iya nayti ubbay hayqidi wuro;kaalliya yeletethan iya sunthay dogeto.14Iya aawata nagaray Godaa sinthan qofeto;iya aaye nagaray qushetofo.15Goday enta nagara ubba wode qopo;enti sa7a bolla hassayetofo.16I keeha oothanaw polo qopibeenna;manqota, metootanchota,qohetidaysata gooddidi wodhis.17I baaddanaw dosida gisho,I baadetidaysa gido.I anjanaw dosonna gisho,iya anjoy iyape haakis.18Baadethi iya afilada ma7is;iya baadethi haathada iya bolla laakisis;zayteda iya meqethaa giddo gelo.19Afilada iya kammo;dancoda ubba wode iya xeessan de7o.20Ha tana mooteysanneta bolla iita odeteyisataGoday hessada oothidi seero.21Shin abeeti Ubbaa Haariya Godaw,ne suntha gisho tana maadda.Ne merinaa siiquwannene keehatetha gisho tana ashsha.22Taani manqonne metootancho asi;ta wozanay madunxis.23Ta omarsa kuyada dhayana hanayis;ta booleda qoqofetas.24Xooman ta gulbatay daaburis;ta asatethay laafin meqethi attis.25Tana mooteysatas qelqisethas attas;tana be7idi, banta huuphiya qaathosona.26Abeeti Godaw ta Xoossaw, tana maadda;merinaa ne siiquwada tana ashsha.27Ne kushey haysa oothidaysanne,ne haysa oothidaysa ta morketi ero.28Enti tana baaddoosona, shin ne tana anjana;tana gooddeysati yeellato; shin ne tana ufaysa.29Tana mooteysati yeella ma7o;banta kawushaa afilada ma7o.30Taani ta inxarsan Godaa galatana;deriya shiiquwan iya sabbana.31I manqota gisho mootetees;hayqos pirdetidaysata ashshees.