Xoossa Gita Oosuwa Odite
1Godaa galatite; iya suntha xeegite;I oothidaba kawotethatas odite.2Iya sabbite; galata mazmure yexite;malaalsiya iya ooso ubbaa odite.3Iya geeshsha sunthan ceeqite;Godaa koyeyisata wozanay ufayto.4Godaanne iya wolqan ammanetite;ubba wode iya koyite.5Hinteno, iya aylliya Abrahaame zareto,dooretida Yayqooba nayto,I oothida malaalsiyabata,iya malaatanne suure pirdaa hassayite.7I Godaa, nu Xoossaa;iya pirday biitta ubbaa bollana.8I ba caaquwa merinaw,ba gelida qaala mukulu yeleta gakanaw naagees.9I Abrahaamera caaqida ufaysa qaala,Yisaaqas gelida ufaysa qaala,10Yayqoobas woga,Isra7eeles merinaa caaquwaoothidi minthis.11I, “Kanaane biitta new immana;I ne kochaa gakida laata gidana” yaagis.12Xoossa asati taybon guuthanneKanaane biittan bete asi gididi de7iya wode,13Issi deriyape hara deriya,issi kawotethaafe hara kawotethi yuuyidosona.14Xoossay oonika enta un7ethana mela oothibeenna;enta gisho kawota seeris.15“Ta tiyidaysata bochofite;ta nabeta qohopite” yaagis.16Goday biittan kosha yeddidi,enta kathaa ubbaa dhaysis.17Shin I ba asaa ashshanaw,issi addiya Gibxe kiittis;he uray aylle gididi bayzetida Yoosefa.18Iya tohoti biratan duxetidosona;I santhalaatan qashetis.19I kase odidaysi tumattana gakanaw,Godaa qaalay iya paacis.20Hessafe guye Gibxe kawoy ase yeddidi,iya qasho keethafe kessis.21Iya ba keethaa bolla godaa oothis;baw de7iya ubbaa bolla shuumis.22Ba moorinnata zorana mela,ba cimata cincatethi tamaarsana mela shuumis.23Isra7eeley Gibxe bis;Yayqoobi Kaama biittan uttis.24Goday ba asaa darsis;enta morketape aathidi enta minthis.25Ba asaa ixana mela Gibxe asaa wozanaa laammis;ba aylleta cimmana mela oothis.26Ba aylliya Musenneba doorida Aarona entako kiittis.27Enti Gibxe asaa sinthan malaata,Kaama biittan malaalsiyaba oothidosona.28Goday dhumaa kiittidi, biitta dhumisis;shin Gibxe asay iya kiita polibookona.29Enta haatha suuthi laammidi,molota wodhis.30Enta biitta ubbaa,kawo gadhoka shodhe kunthis.31I kiittin, udunxenne biinneenta biitta ubbaa bolla biinney wodhis.32Ira gisho enta biitta bollashachi, dadanne wol7anthi bukisis.33I enta woyniyanne balasiya shocis;enta biittan de7iya mithaa mentherethis.34I kiittin, booleynnetayboy bayna duggoy keyis.35Enta biittan dolida katha ubbaa mis;gaden de7iya cil7oba ubbaa dhaysis.36Goday Gibxe asaa bayra nayta ubbaa wodhis;koyro yeletida ubbaa dhaysis.37Hessafe guye, Isra7eele asaaworqanne bira alleeqora kessis;enta kochaa giddofe guye attiday oonika baawa.38Gibxe asay entaw yayyida gisho,enta kessan ufaytidosona.39Goday enta kammanaw shaara miccis;qamma entaw poo7isanaw tama giigisis.40Enti miyaba oychida wode,kuraacho daaniya kafota entaw yeddis;enta salo kathi kalsis.41I shuchaa phalqin, haathi pultis;mela biittan shaafada goggis.42I ba aylliya Abrahaames,gelida geeshsha qaala hassayis.43I ba asaa ufaysan,ba dooridaysata ililsan kessis.44I entaw allaga kawotethata biitta immis;Harati daaburida goshsha laattidosona.45I hessa oothiday enti iya wogaaiya higgiya naagananne oothana melasa.Goday galatetto!