Isra7eele Asa Waaye
1Tana ayye! Taani teera ayfey maxetidi wurin, woyniyapenne balase mithafe ba amotidaysa demmanaw danda7iboona koshatida uraa mela gidas.2Xoossa asi biittan baawa; asa garsan suure asi dhayis. Asi ubbay asa suuthi gussanaw hokidi naagees; ubbay ba ishaa giten oykanaw kaallees.3Enta nam7u kusheti iitaba oothanaw loohidosona. Halaqinne daynni wodhaafe oychoosona; wolqara de7iya asati banta koydaba wolqan polisoosona. Enti ubbay issife pirdaa mirqidi dhaysoosona.4Enta garsan keeha geeteteysi aguntha mela;suure geeteteysi kinchote mela.Goday nabeta baggara odidaysadaI ba asaa seerana gallasay gakis;enti yarkana wodey ha77i matis.5Ne shooruwa ammanopa;ne laggiyan ammanetofa.Neera de7iya ne machefe ne doona naaga.6He wode na7ay ba aawa kadhees;na7iya ba aaye bolla,na7aa machiya ba azinaa aaye bollamorketethan dendana.Asas iya soo asay morke gidana.7Shin taani ufaysan Godaa xeellana;tana ashshiya Xoossaa naagana;ta Xoossay tana si7ana.Isra7eeley Dendana
8Ta morkiyaw, ta metuwan ufaytofa;taani kundikoka dendana;ta dhuman uttikoka Goday taw poo7ana.9Taani Godaa naaqas;I taw mootetidi, tabaa pirdana gakanaw,taani iya hanquwa danda7ana.I tana poo7on kessana;taani iya xillo pirdaa be7ana.10He wode ta morkey hessa be7ana;taako, “Goday ne Xoossay awun de7ii?”yaagidi qelqisiday yeella ma77ana.I ogen de7iya urqada yedhetin,taani ta ayfen be7ana.11Hinteno, Isra7eele asaw, hinte katamaa gimbe dirsati diretiya gallasay yaana; he gallas hinte zaway aakana.12He gallas hinte asay hinteko simmana. Enti Asoorepe, Gibxefe, Efraxiisa shaafa heeran de7iya biittatape, haaho bessan de7iya abba gaxapenne dhoqa zumatape hinteko simmana.13Shin biittay iya bolla de7iya asaa iitatetha gaason asi bayna baysa gidana.Woosanne Galata
14Neeni bazzon barka de7iya, ne laata deriya ne aradda biittan ne asaa heemma. Enti kase wodiyada Baasaneninne Galadan heemetana mela ootha.15Goday, “Hinte Gibxepe keyida wodiyada taani hintena malaalsiyaba bessaana” yaagees.16Enta wolqay gita gidikoka, kawotethati ubbay hessa be7idi yeellatana. Enti yeellatidi, banta doona oykana; enta haythay tullana.17Enti shooshadanne sa7ara gooshetiya medhetethatada biitta laaccana. Enti banta miixape kokorishe keyidi gita dagaman Godaako, nu Xoossaako, simmana; enti Godaa yayyidi daana.18Nagara ubbaa atto yaagey, attida ba asaa naaquwa taybonnay ne mela Xoossi oonee? Maarotethi nena ufaysiya gisho ne hanquwan merinaw gam7a eraka.19Neeni zaarada ne asaas qadhetasa; nu naaquwa ne tohuwan yedhasa; nu nagara abba ciimmon holaasa.20Neeni beni nu mayzatas caaqida caaquwada Abrahaamenne Yayqooba zare gidida ne asaas ne ammanetethanne ne merina siiquwa bessaana.