Leeweta Maxaafa22gof_ltw

1Goday Museko haysada yaagis;2Ta geeshsha sunthaa enti tunisonna mela, Isra7eele asay taw dummayida imotata Aaroninne iya adde nayti bonchon ekidi, geeshshatethan naagana mela entaw oda. Taani Godaa.3Entako haysada yaaga; “Yaana yeletetha ubban hinte kochaafe oonika tunidi de7ishe, Isra7eele asay Godaas dummayida geeshsha yarshuwako shiiqiko, he uray ta sinthan bentofo. Taani Godaa.4“Aarona kochaafe goga hargey de7iya, woyko asatethafe goggiyabay de7iya oonika geeyana gakanaw geeshsha yarshuwa moopo. Aha bochidi tunidaba woyko iya atunthay gukida uraa bochiya oonika tuna.5Qassi sa7ara gooshetiya tunisiyabata, woyko aybibanka tuna gididaba bochiya oonika,6woyko hessa melaba bochiya oonika, omarsi gakanaw tuna gidees. I ba asatethaa haathan meecetonna de7ishe, geeshsha yarshuwafe maanaw koshshenna.7Awi wulliya wode I geeshshi gidees. Hessafe guye, he geeshsha yarshuwafe bana gakiya gishuwa mo.8Hayqidaba woyko do7i wodhida mehe asho moopo; hessi tunisiyaba. Taani Godaa.9“Kahineti ta wogaa naago; enti iya naagonna ixidi banta balan hayqana. Enta geeshshiya Goday tana.10“He geeshsha yarshuwa kahiniya soo asaape attishin, hara asi moopo. Kahiniya soo yida imathe gidin, qaxaretidi oothiya ase gidin moopo.11Shin kahiney ba biran shammida aylley woyko iya son yeletida aylley he kathaa mo.12Kahine gidonna asi gelida kahiniya na7iya he geeshsha yarshuwafe moopo.13Shin I azinay hayqiko woyko iyo yeddiko qassi iw na7i bayna ixiko, iya kase ba geela7otethan de7idaysada simmada ba aawa son de7iko, iya ba aawa gakeysafe mo. Shin hara asi oonika hessafe moopo.14“Issi asi eronna de7ishe geeshsha yarshuwafe miiko, he I mida kathaa gatiya bolla xeetaape laatamu kushe gujidi kahiniyas immo.15Isra7eele asay Godaas yarshiya geeshsha yarshuwa kahineti tunisopo.16Enti banta ehida geeshsha yarshuwa bantaw midi nagaran oyshetana mela oothofo. Enta geeshshiya Goday tana.”

Eketonna Yarshota

17Goday Museko haysada yaagis;18“Aaronas, iya adde naytasinne Isra7eele asa ubbaas haysada yaagada oda; Isra7eele asi gidin woyko enta giddon de7iya bete asi gidin, oonika Godaas xuussa yarsho ba dosan immey woyko ba qangetha gathey,19he yarshoy eketana mela borey bayna wofaano, woyko maraze woyko kole eho.20Borey de7iya ay meheyka eketonna gisho hessa shiishopite.21“Issi asi ba qangetha gathanaw issifetetha yarsho Godaas yarshiya wode woyko ba mehiyape dosan imota Godaas shiishiya wode hessi eketana mela he mehey borey baynaba gido.22Hinte mehiyape qooqe woyko meqo woyko wobbe woyko giyiya madunthi woyko puusoy woyko shattoy de7iyaba Godaas yarshofite. Taman xuussa yarsho oothidi yarsho bessan Godaas shiishopite.23Iya bolla laqoy medheti woyko bolla paci de7iya korma woyko dorse issi asi ba dosan immiya yarsho shiishanaw danda7ees; shin qangetha gasos gidiko hessi eketenna.24Sanga woyko madunxidaba Godaas yarshofite. Hinte biittan hessa melaba oothopite.25Hinte giddon de7iya allaga asatape ekida hessa mela mehiya hinte Xoossaas katha yarsho oothidi shiishopite. Enta bolla borey de7iya gisho hinte gisho eketokona.”26Goday Museko haysada yaagis;27“Boora na7i woyko marazey woyko koley yeletiya wode laapun gallas ba aayera gam7o. Hospuntha gallasape doomidi, Godaas xuussa yarsho oothidi shiishanaw danda7etees.28Miizi woyko dorse I maraara issi gallas shukofite.29“Hinte galata yarsho Godaas shiishiya wode hinte yarshoy eketana mela yarshite.30Yarshoy yarshetida gallas meetetidi wuranaw koshshees; iyape wontos ashshofite. Taani Godaa.31“Ta kiitta naagitenne polite. Taani Godaa.32Ta geeshsha sunthaa tunisopite. Ta geeshshi gideysi Isra7eele asaa giddon eretanaw bessees. Hintena geeshshiya Goday tana.33Hinte Xoosse gidanaw hintena Gibxe biittafe kessiday tana. Taani Godaa.”
expand_more
Search