Iyyoba Maxaafa34gof_ltw
1Qassika Elihuy haysada yaagis;2“Hinteno, cincato ta haasaya si7ite;hinteno, eranchoto tana hayzite.3Inxarsi mal7o kathi shaaki ereysada,haythi oda shaakidi erees.4Ane nuuni suureba shaakidi,lo77oba tamaaridi eroos.5“Iyyobi, ‘Taani xillo;shin Xoossi tana suure pirdaa diggis.6Taani tuma shin wordancho gidas;tanan bali baawa shin,paxonna madunthi madunxisis’ yaagis.7Iyyobada Xoossa bolla,qelqisiya asi de7ii?8I iita ootheysatara laggetees;nagaranchotara hemetees.9I, ‘Asi Xoosse ufaysana gidi oothiyabayaykoka maaddenna’ yaagees.10“Hessa gisho, hinteno, akeekancho asato si7ite,iita oosoy Xoossaafe,Ubbaa Danda7iya Xoossaafe bala oosoy haako.11Xoossay asas iya oosuwada immees;iya ogiyada iyaw qanxees.12Xoossay tuma iita oothenna;Ubbaa Danda7iya Xoossay suure pirdaa geellayenna.13Sa7a bolla iyaw maata immiday oonee?biitta ubbaa bolla iya shuumiday oonee?14Xoossay ba Ayyaananne ba de7o shempuwazaaridi baako ekiyako,15asho ma7ida ubbay issife dhayana;asi biitta simmanashin.16“New akeeki de7iko haysa si7a;ta haasaya hayza.17Suure pirdaa ixey haaranaw danda7ii?Neeni xillonne wolqaama Xoossaa pirday?18Xoossay kawotako, ‘Hinte pathonayisata’;qassi biitta haareysatako, ‘Hinte iita’ yaagees.19Enti ubbay iya kushe oosota gidiya gisho,Halaqata som7o xeellidi maaddenna;dureta manqotape aathidi xeellenna.20Enti gidi bilahe akeekona hayqana;ubbay kokorishe dhayana;wolqaamati asa kushey bochonna kichana.21“Xoossay asa hemethaa xeellees;iya tango ubbaa wochees.22Iita ootheyisata,genthanaw danda7iya sakana dhumi baawa.23Asay iya sinthe pirdas shiiqana mela,Xoossay qaxaro immenna.24Oyshi bayna wolqaamata mentherethees;enta bessan harata shuumees.25I enta oosuwa eriya gisho,enta issi qamman maatape wothidi dhaysees.26Enta iitatethaa gisho,nagaranchota asa sinthan seerees.27Hessa I oothey,enti iya kaallonna ixida gishonneiya kiitaa aggida gishosa.28Enti manqota un7ethidi Xoossako waassana mela oothidosona;Xoossay manqota waasuwa si7is.29Xoossay si77i giiko iya oone mootanay?I ba som7uwa qosiko iya be7anay oonee?I asaapenne kawotethaafe bolla.30Hessi haniday geellay deriya haaronna melanneenta sinthan xihe wothonna melasa.31“Asi Xoossako yaagiyako Lo77o;kase ta nagara oothidaba gidiko zaarada oothike.32Ta be7onnaysa tana tamaarsa;nagara oothidaba gidiko zaarada oothike.33Yaatin neeni paaxike gashe,ne doseysa mela Xoossay new woytaneyee?Hiza qofa qachanay nenape attishin, tana gidike;hessa gisho, ne ereysa taw oda.34Akeeka asay haysada yaagosona;cincati yaagosona;35‘Iyyobi eri bayna odetees;Iya odan ayfey baawa.’36Iyyobi iita asada zaaro immida gisho,wursethi gakanaw paacetida gideerenne!37I ba nagaraa bolla geellatethi gujis;nu sinthan Xoossaa bolla qelqisis;Xoossa bolla daro odetis” yaagis.