Iyyoba Maxaafa30gof_ltw
1Shin ha77i taape na7attiya asati tana qelqisoosona.Enti ta dorsa wudiya heemmiya kanatara pee7onna melataani diggida aawata nayta.2Enta aawati wolqi ixidaysatannegilqata gidiya gisho tana aykoka maaddibokona.3Metoynne koshi un7ethin,biitta bazzo bidi xapho coommosona.4Cumadhenne bonco maxidosona;mal7onna sankara xapho midosona.5Asi waassishe kayso gooddeysada,entana asaa giddofe gooddidosona.6Enti zangaaran, gongoloninnezaalla qophon de7idosona.7Enti woran do7ada waassishe yuuyidosona;aguntha giddon shiiqidi issife de7idosona.8Enti biittafe goodetidosona;sunthi bayna eeyata gididi de7idosona.9Ha77i enta nayti tana yethan caddoosona;taani enta giddon hayses attas.10Enti tana shaatetidi taape haakoosona;yeellatonna ta som7on cuttoosona.11Xoossay ta wolqaa laafethidi tana kawushida gisho,enti tana qohanaw yeda para gididosona.12Seeri bayna diccida nayti ta bolla dendidosona;ta tohuwas xihe wothidosona;enti tana dhaysanaw teqidosona.13Enti ta ogiya gordidi tana dhaysanaw koyoosona;enti hessa oothonna mela teqiya oonika baawa.14Olanchoti katama dirsaa menthidi geleysada,enti ta bolla yidosona.15Taani gita dagama dagammas;ta bonchoy carkoy efiyada bis;ta saro duussay shaarada dhayis.16Ta shempiya daro un7etasu;metoy tana cuucummidi oykis.17Qamma qamma sahoy ta meqetha coommees;seelay taw shempo immenna.18Xoossay ba gita wolqan ta ma7uwa shiishidi oykis;qoodhe oykiya ma7oda tana cuullis.19Xoossay tana urqan holis;taani baananne bidinthe gidas.20Abeeti Xoossaw, taani neeko waassayis;shin neeni tana allabaka.Eqada nena woossas;shin neeni ta woosa si7abaka.21Neeni taw wozana mino gidadasa;ne gita wolqan tana yedethaasa.22Neeni tana carkora denthada gooddadasa;goten tana harqadasa.23Asa ubbaas wursethi gidida,hayqos ne tana aatha immanaysa erayis.24Meqida asi, “Tana maaddarki” gidi waassin,iyaw qadhetonna asi de7ii?25waayen de7eysatas ta yeekabikina?manqotas ta qadhetabikina?26Lo77oba demmana gada amotas shin iitabay gakis;Taw sa7i keehana gada naagas shin gallasi taw dhumis.27Ta wozanay hirga aggibeenna;taani wopa demmabike;un7a qammi ta bolla gakis.28Ta asatethay awa suulon gidonashin azzanon kareexis;taani deriya shiiquwan eqada maade koyayis.29Taani worakanatas isha,diidinthas lagge gidas.30Ta gogay kareexidi poqeti poqeti wodhees;ta asatethay mishan xuugetees.31Ta ufaysi qoncisiya diithinne suusul7ey,ha77i ta zelelsas gidis.