Iyyoba Maxaafa22gof_ltw

Elfaaza Haasaya

1Hessafe guye, Temaana biittafe yida Elfaazi haysada yaagidi zaaris;2“Asi Xoosse go77anaw danda7ii?Hari attoshin cinca gidikoka,bana go77anaape attishin, Xoosse go77enna.3Neeni xillo gidiko hessi Ubbaa Danda7iya Xoossaa ufaysiyee?Ne ogey borey baynaba gidiko hessan I ay wodhe demmii?
4“I nena seereynne pirdey,Neeni iyaw yayya gishoyee?5Ne iitatethay daro gidenneyee?Ne nagaraas zawi baawa gidennee?6Gaasoy bayna ne ishata waase xeegisadasa;asaa ma7uwa qaara ekada enta kallo yeddadasa.7Saamotidaysata haathe ushshabaaka;koshatidaysata kathi muzabaaka.8Neeni wolqaama, durennebonchetida asi gidada de7ashe,9Am7eta mela kushe yeddadasa;yi7otas wolqa dhaysadasa.10Ne yuushoy gitetiday,akeekona yashshi nena kokorsey hessasa.11Ne be7onna mela dhumiday,qassi kixa haathan ne muuketiday hessasa.
12“Xoossay dhoqa saluwan uttidi,dhoqan de7iya xoolintota duge xeellees.13Shin neeni, ‘Xoossi ay erii?Sakana dhumaa giddora kanthidi,pirdanaw danda7ii?14Salo gufantho bolla I simeretiya wode,I be7onna mela siketida shaaray iya goozees’ yaagasa.15Nagaranchoti hemetida beni ogiyarabaanaw qofaa qachadii?16Entaw wodey gakonna de7ishin hayqidosona;enta de7o baasoy di7on meecetidi dhayis.17Enti Xoossaako, ‘Nuupe haaka!Ubbaa Danda7iya Xoossay nuus ay oothanaw danda7ii?’ yaagidosona.18Gidikoka, enta keetha lo77oban kunthiday Xoossaa;Hessa gisho, iita asaa qofaa ta ekike.
19“Iita asati seeretiya wode,xilloti ufaytoosona;suure asati haysada yaagidi, enta bolla qelqisoosona.20‘Nu morketi dhayidosona;enta duretethay tamas attis’ yaagosona.
21“Iyyoba, ha77ika Xoossara giiga;iyara saro de7a;yaatiko neeni anjetana.22Iya timirtiya si7a;iya qaala ne wozanan wotha.23Neeni Ubbaa Danda7iya Xoossaako simmiko;new sa7i simmana;iita ooso ubbaa ne soope digga;24Ne worqaa sa7an hola;ne Ofira worqaa shaafan yegga.25Yaatiko Ubbaa Danda7iya Xoossay,new worqanne dooretida bira gidana.26He wode ne Ubbaa Danda7iya Xoossan ufaytana;yeellatonna Xoossako pude xeellana.27Neeni iya woossana, I nena si7ana;ne qangetha iyaw gathana.28Ne qopidabay poletana;ne hemetiya ogey poo7o gidana.29Xoossay otoreyisata kawushshees;shin ashketa ashshees.30Ne kushey geeshshi gidiko,bala asay ne gaason maarota ekananne attana” yaagis.
expand_more
Search