Iyyoba Maxaafa12gof_ltw

Iyyoba Haasaya

1Iyyobi haysada yaagidi zaaris.2Ee, hinte tumaka ase;cincatethi hintera hayqana!3Shin taka hinteda akeeki de7iya asi;taani hintefe guuxike;Ha hinte odetidaba eronnay oonee?4Taani Xoossaa woossin I tana si7ida asi gidikoka,ha77i ta laggetas miichas attas;taani xillonne borey bayna asi gidikoka qelqisethas attas.5Metootidi be7iboona asi hara asa meton miicees;hinte kundanaw gandigariya asi sugeeta.6Bonqeyisata keethay saro de7ees;Xoossaa yiloyeysati hirgi bayna de7oosona;banta wolqaa bantaw xoosse oothosona.
7Ane meheta oycha; enti nena tamaarsana;Woyko salo kafota oycha; enti new odana.8Woyko sa7a medhetethatas oda; enti nena tamaarsana;abba molotika new odana.9Godaa kushey hessa oothidaysa eronnay oonee?10De7oy de7iya medhetethi ubbaynneasa shempoy iya kushena.11Inxarsi kathi shaakidi ereysada,haythi oda shaakidi erenneyee?12Cincatethi dondzida asaa matan deneyee?daro laythi de7ida asaa matan akeeki benteneyee?13Cincatethinne wolqi Xoossasa;zoreynne akeeki iya matan bentees.14Xoossay laallidaba zaari keexanay oonee?I qachida uraa birshanay oonee?15Xoossay ira teqiko biittay melees;ira bukisiko di7oy biitta dhaysees.16Minotethinne xoonoy Xoossasa;cimeteysinne cimmeysi nam7ayka iyape garsan de7ees.17Zoreysatape cincatethaa qaari ekees;halaqataka eeya kessees.18I kawota araatape wothidi aylle kessees.19Kahinetape bonchuwa qaari ekees;adussa wode xapho yeddida wolqaamata shiri yeggees.20Ammanetida zoreyisata si77i oothees;cimatapeka akeeka yegisees.21Bonchetidaysata kawushshees;minota danco bilisees.22Dhuman de7iya xuura qonce kessees;leelida dhumaa poo7o kessees.23Xoossay kawotethata gitayees; zaaridi dhaysees;Kawotethata dalgisees; zaaridi laallees.24Alamiya kawota akeeka diggees;ogey bayna mela biittan toylatana mela oothees.25Poo7oy bayna dhuman tattafoosona;mathotida asada gandigaroosona.
expand_more
Search