Moo7abes Odetida Tinbite
1Moo7abe Ubbaafe Wolqaama Goday,Isra7eele Xoossay haysada yaagees;“I dhayana gisho, Nabo katamaa ayye!Qiratayma katamay yeellatananne; oyketana;enta miixay kawuyana; meqeretana.2Hizape Moo7abe ceeqoy dhayana;Haseboona katamaa asay Moo7abe bolla,‘Haayite, ha biitta dhaysana’yaagidi iitabaa maqetis.Neno, Madmaana katame,mashshi nena yedethana gisho si77i ga.3Horonayma asay, ‘Dhayoynne kundethi,gakis’ gidi waassiya waasuwa si7ite!4Moo7abey meqeretana;iya nayti yeekiya yeehuwa si7ite!5Enti yeekishe, Luhita pude keyana;Horonaymape duge wodhishe,dhayo waasuwa si7ana.6Issoy issoy, ‘Baqatite; hinte shempiw ashshite;mela biittan de7iya Aro7eerada dummatite,hinte shempuwa ashshite’ yaagana.7Neeni ne wolqaaninne ne duretethan ceeqetida gisho,neka di7etana.Kamooshika ba kahinetaranne halaqatara,di7etidi baana.8Goday odidaysada,katama ubbaa dhayseysi yaana.Issi katamika attenna;zangaaraynne demba ubbay dhayana.9Moo7abey paallidi attana melaqefe immite.I katamay dhayanalaattiya asika demmenna.10Godaa oosuwa qeli gidi oothiyauray baadetidaysa gido.Suuthu gussonna mela ba mashsha teqiyauray baadetidaysa gido!11“Moo7abey yalagatethafe doomidi, injen de7ida asa mela; I hara biitta di7etibeenna. Moo7abey otope oton tigetonanne qaaxonna, mal7oy laametonnanne sawoy aggonna, uttidi de7ida woyne ushsha mela.12Taani otuwa gupanthesata kiittiya wodey yaana. Enti iya gussana; otuwape xiizo dhaysana; otuwa mentherethana.13Isra7eele asay ba ammanetida, Beetelen de7iya eeqan kawuyidaysada Moo7abey ba xoossaa Kamooshan kawuyana.14“Hinte, ‘Nu wolqaama asinne mino olancho’ gidi ayis ceeqetetii?15Heko, Moo7abeynne yan de7iya katamati dhayidosona. Iya yalaga adde nayti shukettanaw duge bidosona” yaagees, kawoy, Ubbaafe Wolqaama Goday.16Moo7abe dhayoy matatis; iya laaletetha wodey ellesidi gakis.17Iya yuushuwan de7iya asay, iya gitatetha eriya ubbay, “Mino gidida kawotethaa xam7ay waanidi meqidee?” Bonchetida xam7ay waanidi tinchetidee? yaagidi zeleelite.18“Hinteno, Diboona kataman de7eysato, hinte boncho bessafe wodhidi, mela biittan uttite. Moo7abe dhayseysi hinte bolla yaana; hinte miixa ubbaa laallana.19Aro7eera kataman de7eysato, oge doonan eqidi xeellite; kessi ekidi baqatiya addetanne maccasa, ‘Aybe keyday?’ yaagidi oychite.20Enti, ‘Moo7abey kundida gisho kawuyis; iyaw yeekitenne zeleelite. Moo7abe dhaydaysa gisho Arnoona shaafa matan awaajite’ ” yaagidi zaarana.21“Gezzen de7iya Holona, Yaasa, Mefaata,22Diboona, Nabo, Beet-Dibilatayma,23Qiratayma, Beet-Gamula, Beet-Ma7oona,24Qiriyootanne, Baasora katamata bollanne mataninne haahon de7iya Moo7abe katamata bolla pirdi yis.25Moo7abe kacey qanxetis; iya qesey meqis.”26Godaa bolla otortida gisho, Moo7abe ushshidi mathoyite. Ba cooshshaa bolla gondoreto; asa ubbay iya bolla qelqiso.27Kase ne Isra7eele bolla qelqisabikii? Iyabaa haasaya wode kadhada huuphe qaathiday Isra7eeley kaysotara oyketida gishoyee?28Hinteno, Moo7aben de7eysato, katamape keydi, shucha hom7on de7ite. Aafo doonan baw keethe keexiya holle mela gidite.29Moo7abey daro otortis; Moo7abey ay mela ba ganna gabbisidaako, ceeqetiyako, otortiyako, ay mela bana dhoqu oothiyako, ta si7as.30Ta enta ceequwa erayis; shin aykoka maaddenna; enta otoroy aykoka oothenna.31Hessa gisho, ta Moo7abes waassas; Qir-Hereesa asaas kayotada yeekayis.32Hinteno, Sebama asaw, Ya7izeera asaas yeekeysafe aathada hintew yeekayis. Hinte tashey daayidi, Maxine Abbaa pinnidi, Ya7izeera gakida woyne mela; shin hinte woyne ayfiyanne wurcuwa bonqeysati yidi dhaysidosona.33Ufaysinne Lo77obay ayfiya Moo7abe biittafe eketis. Woyne gum7iya bessaafe woyney goggonnaada teqas. Oonika ililishe woyne gum7enna. Si7etiya girsi de7ikoka ufaysa girsi gidenna.34Enti Haseboonaninne Eliyaalan waassiya waasoy Yahaaxa gakanaw si7etees. Zo7aarape bidi Horonaymanne Eglaat-Shalisha gakanaw si7etees. Hari attoshin, Nimirima haathay melis.35Taani Moo7abepe dhoqa bessatan goyinnesatanne banta xoossatas ixaane cuyiseyisata dhaysana.36“Enti kase demmida duretethay ha77i dhayida gisho, ta wozanay Moo7abesinne Qir-Hereesa asaas susul7eda yeekas.37Enti banta huuphiyanne banta buuchaa meedidosona; banta kushiya qanxidi madunxisidosona; banta xeessan kayo ma7o dancidosona.38Taani Moo7abe oonika koyonna otoda menthida gisho, Moo7abeta keethaa bollaninne dabaaban yeehope attishin, harabay baawa” yaagees Goday.39Moo7abey aybi meqo meqide! Iya asay aybi waaso waassi! Moo7abe waani yeellatidi, ba zokuwa zaaridee? Hessa gisho, Moo7abey ba yuushuwan de7iya ubbaas miichasinne dagamas attis.40Arganthi ba qefiya miccidi yeysada morkey Moo7abe bolla yaana.41Iya katamati oyketana; iya miixati eketana. He gallas Moo7abe mino olanchota wozanay iqethi oykida maccasa wozana mela un7etana.42Moo7abe ta bolla makallida gisho dhayana; hizape guye kawotethi gididi deenna.43Moo7abe asaw, yashshi, olinne xihey hintena naagees.44Daganthiyabaape baqatiya oonika ollan kundana; ollafe keyiya oonika xihen oyketana. Taani Moo7abe seeriya wode hessa oothana.45“Baqatidi bidaysati wolqa dhayidi, Haseboona katama kuyan eqidosona. Haseboona katamaape Tami, kawoy Sihooney de7ida keethaafe lacoy keyidi, Moo7abe biittanne yan de7iya makallancho asaa mis.46Moo7abe asaw, hintena ayye! Kamoosha geetetiya eeqa xoossaa goyinneysati dhayidosona; enta adde naytinne macca nayti di7etidi bidosona.47Gidoshin, wursethan taani Moo7abe zaarada oorathana” yaagees Goday. Moo7abe bolla odetida pirday haysan wuris.