Ermiyaasa Maxaafa41gof_ltw
1Laapuntha ageenan kawo koche gididi, kawa moorinnatape issoy, Elsama na7ay, Naatana na7ay Isma7eeli tammu asaara issife Akqaama na7aa Godoliyara gahetanaw Mixipha bis. Ubbay uttidi kathi mishin,2Naatana na7ay Isma7eelinne iyara de7iya tammu asati banta mashshaa mashshaa kessidi, Babiloone kawoy Yihuda bolla shuumida Akqaama na7aa Godoliya wodhidosona.3Isma7eeli qassi Mixiphan Godoliyara de7iya Ayhudetanne Babiloone olanchota ubbaa wodhis.4Godoliya hayqida wontetha gallas, oonika iya hayquwa eronna de7ishin,5Seekemape, Seelopenne Samaarepe hospun tammu asati azzanidi, banta buuchaa meedidi, banta ma7uwa daakidi, banta som7uwa gaarishe yidosona. Enti Xoossa keethaas immiya kathinne ixaane ehidosona.6Isma7eeli yeekishe Mixiphafe keyidi, entara gahetanaw bis. Enta gahetida wode, “Akqaama na7aa Godoliyako haa yidi iya be7ite” yaagis.7Enti katamaa gelida wode Isma7eelinne iyara de7iya asati enta wodhidi haatha ollan yeggidosona.8Shin he hospun tammu asatape tammati Isma7eela haysada yaagidi woossidosona: “Nuna wodhopa! Nu goshshan nu qosida daro gistey, bangi, shamaho zayteynne eessi de7ees” yaagidosona. I enta wodhonna yeddi aggis.9Isma7eeli asaa wodhidi yeggida ollay, Isra7eele olanaw Ba7oosi yida wode kawoy Asi bookisida gita gimbetida haatha olla. Nataniyaa na7ay Isma7eeli he ollaa ahan kunthis.10Isma7eeli kawa macca naytanne Mixiphan attida asa ubbaa di77is. Hessati kawa naageysata halaqay Nabuzardaani Akqaama na7aa Godoliya aawatetha garsan Mixiphan wothidaysata. I enta di77idi, baara ekidi, Amoone biitta baanaw dendis.11Qaraya na7ay Yohaaninne iyara de7iya toora moconati Isma7eeli oothida iitaba ubbaa si7idosona.12Banta asaa ekidi, iyara oletanaw bidosona; Isma7eela Gaba7oonan de7iya gita eele haatha matan oykidosona.13Isma7eeli di77idi efiya asa ubbay Qaraya na7aa Yohaanananne iyara de7iya toora moconata be7ida wode daro ufaytidosona.14He di7etidaysati ubbay guye simmidi, Qaraya na7aa Yohaananan gahetidosona.15Shin Isma7eelinne hara hospun asati Yohaananape kessi ekidi, Amoone biitta baqatidosona.16Isma7eeli Akqaama na7aa Godoliya wodhidi, Mixiphafe di77idi ehida olanchoti, maccasati, naytinne shuufati ubbay Qaraya na7aa Yohaanaranne hara toora moconatara dendidi bidosona.17Enti yaape dendidi, Gibxe baanaw, Beeteleme matan de7iya Gerot-Kamahama geetetiya bessan shempidosona.18Enti Gibxe biday Babiloone kawoy shuumida Akqaama na7aa Godoliya Isma7eeli wodhida gisho, Babiloonetas yayyidi, Babiloonepe baqatidi, Gibxe baanaw dendidosona.
No translations available.